في مكتب طلال
طلال: لف على حسين بعصبيه وينها لي نص ساعه مأخر اشغالي وحضرتها ماجت بس تجي واعرفها النظام كيف
حسين: دايم كذا تتاخر على كيفها ومطنشه كل شي ورا ظهرها وان قلت لها شي اشتكتني عند ابو ابراهيم وقالي خلها لاتقرب منها
طلال: راح تشوف الحين كيف دلعها يهلكها
هجير: كانت تدعي ربها يحميها من المدير الجديد وترددتت تطق الباب
طلال: سمع طقتها قال لحسين اطلع وخلني انا والسكرتيره معاها
حسين: طلع وناظر بهجير وغمز لها اتمنى لك وقت ممتع بس على فكرة تراه معصب حيل وماعنده يمه ارحمني هههههههههههه
هجير: خافت اكثر وفتحت الباب بشويش ناظرت لقت سكرتيرته اللبنانية قدامها جالسه وبعدين غرفة زجاج تفصل بين الممرضه وطلال ناظرت تشوف رجال عريض المنكبين منزل راسه يقرأ بملف ويقلبه وواضح من حركات ايدينه انه معصب
الممرضه:ااخذتها ودخلتها عليه وسكرت عليهم باب الزجاج
هجير: وقفت بخوف ساكته بس قالت بهدوء السلام عليكم
طلال: رفع راسه و.........
حسين: طلع وناظر بهجير وغمز لها اتمنى لك وقت ممتع بس على فكرة تراه معصب حيل وماعنده يمه ارحمني هههههههههههه
هجير: خافت اكثر وفتحت الباب بشويش ناظرت لقت ممرضه قدامها جالسه وبعدين غرفة زجاج تفصل بين الممرضه وطلال ناظرت تشوف رجال عريض المنكبين منزل راسه يقرأ بملف ويقلبه وواضح من حركات ايدينه انه معصب
الممرضه:اخذتها ودخلتها عليه وسكرت عليهم باب الزجاج
هجير: وقفت بخوف ساكته بس قالت بهدوء السلام عليكم
طلال: ريحة هالانسانه موغريبه عليه همسها بعد موغريبه عليه رفع عيونه لها نفس البنت الي لفتت نظره بشعرها عمره ماهزت بنت كيانه من بعد حبه لهجير ليه هالبنت بس هزت كيانه رجع يتاكد من ملفها شاف مكتوب فيه ساره بنت علي بن ...
هجير:كانت منزله عيونها وايدينها ترتعش ماقدرت ترفع عيونها له
طلال:انتي سارة بنت علي ؟؟؟
هجير: الصوت هذا موغريب علي اعرفه زين صوت عذبني بحلمي وعلمي رفعت عيونها له التقت نظراتهم حاولت تتذكره ماقدرت وجهه اول مرة تشوفه ((طبعا لان هجير ماتتذكر شكل طلال قبل الحادث دايم يلبس نظارة وكان وجهه مشوه وجشسمه نحيل وهي الحين فاقدة للذاكرة صعب عليها تتذكرة بس حاسة انها تعرفها تحاول تتذكر موقادرة ))
طلال: عقد حواجبه وبعصبية وتريقة ايش فيك بلعتي لسانك جاوبيني بسرعه وحركاتك هذي بطليها انتي موقدام ابوابراهيم الي استغليتي طيبته انتي قدام طلال بن فهد
هجير: وجعها قلبها كاد يوقف من شدة مادق جلست تردد بهمس طلال بن فهد اسمه موغريب علي اعرفه متأكده اعرفه حتى شكله موغريب علي مسكت راسه حست بوجع غير طبيعي وكل شوي صداعها يزيد عجزت تتحمل الألم صار فوق طاقة تحملها ومسكت راسها لعله يخف عليها
طلال: استغرب حركتها كأنها تتألم البنت موطبيعيه ابد ناداها سارة بس البنت مو يمه واضح انها تتألم حيل من مسكتها لراسها وقف بسرعة وقرب منها وكلمها بهمس وحنان لأنه خاف عليها سارة متعبك شي تحسي بشي يألمك ؟!؟!
هجير: كانت تبعد عنهوهي ماسكة راسها بقوة وصداعها كل شوي يزيد صارت الدنيا تلف فيها تحاول تشوف الي قدامها ماقدرت شوي الا تطيح مغمى عليها
طلال: مسكها قبل ماتطيح على الارض وشالها وحطها على الكنبة و وقرب منها وفسخ غطاها سوا لها تنفس صناعي وبسرعه كلم دكتور وجو بسرعه شالوها راح معاهم ووقف عند الباب يجلس ويقوم متوتر وخايف ومضطرب البنت هذي موطبيعية ابد فيها شي بس مادري ايش معقوله من زود خوفها صار لها كذا راح لمكتبه دق على الدكتور سأله بخوف وقلق عليها بشرني عنها
الدكتور: اصيبت بانهيار عصبي وكل ماتقوم تبكي وحنا نعطيها مهدئات الحين
طلال: وقف بخوف انهيار عصبي معقوله كل هذا بسببي أنا دق على السكرتيرة بسرعة نادوا مها اول ماحب يروع أهلها بس الحين لازم يجون ويجلسون حولها ويفهم منهم كل شي
ام سارة: تركض مع عناد ايش فيها بنتي بسم الله عليها مافيها شي يوم تطلع من عندي وتبكي يارب سترك يارب لطفك
طلال: تأثر ولام نفسه على تهوره واستعجاله سألها ممكن ياخاله سؤال ؟؟؟
ام سارة: بكل حنان وهي تمسح دموعها تحت برقعها تفضل ياوليدي بس اسالني بعد ماشوف بنتي مالي بالدنيا غيرها
طلال: الحين الاطباء عندها اول مايطلعون راح ادخلك بس بنتك خوافه حيل او سبق لها انهارت عند موقف معين ؟؟؟
ام سارة: ماعمري شفتها منهارة بسم الله عليها اول مرة تصير لها كذا بس انت جاوبني ياوليدي احد ضايقها تراها حساسه ماتتحمل
طلال: الصراحه كانت مقدمه شكوى ضدها وناديتها ابفهم منها بس يمكني قسيت عليها شوي وانهارت قدامي وماسمعت صوتها اصلا
عناد: انطلق عليه مثل الاسد وجها مع ياقة ثوبه وكيف تسمح لنفسك تصارخ عليها قالوك مرميه عندك هي
طلال: ابعد ايدين عناد بكل عصبيه لاتنسى نفسك وناظره بحقد
ام سارة: يوم شافت الاثنين يبون يشبون نار هداتهم قالت ياوليدي ماصار الا الخير وانت ياعناد تعوذ من ابليس بنتي برعاية الله
الدكتور:طلع من عند هجير
الثلاثه: بشرنا عنها دكتور
الدكتور: عطيناها مهدي ومنوم بس رجاء لاحد يضغط عليها بالكلام هي منهارة مرة
ام سارة: ابدخل عندها ارجوك
الدكتور: آسف ياخاله خليها الحين ترتاح
ام سارة: راحتها ان كانت جنبي وانا ماقدر ارقد وانا ماتطمنت عليها وحيدتي هي ماستغني عنها
طلال: انقلوها لجناح اكبر وخل امها معاها
عناد: وده يذبحه قال لا راح ننقلها لمستشفى احسن من مستشفاكم
طلال: بعصبية راح تظل هنا ونعالجها من حسابنا
عناد: بعصبية واستحقار مستشفاكم الخايس اشبع فيه تمرضونها والحين تمنون عليها بعلاجكم اشبعو فيها مانبغى وظيفتكم ولاعلاجكم ويمه اول ماتقوم خليها تقدم استقالتها
ام سارة: تعوذ من ابليس عناد وارجع للبيت اهلك قلقانين على سارة روح طمنهم عنها
عناد: يمه راح انقلها
ام سارة: مشت عنه نفد كلامي ياوليدي ودخلت لغرفة سارة
عناد: يناظرها ويتمنى لو يدخل بدالها يحضن سارة ويحسسها بالأمان معاه قال بقلبه لية الوجع بعروق قلبي ولافيك
طلال: رجع لمكتبه وسكر بابه ماله خلق شي رمى نفسه على الكنبة وفتح ازارير ثوبه حاس انه مخنوق شكل صورتها مازالت محفورة بعقله صح كم مرة يشوف بنات جميلات ليه هالمرة البنت هزته ليه ذكرته بهجير يمكن شعرها يمكن همسها بس انا ماسمعت صوتها الا همس بس ليه همسها همس بقلبي ايش وجه الشبه بين هجير وبين سارة ليه غرت عليها من عناد وكأنها لي معقوله حبيتها من اول نظره ليه قلبي ميت له سنه فاق يوم شاف ساره حيا ...منو انتي ياساره ؟؟؟ سنه كاملةماحبيت بعد ماخانتني هجير ولاحركت بنت شعرة بقلبي وجيتي انتي حركتي كل قلبي كرهت كل البنات بعدهجير ليه انتي هزيتي مشاعري ... !!! منو وين طلعتي لي كنت معطي قلبي أجازة للابد مواعد نفسي ماراح أحب أي بنت او تعلق فيها جيتني انتي ذكرتيني في هجير وقلبتي مواجعي كنت أكابر واحاول انساها وطلعتي لي فجأة ياسارة .....يمكنها مخطوبه ؟؟؟ لان عناد واضح انه يحبها اكيد مو زوجها لو زوجها كان دخل عليها وواضح الحب بعيونه لها أمها ماوبخته خلته وكأنها عارفه حبه لها اكيد خطيبته .... ضرب الطاوله خطيبته لامومعقولة سارة تكون له مستحيل اخليه ....
نسى نفسه بس بسرعة تدارك عمره استرخى ومسح على شعره بتوتر وجاوب نفسه وانا ايش دخلني فيها ...!!!!
في داخله:بس هي الي ذكرتك بهجير
طلال: بس انا اكره هجير واتمنى القاها علشان انتقم منها
عقله: متأكد انك تكرهها ؟!؟! او تخدع نفسك ؟!؟!
طلال: مسك راسه مادري مادري ....!!!!!!!
******************************
بـــا لــقـــصـيــم
أمل: الجو هنا خياااااااااال
متعب: ايه القصيم معروفه بنفودها وجماله
خالد: بابا
متعب: عيون بابا
خالد: سمع لي الجزا الأخير من سورة البقرة علشان اراجع وأتاكد من حفظي لوسمحت يابابا
متعب: يالله اقرا علي
خالد: قرا على ابوه بترتيل وصوت شجي مايمل السامه من صوته أمه وأبوه تمنو انه يظل يقرا اكثر لان ربي عطى خالد ترتيل اكثر من رائـــع
متعب: باسه مع رأسه ممتاز ماشاءالله عليك ولاغلطة الله يحفظك
أمل: تناظره بكل حنان ماشاءالله عليه راح يكون إمام الحرم ان شاءالله
خالد: بابتسامة أهم شي ألبسكم تاج الوقار يوم القيامة
متعب: ابتسم ان شاءالله ياوليدي
أمل: وجعها قلبها من رده بس تعوذت من ابليس وسكتت
خالد: تسمحون لي اروح العب مع العيال
متعب: يالله يابوك اوصلك لهم
خالد: قام وقبل يروح مسك يد أمه وباسها ماما أحبك
أمل: وجعها قلبها أكثر مستغربة من تصرفات خالد اليوم موطبيعية ابد ضمته وأنا احبك أكثر ياقلب روح ماما انت
خالد: راح مع ابوه لاخوانه
متعب: رجع وجلس جنب زوجته
أمل : صبت له قهوته
متعب :سبحان من غرس حبه بقلبي اخاف افضله على اخوانه من زود ماحبه تخيلي من زود حنانه يوم وصلته لأخوانه مسك يدي وقالي اببوس راسك يبه نزلت راسي له ونزلت مستواه قرب لإذني قالي بابا احبك انت وماما وأخواني بس طلبتك لاتنزل دمعة ماما بيوم عوضها عن كل شي صار
أمل: قلبها وجعها أكثرحاولت تتصنع الابتسامة وتخفي دمعة تحجرت بعيونها ياقلبي هو حنون ويشغل باله بكل شي والحمد لله انت ماقصرت معاه سنة بس وعوضته عن سنين الحرمان الي عاشها
متعب:لسه ياأمل ماحس اني عوضته انا عذبته عشر سنين ومالي الا سنة راجع بس واغلبها اروح للدعوة يعني ماجلست معاه كثير ماتتخيلي كيف احاول اعوضه بأي طريقه
خالد:يلعب مع عمر وأطفال معاهم كانو قريبين منهم ولعبو معاهم عمرويشوت عليه الكورة لان عمر يحبه ومايحب يحسسه بالنقص عمر: اووووه الكورة راحت بعيد عنذ ذاك النفود
خالد: حس بخطر على اخوة النفود بعيد ؟
عمر لاجنبنا
خالد وجهني لها وانا ابروح اجيبها
عمر: لا انا اسرع منك
خالد: عمر لاتحسسني بنقصي ((تعمد يقوله كذا علشان يقنعه لانه حاس بخطر على اخوه ليه مايعرف السبب ))
عمر: خلاص روح وانا انتظرك
خالد: قرب جنب النفود وكان نفود جزا منه كانه حد السيف ومعروف بخوطرته لانه معرض باي وقت انه ينهد خالد قرب يشيل الكورة بس فجأة انهد النفود وغمر التراب
عمر: شاف التراب وهو يغمر اخوه صررررررررررررخ خاااااالد
متعب: كان يشرب قهوته طاح الفنجال من يده وركض لجهة عياله
أمل : نست رهف وركضت وهي تدعي ربها ان يستر على عيالها
متعب: حاول يسرع وهو يحفر بالتراب بس ماوصل لشي
الناس اجتمعو الي يدق على الدفاع المدني والي يساعد متعب
أمل: بعدت عن الرجال وضمة بنتها وولدها وتبكي بهدوء وتدعي ربها انه ينقذ خالد ويخليه لهم
متعب: كانت أنفاس صدره تعلو وتهبط بشده ويتصبب عرق مع ان الجو كان حيل بارد وهو موحاس بالي حوله جو الدفاع المدني واخيرا اخرجو خالد
خالد: كان جثه هامده بدون حررراك
متعب: ركض وشال ولده ضمه له تحسس قلبه نفسه كأنه يرتجي أي بصبيص أمل ان ولده فيه حياة مامات بس لاحياة لمن تنادي
الاسعاف: حاولو ياخذون خالد من متعب
متعب: صررررررخ خااااااااااااالد رد علي ياوليدي لاتخليني طلبتك ابعوضك ابشبع منك ابعطيك حنان حرمت منه وصار يتلكم بهستريه وهو يبكي
أمل: عرفت ان خالد فارق الحياة وصارت تبكي بقوووة وتسترجع لربها وتردد انا لله وانا اليه راجعون
الناس: حول متعب الي يصبره والي يهديه والي ماقدر يمسك نفسه وصار يبكي معاه
الاسعاف: اخذو خالد من متعب وراحو جميع
