في بيت اهل رنا
رنا شفتي مازال تروك متعلق فيها
روان: تعلقت فيها حيه سوداء ان شاءالله مالقى غير الجيكره حنونه يتعلق فيها
رنا : عاد شفتي بعينك بوساته الولهانه ههههههه
روان: لاحبيتي اعرف تركي يبي يكمل لعب عليها لعب عليها المره الاولى والحين ناوي يكمل انتقامه فيها هي وامها تركي يحبني انا وبس وانا اعرف كيف اكسبه
رنا: ورينا شطارتك مع اني ماعرف ليه انتي متعلقه فيه هو واخته المتزمته بدينها مالت عليهم بس هو شايف حاله ماكانه نتفت رائد بالشرطه لاراح ولاجا
روان: حبيتي بعد دورته السنتين الي طافو ترفع مقدم وشخصيته القويه تعجبني موزي طلالك الي لايهش ولاينش هذا حمش ومافوق كلمته كلام زي الاعصار ماحد يقدر يوقف بوجهه وانتي شفتي خالتي نوره الكل يهابونها ويخاوفون منها وهي ماتقدر ولاتهاب احد وتركي الوحيد الي وقف بوجهها وذلها مع ذلك مازالت تحسب له الف حساب
رنا: التفت على المرايه تفك تسريحتها قالت ان قدرتي تاخذينه من حنين
روان :اقدر ليه ماقدر انا اجمل منها الف مره
رنا: لاتنسين حنين حلوه وحلاتها يبان للي يعاشرها يكفيها ملامحها الناعمه والبريئه مانسى طلا ل كيف كان مطفشني فيها معجبته حيل اخاف تروكك ياحلوه زي نظرة طلال تعجبه وانتي مومن ذوقه
روان: يؤؤؤؤ راح تشوفي كيف راح اخليه يجري وراي وراح تقولي روان قالت
*********************
فـــــي ســــيـــــــــارة مــــتـــعــب
متعب : نزل للبقاله وشاف صديقه سلم عليه وساله عن عياله وطلب يشوفهم رجع متعب وفتح الباب يالله عموري تعال سلم على ابو زياد عنده ولد اكبر منك بسنتين وانتي عطيني رهف
امل: مدت له رهف وهي يتقطع قلبها بعد ماخذ عمر ورهف لفت على خالد الي شافته ساكت وباين عليه الحزن ويخفي دموعه طبعا عيون خالد متشوهات بقوه وماثرت على شكله
ابو زياد: ماشاءالله عيالك مزاين يامتعب عمر انت هذا ولدي زياد اكبر منك بسنتين
عمر: يعني كبر اخوي خالد
ابوزياد: لك ولد خالد وينه اجل؟
متعب: اممم نايم
خالد: يسمع كلامهم ماما ليه يكذب ويقول نايم ماعرف ليه بابا مايحبني
امل: بلعت عبرتهاوضمته لاحبيبي بس مايبغى يتعبك
خالد: صد مع الجهه الثانيه مايحبني لاني موحلو صح بس ربي كتب لي كذا وانتي تقولي الي ربي ياخذ منه عيونه ويصبر له الجنه
امل: تمسح دمعتها صح حبيبي
خالد: اجل ليه بابا موراضي عن خلقة ربي لي
امل: حبيبي خلودي ليه تقول كذا عن بابا حرام الواحد يظلم الناس كيف عاد ان كان ابوك استغفر ربك قبل مايزعل عليك
خالد: استغفرالله يارب
متعب: ركب السياره وعطاها رهف
عمر: خالد خذ اشتريت شيبس لك اعرف الي تحبه
خالد: جزاك الله خير اخذه وحطه ماكله
امل/ لفت ناظرته عرفت انه حزين ومايبغى ياكله ناظرت بزوجها الي ياكل فصفص ولاهمه شعور الطفل المسكين الي يتفنن بتجريحه وماكنه ولده تنهدت بضيق
متعب: بملل ايش فيك بعد ؟
امل: لاسلامتك يابوخالد ورصت على كلمة ابوخالد علشان تذكره ان خالد ابنه
*********************
فــــي ج ــــــــــــنــــــــاح طـــــــــــــلال
هجير: تنبهت من نومها قصدي مفزوعه تعدلت وناظرت الساعه لقتها 9 قالت واو تاخرت شكلي نمت وماحسيت بنفسي قامت واخذت فوطتها واخذت شاور سريع طلعت وشافت نفسها بالمرايه قالت الحمد لله خف اثار بكاي حطت لوشن معطر وحطت على شعرها عطر ورشت على جسمها عطرها المفضل قوتشي لبست فستان سكري ناعم وخفيف ضنت ان طلال تحت طلعت بسرعه
بس تفاجات ان طلال مانزل وقفت محتاره
طلال:كان طالب من الشغالات يرقون فطوره هو وهجير فوق وكان جالس له ساعه ينتظرها فرح انها ماطلعت دعى ربه انها نامت بعد بكاها البارح حس فيها طلعت نادها لاول مره باسمها صباح الخير هجير
هجير: ارتبكت بعد ماسمعت اسمها في فمه حطت يدها على صدرها وقالت صباحك ورد يا.... وسكتت
طلال: ابتسم ليه ماعجبك اسمي وماتبغين تنطقينه ؟؟؟
هجير: قربت شوي قالت بخوف لا ايش دعوه اسمك روعه
طلال: ابتسم من ذوقك
هجير: تناظره تقول ياحلاتك وانت مروق ومبتسم اول مره اشوفه مبتسم
طلال: راح تظلين واقفه تعال افطري
هجير: ان شاءالله وجلست تفطر بهودء بعد مانتهو من فطورهم
طلال: لف كرسيه على جهة البلوكنه المطله على الحديقه قال اسف على الي صار البارح من امي ورنا وانا كملت بعدهم حنين قالت لي كل شي هجير انا مابي اظلمك معاي انا انسان معاق وليه بنت صغيره زيك تدفن مستقبلها معاي هجير انا فكرت البارح وقررت اني اخليك تشوفي مستقبلك وابعطيك الي يرضيك انتي واهلك انتظر ردها وقال بقلبه اكيد راح تطير من الفرحه
هجير: بكل هدوء مستقبلي معاك طلال ومابغى منك فلوس
طلال: استغرب من ردها قال بس انا معاق
هجير: بس لاتنسى انك زوجي وانا راضيه فيك نفرض انك كنت زوجي وسليم ومعافى مافيك شي بعدين جاك الحادث وصرت معاق اتركك واطلب الطلاق منك ابد مستحيل بعدين انت قدامك مستقبل يمكن ترجع تمشي بس انت موراضي تتقبل العلاج
طلال: هز براسه بضيق انا مو متقلب علاج ومومتقبل عمل ومو متقبل حرمه ثانيه تدخل بحياتي انا كرهتكم هجير ومابي اغشك معاي بعد موقف رنا كرهتني باي حرمه
هجير: قربت من كرسيه وجلست على ركبها عنده
طلال: عرف انها قربت من ريحة عطرها الي تدوخه سكت وانتظرها ايش تبي قربت
هجير: طلال انا بعد انصدمت ومانكر اني حبيت عبدالله بس تركني علشان اهلي وامه وماتمسك فيني وتناظر حولها تمنع دمعتها بس يمكن طلال ترك رنا لك وترك عبدالله لي خير لي ولك سكتت شوي طلال الله اعلم وين الخير لنا فيه ومابعدنا عنهم الا يبغى لنا الخير
طلال: بس ماقدر اعيد التجربه مره ثانيه واتعلق فيك وانصدم قلبي مايتحمل هجير
هجير: مسحت دمعتها وابتسمت ليه نتعلق ببعض طلال نعيش مكملين لبعض وموشرط يكون بينا حب وتعلق بس ماراح اتركك حتى لو طلبت انت مني اتركك راح اظل جنبك برضاك او بدون رضاك طلال انت الحين سندي بعد ربي في دنياي طلال ماخبي عليك عيشتي ببيت اهلي عذاب وعذابك عندهم راحه قامت وابعدت عنه قالت كنت ابحث واتطلع لاي انسان يبعدني عنهم فهمت أي انسان يمكن تعلقي بعدالله لاني اشوفه المنقذ الوحيد لي بعد ربي بس للاسف صار الي صار والحين جيت انت طلال انت صرت لي طوق نجاة ان تركته راح اغرق تعرف كيف راح اغرق
طلال: فرح بكلامها بس ماحب يبين
هجير: يعني احنا متعادلين انا راح اخدمك وانت راح تنقذني قربت منه ومدت يدها له قالت تقبل خدمتي لك طلال مقابل انك تكون لي طوق نجاة من الي حولي
طلال: حس انها ماده يدها له وسكت ومارد
هجير: ضاق صدرها حست انه رافض وخلت يدها ممدوه له وغمضت عيونها بس فجاه حست بحرارة يده تصافح يدها
طلال: تردد يقبل عرضها اولا فكرمادمه انه راح ينقذها يعني مالها فضل عليه وماتقدر تمن عليه بشي يوم من الايام مد يده لها وحس بيدها ناعمه ودافيه ورقيقه دق قلبه لليد الصغيره الي جوا يده
هجير: ابتسمت وطارت من الفرحه هجير بذكاءها قالت له هالكلام لانها عارفه ومتاكده انه عزيز نفس ماراح يقبل مساعدتها له حتى يحس انه ساعدها بشي علشان كذا قالت له الكلام الي قبل شوي
انتهى الجزء٢٥
هل فعلا تركي يحب حنين او بس انتقام؟؟؟
ايش راح يصير على طلال وهجير وهل راح يحبون بعضهم ويكونو عاشقين قبل ان يكونو زوجين؟؟؟
راح نعرف كل شي بالجزء القادم القادم هان شاءالله
انتظر ردوكم وتوقعاتكم
فائدة:
( في جمع النبي صلى الله عليه وسلم بين تقوى الله وحسن الخلق )
جمع النبي صلى الله عليه وسلم بين تقوى الله وحسن الخلق لأن تقوى الله يصلح مابين العبد وبين ربه وحسن الخلق يصلح ما بينه وبين خلقه ، فتقوى الله توجب له محبة الله ، وحسن الخلق يدعو الناس إلى محبته.
اختكم shifa oman 🇴🇲😭♥️
