تركي: رفع عيونه لها وناظرها بحزن وحنان الم وولع قالها سعادتك معاي او مع غيري تهمني اكثر من سعادتي ومادامها هذي رغبتك انا مستعد انفذها لك هالحين بلع ريقه الناشف وقال بحزن اكثر حتى لو تزوجتيي راح اكون أنا الشاهد على زواجك
حنين : رفعت عيونها له وناظرته باستغراب
تركي: ابتسم بحزن تعرفي ليه
حنين: ببرود مصطنع رفعت وباتسامه تريقه ليه
تركي: علشان اعاقب نفسي لاني فرطت باحب انسانه لقلبي مع أختي امل لاني ماحافظت على اطيب وحده شفتها
صح راح يكون من اشد العذاب لي بس علشان اقسى على نفس أنانيه خسرت وعذبة اطيب وأرق إنسانه
حنين: نزلت راسها بحزن وكأن كلامه سكاكين تطعن قلبها المثقل بالجراح
طلال: دخل هو وأمه تركي الظاهر انتهى الوقت ايش صار عليكم؟؟؟
تركي: بحزن الحل بيد حنين بس هي الي تقرر وأنا مستعد لأي قرار منها
نورة وطلال وتركي كلهم يناظرون حنين وينتظرون ردها
حنين: قلبها يدق بسرعه وناظرت بأهلها بعدين ناظرت بعيون تركي الي كان راسم بسمة أمل على شفايفه وواضح انه خايف من قرارها أول مرة تشوف نظرة الخوف بعيونه تركي الي مايهاب شي مرتبك وخايف نزلت راسها قالت ابغاك تطلقني تركي
تركي: كانها صبت مويه حارة عليه انصدم صدمه قوويه
نورة: فزت والأسهم تضيع منا
تركي: طلع من جيبه ورقه قال لاتخافي على اسهمك ماراح تضيع ومزق الورقه الي بينهم وطلع ورقه ثانيه وهذي اسهم ثانيه باسم حنين
حنين: مابغى شي
تركي: بحزن وابتسامه ميته يرسمها غصب على شفايفه اعتبريها آخر هديه مني لك ويارب تكفر عن غلطتي عندك خوذيها حنين
حنين: تحجرت دموعها بعيونها ومامدت يدها
نورة: أخذتها على طول عمرك غبيه أحد تجيه نعمة ويرفضها
تركي: عمرها ماكانت غبية حنين من اسمها حنين حنان يمشي على الارض بس للاسف ضيعته مني
طلال:ايش يثبت لنا انك راح تطلقها
تركي: أنا وعدت والرجال مايخلف وعده ناظر بحنين بحزن سكت شوي يوم شافهم كلهم يناظرونه الا حنين منزله راسهاحاول يستجمع قوته حنين انتي ط..ا..ل..ق وسامحيني على كل شي بدر مني وطلع بسرعة بدون مايودعهم
حنين: ركضت بسرعه لغرفتها بدون ماتكلم أحد
نورة: فرحانه بأسهمها نست الي حولها
طلال: ركض يبشر راكان وهو مره مبسوووط
تركي: ركب سيارته وهو كله الم وهم وحزن يدافع عبره واقفه بحلقه رفع عيونه على شباكها راح باله بعييييد أيام ملاكهم
تركي : يوقف بساحة القصر ويرفع عيونه على شباك حنين متأكد انها راح تطل من الشباك
حنين: تفتح الشباك تبتسم ابتسامه ناعمه وبريئه ترسل له بوسه بالهواء وتنزل تحت ركض علشان تستقبله
تركي: ان شافها نسى كل انتقامه وان لمح ابتسامتها تشرق الدنيا بوجهه بس ان سكرت تنهد بضيق سامحيني حنين ماتساهلي الي راح يصير فيك
تركي : مركز عيونه على الشباك وكأنه يشوف حنين وهي تبتسم له تأشر له انتبه فجأة شاف وجه حنين البشوش يناظره بعيون دامعه ووجه حزين كله الم وعذاب وحسرة انتبه من سرحانه ودقق زين عرف انه بعلم موبحلم او يتخيل هذي حنين تطل عليه بس بوجه حزين وتعبان
حنين: بعد ماشافته رجعت وسكرت الشباك ورمت نفسها على السرير تبكي حبها تبكي جرحها تحبه ومجروحه منه تمنت انها ماتت قبل ماتشوف عيون تركي الصلب تركي الي ماعمره لان اوضعف غرقانه بالدموع على كثر ماتمنت تشوف انكساره على كثر ماتالمت يوم شافته اليوم منكسر وحزين بس خلاص الي انكسر مستحيل يتصلح
