هشام: معصب وثاير وماسك جواله خلاص عماد بكره بدري تجمع لي كل المعلومات عن الموظفه سارة الي تشتغل عند طلال واهم شي مكان بيت الناس الي ساكنه عندهم ورقم تلفونهم ضرووووري مافيه فرصه ياويلك لو اخطيت بشي سكر السماعه ومسك راسه مستحيل افرط فيك هجير ثانيه اخير لقيتك سنه وحفيت رجولي وأنا ادور عليك كنتي قدام عيوني وفرطت فيك بس الحين مستحيل لو أخسر كل فلوسي ماراح اتركك ابواجههم كلهم ومستحيل يأذيك طلال وأنا موجود مستحييل خلاص دروس تعلمتها من حياتي ااااااااه ياهجير الله يصبرني الى بكره بس
**************************
طلال: ماجاه النوم يروح ويجي بغرفته متوتر زعلان مجروح يبي ينتقم ااااااااااه يطلع منك كل هذا ياهجير يامن خليتي قلبي عندك اسير سنه كامله اسرته عندك وتتلذذين بتعذيبه من جد شكلك قمة الحنان والبرائه وانتي اقسى انسانه عرفتها بحياتي حتى على قسوة امي انتي تعديتيها على الاقل امي واضح انها موحنونه بس انتي زي العقرب تلدغ من تحت لتحت بدون ادنى رحمه لفريستك الله يجيب بكره على خيررر وابرد حرتي فيك ان ماوريتك نجوم الليل بعز الظهر ماكون طلال انا تلعبين بمشاعري وتغشيني تجرحين وتعذبين قلب مافيه غير اسمك ينبض بكل دقه بحبك اااااااخ يالقهر ااااااااااخ
**********************
عناد: نايم على سريره ويناظر بالفراغ فوق يتخيلها يوم الحادث يوم يشوفها وهي مغنى عليها كانت قمه بجمالها حتى وهي تنزف ويتخيل يوم المزرعه يوم يشوف ملاك موانسان خجلها نعومتها كل شي فيها يجنن اخير هجير راح تصرين زوجتي على سنة الله ورسوله انتظرت هاللحظه على احر من الجمر تحديت الكل على شانك امي حاولت تمنعني اعرضت لي كم بنت بس اشر على قلبه هذا مافيه غيرك ياهجيررر انتي وبس
*****************************
في غرفة ام سارة
هجير: تنبهت ماحست بنفسها يوم نامت وهي بحضن احن وحده عليها حنان ام سارةلها نساها همها وغمها رفعت نفسها عن حضن امها قالت ياربيه لايكون تعبتها ياقلبي بدون ماحس طالعت فيها حست ان يد امها بارده خافت شوي هزت امها بشويش استغربت امها خفيف نومها والمفروض ان هالوقت صاحيه علشان صلاة الفجر ابعدت وفتحت الابجوره الي جنب السرير قربت منها يمه يمه زادت دقات قلبها تعوذت من ابليس يارب احساسي خطاء عادت بصوت اقوى شوي يمه ردي علي هزتها الا يطيح راسها على الجهه الثانيه قربت تحس نبضها لانها تعرف بالتمريض لقت نبضها واقف صررررخت يــــــــــــــــــــــمــــــــــــــــــه ارجوك لاتخليني يمه ردي علي من لي غيرك يمه وجلست تبكي بهستريه
الشغاله: سمعت بكاء هجير ركضت فوق وفتحت الغرفه وعرفت ا ن ام سارة توفيت راحت بسرعه ودقت على ابو عناد
************************
أيـــــــام الــ ع ـــــــزاء
هجير: مرت عليها ايام العزاء من اقسى ايام حياتها حتى اقسى من طردها من بيت زوجها لان طلال طردها من حياته بس ام سارة تركتها وهي تحبها تركتها وهي بأمس الحاجه لها تركتها وكانت كل ذكريات حلوووةاسعد ايام حياتها وهي ساكنه معاها بأمن وأمان نست سالفة طلال وعناد من شد حزنها
عذوب: الى متي هجير تظلين تبكين كذا حتى الأكل موراضيه تأكلين
هجير: تبكي موقادره ياعذوب مو قادر ه أمي كانت كل شي لي حسستني انها أمي الحقيقه عمرها ماضايقتني بشي هي واعدتني انها راح توقف معاي ماراح تخذلني ياعذوب الحين من لي غيرها قولي لي من لي غيرهااااااا وجلست تبكي اكثر
عذوب: ضمتها الله يهديك بس لك رب فوق كل شي ثم احنا وين رحنا بكره راح تتزوجين عناد وراح يحيمك بعد ربك من كل شي
هجير: بكت اكثر انتي موعارفه شي ياعذوب موعارفه خليني انسى الله يرحم والديك وبكت بقوه
*****************
في بيت طلال
طلال: جالس بالصاله محتار سبحان الله توفيت ا م ساره ومنعني اسوي الي براسي اكون ولد ماربيت لو جريتها وهي تمثل الحزن قدامهم ايش راح يقولو الناس علي ومهما صار مابغى احد يعرف عنها شي موزين مهما كان تظل زوجتي اووف بس اول ماينتهي العزاء راح اكلم ابوعناد ماقدر اكلمه وهو حزين كذا وهي عجزت اوصل لجوالها مقفلته اااخ بس يالقهر
*****************************
في بيت ابو عناد
هشام: جالس بمجلس ابو عناد على احر من الجمر
ابوعناد: مستغرب من وجود هشام طول هالوقت يوم انتهى آخر المعزين راح لهشام واضح انك عندك شي حاب تكلمني فيه
هشام: عارف يابو عناد انك موفاضي لي والكلام الي الي ابقوله موقته بس فعلا موضوع ضروري مايتأجل أكثرناظر بعناد بس لو سمحت ممكن أكلمك فيه على انفراد
عناد: مادري ليه واجعه قلبه من هشام ومارتاح له خصوصا يوم عرف انه يقرب لطلال قال بعصبيه مابينا وبين ابوي اسرار وماتعود ابوي يخبي عني شي
ابوعناد: صح يابوك بس شكله سر يخصه خلنا شوي لاهنت
عناد: احترام لابوه على هالخشم يبه وطلع وسكر الباب
ابوعناد: ناظر بالباب بعدين لف على هشام الحين صرنا لحالنا امرني ياخوك
هشام: مايدري كيف يبدا كلامه وتردد كثير خاف من ردت فعل ابو عناد خاف انه مايصدقه لو كانت ام سارة اهون عليه كثير لانه سمع بطيبتها وحكمتها بس يوم تذكر هجير تجمعت ثقته بنفسه وسم بسم الله بقلبه وقاله اسمعني زين يابوعناد ولاتسعجل بالحكم على أي شي حتى انهي كلامي بعدها احكم
ابوعناد: اوعدك ماراح استعجل بكلامي والرجال الي يقطع سالفة رجال ويحكم قبل مايسمعها كلها منه مورجال ولاهي من الحمكه قول ياخوك هذاني اسمعك شكل وراك شي كايد
*************************
في بيت طلال
طلال: ماقدر يصبر حنينه يشده لها مع انه زعلان منها حيييل بس مازال عنده بصيص أمل ان المسألة فيها شي غلط يحبها يعشق كل شي فيها مشتاق لها سنة وهو فاقدها بس كل مايتدكر تصرفها يفور من العصبية عجز يتحمل دق على دار ابو عناد علشان يكلمه ماحصله دق كم مرة برضو ماحصله قرر هو يروح لبيت ا م ساره مع انه متأكد انه ماراح يلقاها خاف انها راحت لبيت عناد واهله ولعت غيرته قال ابروح لبيت ا م ساره ماستعجل يمكنها جلست هي وبنتهم فيه وقف سيارته بس استغرب وجود سيارة هشام فيها كيف يجي هشام والبيت مافيه غير هجير ابوعناد مافيه سيارته واصلا مومحرم لها وقف شوي يدقق شاف هشام طالع وواضح عليه انه مبسووط حييييييل وواضح انه يكلم بنت عند الباب لأنه واقف والي معاه مو واضحه الا جسمها لان الباب شفاف حس انه جسم هجير مات من القهر يوم راح هشام قال لازم اتأكد ماستعجل يمكن هالخاين هالخسيس متفق مع الشغالة مستحيل هجير تسويها وتخون نزل بسرعه زي المجنون ودف الباب بسرعه يتمنى انها تطلع شغالتهم دعى ربه انها موهجير بس تفاجأ انها هجير
هجير: شهقت يوم شافته وشافت الغضب بعيونه عرفت انه شاف هشام وتعرف غيرته من هشام قالت بخوف ارجوك طلال افهمني
طلال: عطاها كف قوي طيحها على الارض حقيرررررة ندلة خاااااااااينة جرها بقوووة الى هالدرجة حقارتك امك لسه التراب رطب على قبرها وبسرعة تخويني يالخاينة يالنذلة يابنت الشوارع
هجير: انخرست عن الكلام وهي تسمع يوجهه لها الشتم والسب وتنزل دعومها بغزاره وهو يشدها اكثر مع شعرها ماحست بالألم الجسدي كثر الألم النفسي تأشر بيدها وهي تشاهق يعني اسمعني
طلال: اسمع كذب ونصب او تمثليه جديده خسارة حبي فيك خساااااااره ليتني ماحبيتك انا طلال احب بنت كل يوم بحضن رجال تدور الفلوس انا طلال احب بنت واطيه تبيع نفسها علشان ريال خسييسه وواطيه نذله وحقيره أمي حذرتني من بنات الشوارع بس انا غبي ماسمعت كلامها تركها بشده حتى طاحت على الارض ثانية
هجير: طاحت شعرها على وجهها لصق فيه من دموعها رفعت عيونها له تناظره بألم وحسره وحزن جرحها كسرها حطم حبها له
طلال: طلال اعمته غيرته عن التفكير قالها بعصبية اكثر ونظرات استحقارعارف تتمنين اتهور واطلقك وتروحي لهشام او عناد او ثالث من الي لعبتي عليهم يمكن اغنى منا كلنا وحده تستغل جمالها وبرائتها المصطنعه اكيد طايحه على هامور اكبر بس يابعدك ياخسيسة ان طلقتك وربي والي خلقني لاعلقك وماخليك تتهنين ولابرجال ابخليك كسيره حسيره وهشاموه شغله عندي الخاين النذل من زمان شاك فيه والحين شكوكي تأكدت طلع وخلاها
هجير: كانت طايحه على الارض وتبكي بشده تبكي جرحها تبكي حبها تبكي زوجها الي كسرها وطعنها بأكبر سكاكينه صح شدها مع شعرها بقوه حتى قطع كم شعره بيده وألم كفه قوي بس جمرة قلبها أكثر وأكثر(((اصعب شي بحياتك جرح الحبيب )))
الشغاله: تفاجات من شكلها وشالتها ودخلتها جوا
*****************************
في القصر
طلال: دخل لقصر اهله مثل المجنووون انعمت عيونه من شدة القهررر
هشام: كان نازل من الدرج وهو مرتاح ومبسووط حيل وابستامته شاقة حلقة
طلال: ناظره بنظرات غضب واسرع له ومسك طرف ثوبه ياخاين يانذل ياحقيررر
حنين: كانت نازلة من غرفتها شافت أخوها يمسك عمها بالطريقة هذي ركضت طلال عيب سيبه طلال هذا عمك
هشام: كان يغلي وماسك نفسه
طلال: يخسى يكون عمي هذا واحد واطي خان أمي مع زوجتي الواطيه زيه
هشام: دفه بقوه تغلط علي استحمل اما هجير تبطي تمس لها طرف
حنين: شهقت ومسكت فمها عرفت ان السالفه فيها هجير
طلال: ابمسح فيها البلاط بعد زوجتي وانا حر فيها صدق مايشرفني وحده خسيسه ونذله تكون زوجتي بس عناد مارا ح اطلقها حتى اعذبها
هشام: لف عنه قال باستهزاء ذاك اول ياطلال بس الحين ورب البيت لا انت ولا أمك ولاعشره مثلكم يمسون طرف من ثوبها وراسي يشم الهواء
طلال: انطلق عليه مره ثانيه تقولها قدامي بعد يالخيسيس يالنذل يالخاين يالواطي
هشام: دفه بكل قوته على الارض
حنين: فكت بينهم قالت بدموع ليه ياعمي تشوه صورتك قدامي وتهزها كنت أظنك بمكانة ابوي تطلع تطعن اخوي وأمي مع ظهرهم حرام عليكم يكفي جراح كل ماثق بأحد يكشف لنا انه انسان ثاني خلاص يكفي يكفي تعبت وربي من كثر مانصدم بالي احبهم وبكت
هشام: لان يوم تكلمت حنين ألمه قلبه يوم شاف حنين تبكي حنين لها مكانة غير عنده هدأ شوي لف عليها متى خنتهم حنين أخوك متسرع بدال مايسمع مني انا وهجير راح يتهمها بالباطل بالله عليك هجير يجي ببالك انها تخون زوجها هجير الي طول عمرها شريفه يدخل ببالك ياحنين انها تخون زوجها وانتي تعرفيها زين
حنين: اعرفها زين بس فسر لنا الي صار
هشام: ناظر طلال بحقد ورب البيت ابفسر لحنين بس والا أنت تمنيت تموت بحريقة قلبك وظنك السيء بهجير ......... لف على حنين هجير عمرها ماخانت هجير انظلمت كثير بحياتها من أول ولادتها حتى الحين وهي تنظلم من اقرب الناس لها الي هو للاسف زوجها
طلال: بعصبية مالك شغل بيني وبينها نفتصل
حنين: مسكت طلال اصبر خله يكمل عمي ايش عرفك بظلمها من يومها صغيره رايح تتابعها وتسال عن تفاصيل حياتها
هشام: بحسره وألم ايوه كنت ابحث عنها مدة عشرررين سنة واخيرا لقيتها
طلال وحنين : عشرين سنه؟!؟!
هشام: بكل حزن وألم طلال انت ظلمتها الحين وانا ظلمتها يوم كانت صغيره وخنقته العبره
طلال: انت ايش تقول وايش تخربط فهمني
حنين: يكفي ياعمي لاتتكلم بألغاز ريحنا الله يرحك تراك حيرتنا
هشام: لف عليهم وناظرهم وسكت شوي هجيررر بنتي
طلال حنين : بــــــــــــــــنــــــــــــــتـــــــــــــــــ ك ؟!؟!
قبل عـــــــــشـــــــرين سنــــــة
هشام: اهلين ام طلال
نورة: بنعومة مصطنعة اهلين هشام سمعت ان أمك محتاجة لعميلة وتكلف عليك كثير وعارف انك ماتقدر عليها بس انا عندي حل
هشام: بفرح اكيد كريمة زي زوجها الله يرحمه ايش طال عمرك
نورة: طبعا انا الحين بدون زوج وابغى شاب نشيط زيك يدير اعمالي وانا اقترح عليك تتزوجني بمقابل تدير اعمالي كزوج اثق فيه
هشام: بقلبه وقحه ووجهها مغسول بمرق صدق ان لم تستحي فاصنع ماشئت
نورة: انقهرت من سكوته وينك ليه ماترد
هشام: بس انا ياطويلة العمر خاطب بنت خالي نوال
نورة: بعصبية تبغى الفلوس دير اعمالي كزوج تبغى أمك تموت قدام عيونك روح تزوج بنت خالك مع السلامة
هشام: شاب صغير عاجز عن التفكير يحل مشكلة مرض أمه كل يوم تذبل عنده قرر يتزوج نورة ويتزوج نوال بالخفاء نوال وافقت لأنها كانت يتيمة وعمتها هي الي ربتها مع ولدها الوحيد هشام وأمه كانت مصرة عليه يتزوج نوال لأنها خايفة على بنت أخوها اليتيمة وعمرها صغير وشرط عليها ماتحمل لأن نورة لو عرفت راح تسجنه لأنه موقع على اوراق لو ثبت انه متزوج غيرها راح تطالبه بدفع الاف الريالات فورا وهو وقع على العقد علشان مصلحة امه
بعد مروور سنتين وكل شي على حاله
يزور أمه طبعا ونوال معاه بنفس البيت بدون علم نورة بس مرة دخل
نوال: بتوتر وخوف هشام
هشام: ايش فيك نوال
نوال: بخوف انا حامل هشام
هشام: قام من الكرسي ايش المصبيه حامل كيف ومتى وانتي تاكلي حبوب
نوال : وهي تخنقها العبرة قدرة ربنا فوق كل شي وبكت
هشام: هدي حبيتي الله يكتب مافيه خير وصالح يمكن يتم هالحمل او مايتم ربك اعلم
نوال: رفعت عيونها له بحزن تبغى تنزل الي بطني الى هالدرجة ماتبغى شي يربطنا ببعض
هشام: استغفري ربك حياتي مستحيل اموت نفس بريئة بس ماندري ايش ممكن يصير طبعا ام هشام بقرية قريبة للرياض مرت تسع شهور وقلب هشام يدق بخوف وحاس ان سجنه قرب
حانت ساعة الصفر ونوال ولدت هجير قصيرية بس للأسف تعسرت الولادة وجاها نزيف وماتت نوال .... هشام ضاقت عليه الدنيا زوجته وماتت خاف ان ربه عاقبه بكرهه لحملها انه حرمه من نوال وخلفت له بنت كيف يربيها وأمه بعد لها شهرين متوفية بس راح ينفضح مع نورة وخسر زوجته وراح يخسر وظيفته وبنته بعد ماينسجن راح تضيع بنته وهو يشوف وموقادر يسوي شي عارف ان نورة مافيها رحمة لأحد وبنته مالها غير ربها ثم ابوها الي راح تبعده نورة عنها وتسجنه كيف يتصرف موقادر حتى يفكر
ابو نايف: صديق مقرب وحافظ اسرار هشام كان جالس جنبه ويواسيه خلاص البنت لاتشيل همها
هشام: بضيقة كيف لاشيل همها نورة اكيد راح تعرف وانت تعرفك لو تجيبها عندك راح تعرف انها موبنتك
ابو نايف: سكت شوي يفكر قام من الكرسي يروح ويجي جلس يفكر ويفكر بعدين قرب لصديقة قال لقيت حل
هشام: بنظرة حزن ايش هو؟
ابو نايف :شوف انا ابحطها عند ناس مساكين محتاجين للقرش يربونها حتى انت تجمع فلوس تسدد لنورة فلوسها وتتخلص من تهديدها
هشام:
لالا اخاف عليها
ابو نايف: لاتشيل هم كلها فترة وترجع لك بنتك يابن الحلال ماعندنا غير هالحل ماراح تستفيد لو تمسكت فيها وعرفت نورة فيها راح تبعدك عنها مدة موبسيطة وتخسر كل شي بس كذا سنة سنيتن وانا وياك ندبر فلوسها وندفها على هالظالمة الي ماتخاف ربها
هشام :كان حزين ومو قادر يفكر خلاص ترا بنتي بأمانتك يابو نايف
ابو نايف: لاتشيل هم ياخوك ابدور ناس يرضون فيها وادق عليك اعلمك عن مكانها لو جاني شي انت تروح لهم
هشام: راح واستلم بنته ويناظر بوجه كله برائة طفلة جات للدنيا انحرمت من فرحة أم لأن الموت منعها تفرح فيها وأب منعه خوفه من نورة يفرح ببنته
ابو نايف: مد يده علشان ياخذها
هشام:حضنها اكثر وباسها ونزلت دمعتة على خد بنته بدون مايحس
ابو نايف: حط يده على كتفه لاتخاف ياخوك مدة بس وراح ترجع لحضنك بس ايش راح تسميها
هشام: رفع عيونه وناظر قدامه بحزن على فراق زوجته وبنته وانه موقد الأمانة الي ربي عطاه اياه ضحى ببنته علشان ماينسجن قال ابسميها هــــــ ج ــــــــير
ابو نايف:راح لحمد وطق عليهم الباب بالليل شوفي ياحمد هالبنت راح نحطها امانه براقبكم ويبي يجي يوم راح ناخذها
حمد: بمقابل كم تعطوني
نايف: البيت الي انت فيه كتبته باسمك يعني الآجار طاح عنك وماراح نقصر كل سنة راح نعطيك فلوس حتى ناخذها بس ياويلك لو يجيها شوكة عندكم انا حرصت عليكم لانكم متوفي لكم طفلة وزوجتك الحين بالمستشفى يعني حتى اهلها تقدر تكذب عليهم وتقول هذي بنتنا وترا اسمها هجير
حمد: طيب مايصير الا الي يرضيكم بس لاتقصرون علينا بشي
ابو نايف: حضنها ابو نايف بحنان وباسها مع راسها وقرا عليها وعاطاها حمد طلع وهو مرتاح واخذ تلفونه يبي يدق على هشام يعلمه مكان بنته بس وهو يدق مانتبه الا بشاحنه دخل فيها وراح بغيبوبة
هشام: جلس شهر يتردد عليه خايف على صديق عمره وخايف على ضياع بنته كل يوم يرتجيه يتكلم يرابط عنده بس للأسف حاول ابو نايف يتكلم بس ماقدر وتوفي وتوفي سره معاه
هشام : عاش عمره حزين وندمان تمنى لو انسجن ولا فرط ببنته مايدري هي بشر او بخير كل يوم يمر اتجرع انواع الألم تمنى انه انسجن ولافرط ببنته
مرررت 18 سنة وصورة بنتي ماتغيب عن بالي كل ماشوف بنت بعمرها يفز قلبي اشوف حنين احن عليها افكر هي شكلها كيف بعد مرررور كل هالسنين وانا داخل الا تصير بنتي بحضني ناظرت بعيونها ونظراتها تشبه نظرات أمها حسيت بحنان لها موطبيعي حرارة بقلبي شي يناديني يقول هذي بنتك الي تدور عليها 18 سنة دخلت مسرع سألت حنين عن اسمها قالت هجير وجعني قلبي أكثر سألتها بنت مين يوم قالت بنت حمد حسيت خمسين بالميه انها هي بس برضو ماقدر اجزم انها هي حتى أتاكد احترت كثير صورتها ماتغيب عن بالي كنت اتعمد اكلمها ابسمع صوتها يمكن يكون يشبه أمها حاولت وفكرت كثير حتى أشغلني التفكير بس للأسف ماقدرت أتاكد حتى طلعت هجير وعرفت انها موبنتهم ولقيت حمد بعد مادورته ستة اشهر لقيته في العناية المركزة لأنه تعرض لحادث هو وبنته وزوجته لقيته بآخر ايامه سألته هجير منو الي جابها لك ايش اسم الشخص الي جابها لك قالي ابو نايف بس مات وانقطعت عنا الفلوس طبعا وبعدها كرهنا هجير وحسينها عبء ثقيل علينا عذبناها واهناها عاقبناها على ذنب ماجنته دمعت عيونه ويتجرع عبرته وآلامه ترجاني انها تسامحهم على الي سواه فيها ربي اخذ حقها صار علينا حادث وتهنا ببر ماحد انقذنا اشوف بنتي وهي تموت قدام عيوني وتترجاني قطرة ماء بعدين زوجتي عانينا العطش والألم وفارق الحياة بعدها زدت حسرة وألم وعذاب كل الي جاء بنتي مني أنا وانانيتي ليتني فديتها بعمري وانسجنت ولا تتشرد وتتعذب
