في بيت متعب
متعب: رجع هو وعياله من المسجد وتغدو سوا بهدوء تام
أمل / مبسوطه من الجو الاسري بس محيرها هدوء وحزن زوجها بس ماحبت تتعبه بالاساله احتراما له
متعب: قام من غداؤه وراح لغرفته وجلس على سريره وعكف رجوله وحط يدينه عليها وهو سرحان وحزين
أمل: قررت تتجرا وتقرب له وتسأله حاله موعاجبها
متعب: ماحس الا بيد حنونه تمسك كتفه
أمل: ابو خالد حالتك من رجعتك من السفر موعاجبتني حاسه هموم الدنيا فوق راسك
متعب: بدون مايناظرها يناظر بالفراغ الي قدامه قال ايه والله ان هموم الدنيا فوق راسي كيف ماتكون ياأمل وانا عصيت ربي سنين طويله كيف ماكون مهموم وانا رزقني ربي بجوهرة وماعرفت قيمتها كيف ماكون مهموم وانا عذبت بقسوتي فلذة كبدي عشر سنين حرمته من حناني حرمته من ادنى حق له وربي يا أمل ماقدر احط عيوني بعيونك وعيون خالد عمري كله وربي الي امهلني وماخذني مثل ماخذ صديقي مستحي من ربي وخايف من عقابه أمل انا الدنيا ضايقه فيني وجلس يبكى بقوة
أمل: قربت منه وحضنته وجلست تمسح على شعره حتى يهدا قالت بهدوء وهمسة باذنه ربك غفور يامتعب ويفرح بتوبه عبده واحمد ربي انه خلاك تفوق قبل فوات الاوان العمر قدامك وخالد تقدر تعوضه عن الي فات وانا تظل زوجي وحبيب قلبي وصدقني توبتك نستني كل الي فات
متعب: يشدها اكثر لحضنه وهو مازال يبكي والله الي خلقني اني لو الف الدنيا كلها مالقى احسن منك احمد ربي انه رزقني فيك لانك انتي املي بالحياة بعد ربي الله يقدرني اعوضك عن الي فات انتي وخالد
أمل: فرحة بتوبة زوجها ورجوعها لها وقالت ربي كريم مايسكر بابه عن الي يطلبه ويلتجا ء له
و انتهى الجزء ٥٥
ايش راح يصير بين طلال وهجير ومتى راح يقتنع ببرائتها؟؟؟
تركي متى رجعته وهل رجوعه تحمل احداث كثيرة لحنين؟؟؟
كل هالاسئلة راح تعرفونها في الأجزاء القادمة
اتمنى لكم قراءه ممتعه 🌚❤
