في المزرعة
سلوى: جالسه على أعصابها
هند: جلست جنبها وقرصتها مع فخذها ليه الحلو زعلان
سلوى: تعرفين وجودي بمكان فيه ابوي ينرفزني
هند: خلاص سلوى مهما صار هذا ابوك وامك وهي امك نست كل شي
سلوى: تناظر بامها ياحبيتي امي بس مانست الا تتناسى الي سواه فيها ابوي موقليل يلعب ببنت لسه عمرها 14 سنه بعدين يطلقها وهو ماكمل معاها سنة يقول لاهله ماخذتها الا بس اسكتكم وارضيكم وياخذ بنت خاله
هند: والحين له كم سنه يحاول يرجع امك بس امك رافضه
سلوى: اكيد راح ترفض بعد ايش بعد ماتزوج العوبا مزنه وطينت عيشته رجع يدور على امي
هند: امك ماشاءالله عليها الي يشوفها مايقول عمرها 35 جسمها رشيق يجنن ماكانها امك انتي عريضه وطويله هههههههههههههه
سلوى: ايه ياحسره اخذه جسم اهل ابوي كلهم طوال وعراض كثير شافوا أمي يقولون ماكانها امك
((( عفاف متوسطة الجمال بس هاديه وجسمها محليها ماكانها سبق تزوجت وجابت بنت جسمها رشيق ومتناسق موطويلة)))
هند: طيب ايش راح تسوين بخطبة سالم لك
سلوى: عنااااااد ماراح اخذه كارهته لانه من طرف ابوي
هند: مادري ليش ماخذتي هدوء امك
سلوى: قلت لك ياحسرة على كرهي لابوي اخذه كل شي شين منه وماخذت شي زين من امي
هند: هههههههههههههه لانك خبله
سلوى: بكل دفاشة ماخبل غيرك
****************************
في بيت ام سارة
ام سارة: جالسة بعد ماصلت العشاء وتسننت تقرا وردها اليوم دق تلفون البيت قامت بهدوء وجلست على كرسي جنب التلفون وردت السلام عليكم ورحمة الله وبركاته
طلال: وعليكم السلام ورحة الله وبركاته يحب هالمرأة ومعجب بحنانها وحكمتها وهدؤهاهلا خالتي كيفك اليوم
ام سارة: بنعمة من ربي انت بشرني عنك
طلال: دووم ياعمتي الله لايغير عليك انا ابشرك تمام الحمد لله مادري عرفتيني اولا
ام سارة: لاوالله ياوليدي منو انت
طلال: انا طلال مدير المستشفى
ام سارة: هلا وغلا حياك ياوليدي
طلال: هلافيك زود ياعمة بس ماحب اطول عليك واشغلك حبيت اسألك ليش سارة ارسلت بخطاب استقالتها
ام سارة: البارح كلمتني وتعبت وانا اقنعها صممت انها تستقيل وكتبت الخطاب وارسلته مع عناد
طلال: وهو مقهور لانه ارتفع ضغطه يوم دخل عناد وعطاه خطاب استقالة هجير ويناظره نظرات نصر طلال اكلته الغيرة والقهر رد عليها بس ياخاله انا مستعد اعتذر لها بس اتمنى انك تقنعينها
ام سارة: والله ياوليدي ماقصرت ماخليت شي اقنعها رافضه حتى بنتي عذوب تعبت معها وصديقتها سلوى بس صممت على الاستقاله
طلال: بتردد يبي يطلب شي بس خاف من ردة فعل ام سارة ممكن ياعمة اطلب منك طلب لاهنتي
ام سارة: تفضل لايردك شي انت آمر ياوليدي
طلال: مايآمر عليك ظالم بس ممكن انا اكلمهابنفسي
ام سارة: سكتت شوي تفكر بطلبه
طلال: انحرج وندم على تهوره وطلبه بس كان اخر امل له بحرج اسف ياعمة اني احرجتك بس وربي نيتي زينة موقصدي شي ثاني
ام سارة: حاشاك ياوليدي مافكرت بشي ثاني وانت مديرها بالعمل وعادي انك تكلمها عارفة انك كفو وبنتي واثقة فيها وسم ياوليدي الحين احولك عليها
طلال: ارتاح وفرح بكلام ام سارة عدوك السم ياعمتي وكان ينتظر هجير ترفع السماعه
ام سارة: حطت على التحويله لانها عارفه لو قالت لهجير انه طلال ماراح ترد دقت التحويله وسكرت السماعه
هجير: كانت سرحانه بطلال شافت تلفون غرفتها يدق قالت اكيد عذيب الدوبا توها تاصل اكيد تبي تكمل سواليفها فديتها وفديت هبالها رفعت السماعه وقالت ماسرعك ولهتي علي وضحكت بنعومه
طلال: وجعه قلبه وحس الدنيا تدور فيه نفس الضحكه نفس الصوت الي عشقه وعذبه ومات فيه
هجير: عذيب يالدوبا ردي ايش الخجل والهدوءالي طب عليكي وضحكت ثانية
طلال: ماحس بنفسه ووقف وهو ماسك السماعة قال بهمس وحنان وشوق ووله هـــجـــيــر
هجير: دارت فيها الدنياونست نفسهايوم سمعت اسمها من فم طلال مشتاقة له حد النخاع اشتاقت لحنانه وهمسه وحبه شوقها له يعذبها بدون ماتنبه ردت عليه بكل حنان وشوق وهي مغمضه عيونها لـــــــبــــــيــــــــــــــه
