في المغسلة
أمل: تغسل ولدها هي صامته بس دموعها هي الي تتكلم تغسله بهدوء وحنان بس ماقدرت تمنع فيضان دموعها الي ينهمر من عيونها لانها صممت ان مايغسله غيرها بس كانت تغسل حشاشة جوفها قطعة من قلبها قرة عينها كانت تقلب جسمه بالسدر والماء وجسمه حار ورقيق وناعم ابتسامته تعلو وجهه
متعب: مستغرب من صبرها عارف انها عكس ماكنت تمثل قدامه عارف انه نار تشتعل جواتها يشوف ولده بين ايدين امه ودموعه تنزل بغزارة
أمل: بعد مالفته كانت تتخيل ايام ماكان صغير يوم تحممه وتلفه وهو بالفة اول فرحة لها بالدنيا اول من نداها ماما اول من حضنته ورضعته من صدرها يوم كان صغير تنتظر ابتسامته وتفرح يوم تشوفه يبستم بس الحين تشوف وجهه منور وابتسامة ميت لاحراك فيه قربت من جبينه وباسته وصارت تبوسه بكل مكان من جسمه بوسة مودع عارفة انها اخر بوسه لها له عارفة انها آخر ضمة له ماتبغى تسلمه لابوه كانت تستغل وقت اكبر علشان مايخذه منها
متعب: قرب منها بهدوء وحنان ورحمة وحزن بدون مايكلمها وسحب خالد منها
أمل: رفعت عيونها بحزن وألم لزوجها كأنها تترجاه انه يتركه معاها وقت اطول
متعب:نظرات الحزن الي بعيون أمل عذبته أكثر بس هذا امر ربي والصلاة قربت تقام قرب منها واخذ ولدهاو حشاسشة جوفهامنها
أمل: استسلمت وفكت ولدها من حضنها وكأنها تفك قلبها من جسمها
**************************
تركي : ماسك نفسه علشان الي يعزون
متعب: من زود الانهيار الي جاه ماقدر يوقف كان جالس ومنزل راسه ويمسح دموعه الغزيره حتى كلام ماقدر يتكلم ولابكلمة ارتاح ان تركي واقف معاه ويتقبل التعازي بدال عنه ويشكر للناس الي واقفين معاه
حنين: تهدي بأمل خلاص استغفري ربك واهدي وهي تمسح دموعها الي متواصلة
أمل: كانت على سجادتها وماسكه مصحفها وتبكي وماتكلمت ولابكلمة
تركي: بعد ماطلع آخر واحد سمع طلال يكلم حنين يالله مشينا
حنين: حبيتي امل تامريني بشي طلال يقولي يالله
أمل: هزت براسها لا
حنين: بكرة راح اجيك بس ابغى ابو .... وسكتت ماقدرت تقول ابوخالد تقلب جرح أمل ابغا ياخذ راحته لبست عباتها وطلعت
تركي: بعد ماتأكد انهم طلعو ترك متعب بالمجلس لان متعب معاهم بالجسم بس اما روحه راحت مع خالد دخل تركي على أمل
أمل: كانت ضامة فنيلة خالد الي كان لابسها يوم الحادث الفنيلة الي مازالت تحمل ريحته بعد فراقه عن دنياه وتبكي بقوة حست بيد حنونة تمسك كتفها
تركي: جاء على اول طيارة يوم سمع بخير وفاة حبيبه وولد اخته خالد تقطع قلبه وهو يشوف حال أخته الملتزمه المؤمنة بقضاء ربها كذا حالتها عمر أمل ماضعفت دايم كانت رمز للصبر بس مايلومها عارف حبها لخالد فلذة كبدها نور عينها قطعة من قلبها جلس قدامها ورفع وجهها بيدينه
أمل: رفعت عيونها لأخوها ناظرته نظرات عتاب وألم وحزن
تركي: عذبته أخته بنظراتها فهم عتابها له ومايلومها تركها سنة حتى الوداع ماودعها دايم اقسى على الناس الي احبهم مرة حنين والحين أمل احب بنتين عندي اشد الناس قسيت عليهم الى متى ياتركي تكون قاسي ... !!!
ناظرها بحنان طلبتك ياأم خالد تعوذي من الشيطان انتي الي دايم تعودينا الصبر والإيمان بالله تضعفي كذا كنتي بالنسبة لي رمز الصبر والقوة عمر أمل ماضعفت قدام أحد لاتضعفي هالمرة ياأختي طلبتك
أمل: ماردت عليه غمضت عيونها وانهمرت دموعها أكثر
تركي: عذبته ببكاها وتحجرت عبرته بحلقه بس تركي ماعمره نزلت دمعته بعد موت أمه الله يرحمها عود نفسه على القوة قرب لها يضمها بس هي ماستجابت له وضلت تضم فنيلة خالد وتبكي بدون صوت بس دموع وأنين خافت
تركي تعذب أكثر أمل طلبتك لاتعذبيني معاك طلبتك علشان عيالك وزجك
أمل: ماردت سكتت ومازالت تبكي
تركي: طيب ردي علي كلميني أنا اخو ك ان مارميتي همك لي من ترمي همك عليه
أمل: اخيرا تكلمت بس ياليتها ماتكلمت من متى كان أخوي هوالي ارمي همي عليه عودنيي اخوي وحيدي ان يهرب ويخليني لحالي اواجه مشاكلي لحالي يهرب وينساني اهم شي نفسه وبس أخوي ولد امي وابوي تركني وتزوجت غصب عني تركني وعانيت مع زوجي وهو مايعرف شي عني ت اشتكي وابكي لحالي بس ربي ماتركني عرف ان مالي احد بالدنيا وساعدني بس اخوي للاسف مادرى عني تعرف منو الي وقف معاي بعد ربي هذا وتأشرعلى فنيلة خالد الطفل الي قلبه اكبر منه كان يحس فيني والي حولي مايحسون فيني هو مصدر راحتي وسعادتي بعد ربي وتلومني الحين ليه احزن عليه كل هذا انا ماقنطت من رحمة ربي بس قلبي وجعان عليه حيل وربي ماعاتب يعقوب لحزنه على يوسف حتى بيضت عيناه من الحزن انا عارفه ان رحمة ربي اخير لخالد من وجوده عندنا بس فقدته ياتركي فقدت ابوي وامي ووولدي واخوي وكل شي لي فقدت الي يحس فيني بدون ماتكلم فقدت اليد الصغيرة والحضن الي يلمني ان ضاقت بي دنياي فقدت الانسان الي ان شافني سهرانه ومغتمة جافاه النوم انت ماتعرف خالد ايش هو لي خالد كل شي لي بحياتي كل شي لي كل شي وبكت اكثر
تركي :كل كلمة لأخته كان يتقطع قلبه كانها تطعنه بخناجر بقلبه وهي ماتحس صدمته ان كل هذا بقلبها كل هذا شايلته عليه كل هالم والحزن متحملته من سنين وساكته
متعب: كان واقف عند الباب ويسمع كلامها زاد حزنه اكثرلانه عارف قيمة خالد عند أمل قرب لها
تركي: وقف وابعد علشان متعب يجلس قبال أمل
متعب: ياأم خالد انا وجعان عليه وعارف ان وجيعتك عليه اكثر بس ان شاءالله انه سبقنا للجنه هونيها يام خالد طلبتك يارب يكون شفيع لنا يوم القيامة
أمل: رمت نفسها بحضن زوجها وبكت
تركي: سحب نفسه منهم بهدوء وطلع ركب سيارته بهمه وحزنه الى هالدرجه شايله علي ياأمل ترتمين بحضن زوجك وانا لا بس مالومك تركتك وماوقفت معاك راح لبيته وهو يشيل همه وحزنه خسر حب حنين وخسر حب اخته أمل من بقى لك ياتركي مابقى احد يحبك الي مخلصين بحبهم لك خسرتهم بغروروك وانايتك ااااه بس الله يعين
**********************
في المستشفى
ام سارة: خلاص يابتني يكفي بكاء راح تنعمين من كثر ماتبكين ارحمي حالك خلاص
هجير: تشد عليها يمه لاتتركيني ولاتتخلين عني طلبتك
ام سارة: ايش فيك يابنتي مستحيل اتركك او اتخلى عنك
سارة: اوعديني
ام سارة: لاحول ولاقوة الابالله ايش فيك يابنيتي اوعدك
سلوى: حبيبتي سارة خلاص ماصار الاكل خير ايش فيك وترا الاستاذ طلال يعتذر منك طلبني اوصلك اعتذاره
هجير: سمعت اسمه زاد بكاها مشتاقه له وتركهه تمنت انها مازالت فاقدة الذاكرة ماتحب ماضيها على كثر ماتمنت ترجع لها الذاكرة على كثر ماتعذبت يوم تذكرت ان ماضيها اسود كله عذاب وتخلي زوج وحبيب عنها
ام سارة: سارة وربي ازعل منك خلاص يابنتي شوي الا يدق الباب
سلوى: البست نقابها وقامت تشوف منو عند الباب رجعت قالت عناد وابو عناد عند الباب
ام سارة: حياهم بس خلي سارة تعدل حجابها
هجير: مالها خلق عناد بس ماقدرت ترفض دخوله تستحي من ابوه
ابو عناد: السلام عليكم حمد الله على سلامتك يابنتي
هجير: بهمس وعليكم السلام الله يسلمك ياعمي
عناد: بحنان حمد لله على سلامتك سارة
هجير: الله يسلمك
ابوعناد: تراعذوب مزعجتنا تبا تجي بس انا عيت ( رفضت) جيتها ماباها تزعجك وانا عمك
هجير: بخجل وواضح من صوتها انها كانت تبكي بس متمساكةلابالعكس جيتها تسعدني وربي
عناد: تراني ابكلم المدير علشان استقالتك
هجير: فزت أ ونست نفسها اي استقاله؟؟
عناد: ابوي وانا وامي مومرتاحين لشغلك هنا بعد جيت المدير الجديد
ابوعناد: صح وانا عمك كان ابو ابراهيم مايقصر معاك بس خلاص جيت ولد ابن اخوه ماريحتني بس ام سارة قالت اقصرو الشر وبتني تجلس عندي وخلاص
عناد: بكل حنان الي يرشك بالماء نرشه بالدم ياهجير
هجير: لفت على ام سارة صحيح يمه طلبتي منهم يفصلوني
ام سارة: ايه يمه الي جاك موقليل تراك انهرتي عصبيا والدكتور حذرنا تتعرضين لانهيار عصبي ثانيه وانا مالي غيرك وانتي نور عيوني مومستعده اخسرك مثل ماخسرتك سارة الله يرحمها بعدين ماله داعي تشتغلين اساسا الخير واجد والحمد لله بس انتي صممتي وبعد الي جاك ماراح ارتاح للشغلك مرة ثانية
هجير: سكتت ماردت عليهم ماتبغى تجرح ام سارة الي عاملتها بكل حنيه ولا ابو عناد الي ماعمره بين انه متضايق من وجودها ولاعنا دالي حبها بكل اخلاص بس ماتتخيل تبعد عن طلال وبنفس الوقت ماتبغى تشوفه تكرهه وتحبه جرحها تخلى عنها بس ماتنكر شوقها وحبها له ليه مازلت احبه وهو رماني يوم عرف اني لقيطة رماني يوم رد عليه نظره رماني يوم استغنى عني بس مشكلتي مازلت احبه مسكت راسها وجلست تبكي ثانيه
عناد: فز قلبه بسم الله عليك سارة ايش فيك وربي لانتقم منه بس لاتبكي
ام سارة: تعوذ من ابليس ياعناد والرجال اعتذر وماصار الاكل خير خلونا انا وياها لحالنا
عناد وابوه طلعو
********************
في مكتب طلال
طلال:جالس بمكتبه سرحان ليش تجرات وسالت سلوى ان كانت مخطوبة اولا لو تشك فيني صديقتها وتعلمها ايش يكون موقفي قدامها وقدام أهلها بس انا جبتها كأني ابعتذر من خطيبها بس ريحتني يوم قالت لا مومرتبطة بس شكله يموت فيها
السكرتيره: استاز طلال عناد وابوه عاوزين يدخلون لحزرتك
طلال: بدون نفس خليهم يدخلون
عناد: كان مولع ويتمنى لو يبرد حرته من طلال وغروره
ابوعناد: بكل احترام هلا يابوك
طلال: بكل تقدير قام وحبه مع راسه هلاياعم حياك تفضل
ابوعناد: زاد فضلك ياوليدي
طلال:جلس على كرسيه شويات اطلب لكم قهوة
عناد: مانريد قهوتك ولاجينا نتقهوى عندك
طلال: ناظره بعصبيه بس مسك نفسه احترام لابوعناد يكرهه حيل مايدري ليه كل مايشوفه يحس بغيرة مو طبيعة
ابوعناد: عناد وانا ابوك عيب تتكلم على الرجال كذا وهو ماغلط
عناد: كيف ماغلط يبه وهو متكلم على سارة ومسبب لها انهيار عصبي
ابوعناد: هو مدير ومن حقه يتكلم على موظفينه ان غلطو
عناد: بعصبية قلتها يبه ان غلطو بس سارة ماغلطت والرجال الي يتقوى على حرمة مورجال
طلال: كان شاد قبضبته تحت الطاولة ويرص على اسنانه بس ماسك نفسه احترام لابو عناد
عناد: بعصبيه خلاااااااص ياولد ماتحشم ابوك انت مصغرني وهو مقدرني ومارد عليك
عناد: محشوم يبه وحقك على راسي وقام وحب ابوه مع خشمه وراسه
ابو عناد: لف على طلال آسفين يابوك بس حنا جايين نبي نسحب ملف سارة
طلال: صدمه بكلامه يسحب ملف سارة مستحيل انا تعقلت بساره هي تذكرني في هجيرمستحيل اخليها رد بأدب ياعم هي طلبت تفصل
ابوعناد: الحق ينقال هي ماقالت بس أمها طلبت وتعرف مال أمها غيرها
طلال: سم ياعم وابشر برضاك بس لو سمحت اني اتفاهم مع عمتي ام سارة وسارة
عناد: قام بعصبية وضرب يده على الطاولة متى صارت عمتك ومانسمح لك تدخل على بنتنا وراح نفصلها بالطيب بالغصب مانتظرنا موافقتك بس ابوي احترام لعمك حب يستسمح منك وان كان لها حقوق عليكم مانباها منكم حنا نعوضها الدبل دبلين
طلال: خلاص عجز يستحمل كلامه قام وناظر فيه وعيونه حمرت من كثر ماهو معصب قال كلامي مع الرجال مو مع بزران
عناد: لف وراح لجهته وقال انا ورع يالورع ورفع يده يبي يضربه
طلال: مسك يده بكل قوته
ابوعناد: صررررخ عناااااااااااااااد يكفي فشلتني الله يفشلك مب هذي سلوم الرجال الطيبه وصدق اني ماعرفتك اربيك
طلال: ترك ايد عناد احترام لابوه
عناد: حقك علي يبه بس
ابوعناد:لابس ولاشي طلال يابوك سو الي تبا بس امنتك الكريم انك ماتضر بنتي بشي
طلال: ولايهمك ياعم
عناد: يـــــــبــــــــــــه
ابوعناد: بحزم مشينا ياولد قدامي ابرجع للبيت
عناد:ولع نار وطلع مع ابوه وهو مقهور ليش ابوه يسوي كذا تمنى انه يهدد طلال انه مايكلم سارة بس مايقدر يعصى ابوه وراح معاه
***************************
في جناح هجير بالمستشفى
هجير: بحضن ام سارة هدات بعد ماقرات عليها
ام سارة:كانت تمسح على راس هجير وهي حاسة ان هجير فيها شي مخبيته عليها بس ماحبت تضغط عليها وحبت تحترم سكوتها
طلال"طق الباب
سلوى: ابشوف من عند الباب فتحت الباب شافت طلال منزل راسه
طلال: لوسمحتي استاذني من عمتي ام سارة وسارة ابغى اكلمهم شوي
سلوى: طيب ثواني لو سمحت دخلت خالتي الاستاذ طلال يستأذنكم يدخل
هجير: ارتبكت وشدت على امهايمه مابغى اشوفه وبكت ثانية
ام سارة: بحكمة يابنتي عيب نرده مب من سلوم العرب يردون احد
هجير: حضنت امها يمه خايفة منه (((بس هجير خافت تشوفه ثانيه بعد مارجعت لها الذاكرة تواجهه بعد سنة قوية موسهلة بالنسبة لها بين شوق وحب ووله وعتاب وحزن وجرح)))
ام سارة: يابنتي اهدي وماراح يصير الاكل خير الولد مؤدب وربي كان ميت من الخوف عليك
هجير: قالت بقلبها ميت من الخوف علي لوكان يخاف علي ماتخلى عني ورماني سكتت وماردت على امها
ام سارة: سلوى يابنتي خليه يدخل لاهنتي
سلوى: ابشري ياخالة فتحت لطلال الباب وطلعت وخلتهم
طلال: دخل يوم رفع عيونه شافها وهي متغطيه وامها حاضنتها رجع له ارتباكه ودقات قلبه تزيد بس حاول يتمساك قال السلام عليكم كيفك ياعمه وكيف اصبحتي
ام سارة: وعليكم السلام احمد ربي بخير يامال الخير انت بشرنا عنك
هجير:ماقدرت ترفع عيونها له بس تسمع كلامه لأمها
طلال: بنعمه وفضل من ربي سكت شوي ورفع عيونه للانسانة الي اشغلت تفكيره تردد يكلمها اولا يتمنى يسمع صوتها بس خايف يرتبك بس مو من الادب مايتحمد لها بالسلامة حمد لله على السلامة هـ تدارك عمره قال سارة
هجير: من اول مادخل وكلم ام سارة وهي تنتفض بعد ماسمعته يكلمها زاد ارتباكها ماقدرت ترد وسكتت
طلال:ضاق صدره انها طنشته وقال مازلت زعلانة مني
ام سارة: بحنان يمه سارة يكلمك ردي عليه
سارة: بهمس الله يسلمك بدون ماترفع عيونها له خايفة تشوفه وتضعف
طلال:همسها يعذبني ليتها ترفع صوتها ابغى صوتها يرن بإذني مثل رنين صوت هجير بإذني
ام سارة/ اعذريها ياوليدي تراه تستحي حتى من عناد يالله ترد عليه
طلال:حس بدمه يغلي مجرد احساسه ان عناد يكلمها او يسمع لو همسها عمه مابي اطول عليكم بس ابسالك سارة لها رغبة تفصل او تجلس عندنا ان كان فصلها للموقف الي صار انا قدامك اعتذر منها واوعدك ياعمه ماراح يتكرر (( بسرعة تنازلت ياطلال ايه بسرعة مابي اخسرها اوافقدها سنه محروم من هجير يوم جت وحدة تذكرني فيها تختفي عني مستحيل))
هجير :يوم شافته لاهي عنها وومتحمس بالكلام غصب عنها شوقها اجبرها ترفع عيونها له وتناظره
ام سارة: ياوليدي مالك الاطيبة الخاطر بس سارة تعبانه ليتك تعطيهاإجازة وبعدها هي تقرر
طلال:فرح ببصيص الامل الي اعطته ام سارة له ابشري ياعمة وابعطيهاإجازة مفتوحه متى ماطاب خاطرها ترجع بس لاتفصل
ام سارة: تبشر وواليدك بالجنة وماقصرت ياوليدي
طلال: طلع وهو مبسوط
هجير: كانت مبسوطة وهي تسمع كلامه كم اشتاقت لصوته فرحت يوم شافته واقف وبصحة وعافية حتى مشيه تعدل تذكرت علاجها له تدريبها له ضحكهم اثناء التدريب غزله فيها هوطلال الحنون الي عرفته بس مشكلة حنون من برا وقاسي من الداخل اااااااه بس ليتني ماتذكرت ليت الذاكرة مارجعت لي عرفت حقيقتي المرة اني لقيطة وان الانسان الي حبيته تخلى عني يوم احتجته ضمت امها ورجعت تبكي
ام سارة: ضاقت وحست ا نالي في هجير شي اكبر من هوشة طلال لها بحنان بعدتها وناظرت بوجهها
هجير: استغربت من حركت ام سارة
ام سارة: يمه ياسارة مايخفاني ا ن الي فيك مب علشان تكلم عليك المديرانتي تخفين شي ثاني عني صح
هجير: تناظر بعيون ام سارة وسكرت عيونها وبكت
ام سارة: صح يمه اولا؟؟؟
هجير: هزت براسها صح
ام سارة: قولي لي يمه اشتكي لي لاتعذبيني معاك
هجير: اخاف تكرهيني يمه تتخلين عني زيهم
ام سارة:خافت من كلامها قالت بقلبها معقولة مسويه شي كايد بس تعوذت من ابليس قالت حرام اظن فيها ظن سئ وانا سنة ماشفت منها الاكل خير قالت اوعدك يابنتي ماراح اتخلى عنك
هجير: هم قالو لي كذا وتخلو عني اخاف انك زيهم وبكت اكثر اخاف تكرهيني يوم تعرفين حقيقتي
ام سارة: خوفتها بكلامها بس ام سارة حكيمة وماتحب تسبق الاحداث افااا عليك يمه هذي نظرتك فيني ماعمري وعدت واخلفت تباني الحين اخلف وعدي معك
هجير: وواعديني الكلام الي اقوله لك ماتعلمين فيه احد ابد مهما صار
ام سارة: اوعدك ووعد الحر دين عليه
هجير: يمه انا يوم انهار رجعت لي الذاكرة
ام سارة: فرحت كثيروحزنت اكثررر
انتهى الجزء٦٦
بس ليه ام سارة فرحت وحزنت؟؟؟
هل ياترى ام سارة راح تتغير مع هجير يوم تعرف حقيقتها؟؟؟
متى طلا ل يكتشف سر سارة وحقيقتها ؟؟؟؟؟
من المرأة الي جت لتركي وايش تبغى منه ؟؟؟
راح تعرفون بالاجزاء القادمة إن شاء الله
