في بيت طلال
طلال:دخل للبيت متاخر منهد حيله رقى فوق اخذ شاور ولبس ملابس النوم وزي العادة توجه لغرفة حبيته وعشقه فتح الغرفة سنة على حالها يخلي الشغالات ينظفونها بس مايحركون ملابسها الي على السرير عن مكانها عطوراتها كل شي بمكانه جلس على طرف السرير ومسك اخر لبس لها بالبيت الي فيه ريحتها وضمه على صدره سنة كاملة ماينام قبل مايضمه واول مايقوم الصبح يروح يضمه ويبوسه وهو ضامه رفع عيونه للسقف ياترى نسيتني او لا ياهجير حبيتني جد زي ماعشقتك اولا؟
*********************
في غرفة هجير
دخلت لغرفتها بعد ماسهرت مع سلوى فتحت دولابها وطلعت التي شيرت الي كان لابسه طلال قبل مايسافر يعالج بألمانيا هي الوحيدة الي اخذتها معاها جلست على طرف سريرها وضمتها حطتها على وجهها وباستها وضمتها على قلبها امثل قدام الكل اني نسيتك بس قلبي رفض ينساك حبيتك وعشقتك بس للاسف انك ماحبيتني زي ماحبيتك متأكد انك ناسيني ولاهي مع غيري بس أنا احبك وأمووت بترابك يارب تنسيني اياه حتى ابوي كل مايجب سيرة طلاقي اتهرب مابغى اذل نفسي قدام ابوي وأقول امووت فيه وطلاقه لي كأنه طلاق روحي من جسمي يارب يسر وحل اموري كل ماشوف اهتمام سالم بسلوى مع قسوتها عليه اندب حضي وانا زوجي الي حبيته نساني ورماني وماحاول يرجعني معلقني ومخليني كأنه يعاقبني بس للاسف مازلت احبه
**************************
في بيت هشام
سلوى: تقلب بجوالها وسرحانه
هجير: ايش فيها المزيونة ساكته وسرحانة كل هذا خايفة علشان زواجك بكرة
سلوى: لا خايفة ولاشي بس مستغربة من سويلم مسوي ثقل ومن بعد زواج أمي لادق ولاسأل واول ناشب بحلقي كل شوي يدق اشتقت لك ومااشتقت لك بط كبدي غزل ماله داعي
هجير:مادام غزل ماله داعي ليه فقدتيه الحين
سلوى:مافقدته ولاشي بس مستغربة ليه مسوي ثقل
هجير:مشكلتك تكابري واضح من عيوني انك متضايقة حبيتي مالومه لو سحب عليك انتي تجرحينه حيل
سلوى/ بعصبية متى جرحته ؟!؟!
هجير:متعودة على عصبيتها وماتزعل منها قولي متى ماجرحته يكلمك ومتلهف عليك وانتي تكلمينه بكل دفاشة وبدون حنية حرام عليك تعاقبينه بذنب ماله دخل فيه هو يحبك ومابغاك تخسرينه بتعاملك
سلوى:هزت بيدها بالطقاق مادامه زعول ومايعرف طبعي كيفه
هجير:المفروض تغيري طبعك علشانه
سلوى:بعصبية ماراح اغيره علشانه عاجبه والا الباب يفوت جمل
عفاف:توها طالعة من غرفتها متكشخة ومتضبطة زي عادتها سمعت كلامهم هجير صادقة ياسلوى لازم تغير طباعك حياتي الرجال يدور حنان عند زوجته ان مالقاه عندها دور على غيرها وخسرته
سلوى: بحزن عطيتي ابوي حنان وماكسبتيه
عفاف: بس كسبت احسن منه بكثير كسبت هشام وفزت بقلبه
سلوى: تنهدت يصير خير على اذنكم وراحت لغرفتها متضايقة من تطنيش سالم لها بس تكابر ماتحب تذل نفسها لأحد وبنفس الوقت ماتنكر انها فقدته بس هي ربي خلقها دفشة وماتقدر تصير حنونة
**************************
في غرفة هشام
عفاف: لابسة روب برتقالي مشجر طويل وشفاف وناعم من نعومي وجالسة تحط لوشن معطر على رقبتها بس سرحانة بعييييد
هشام: قرب لها بهدوء وبدون ماتحس وباسها تحت اذنها وهمس لها حبيتي بايش سرحانة
عفاف: ابتسمت بنعومة لاحبيبي مافيه شي
هشام: وقف قدامها وجلس على طرف التسريحة متأكدة حبيتي
عفاف: تنهدت بضيق وغمضت عيونها
هشام: تغير ملامح وجهه ومسك يدها حياتي ايش فيك
عفاف: قامت ولفت خايفة ياهشام خايفة
هشام: لف عليها وحط يدينه على كتوفها من ايش قلبي خايفة
عفاف: وهي تحجر عبرتها خايفة على سلوى
هشام: تنهد براحة الله يهديك قلبي طيحة قلبي وربي كل البنات مصيرهم يتزوجون وانتي خوفك شي طبيعي لانك اول مرة تزوجي بنتك واول مرة تروح سلوى من حضنك
عفاف: جلست على طرف السرير موسالفة حضني او افقدها هشام انا مانكر اني راح افقدها حيل وتعرف غلاها بقلبي بس سلوى بنت دفشه ومافيها حنية تعبت وانا احاول تغير دفاشتها بس مافيه فايدة اخاف سالم يطفش من تصرفاتها ويتركها مابغاها تنجرح بنتي وتنكسر زيي
هشام: ضاق صدره لكلامها ومايبغى اصلا يتذكر سالفة زواجها لانه يغار عليها حيل بس خبى غيرته لانه عارف ان عفاف متضايقة مو وقت غيرته الحين لازم يحكم عقله حبيتي شوفي كيف قلبي محروق على بنتي الي تزوجة من معاق قدام عيوني وانا ماكنت قادر امنعهم انحرمت منها وهي كانت قريبة مني اهانوها وطردها والحين معقلة واعرف انها تتعذب الف مرة وشوفيني كيف صابر وانتي الحين خايفة من مجهول يمكن يصير ويمكن لا!!!
عفاف: انحرجت واستحت من تصرفها وندمت انها قلبت جراحه ناظرته بحزن آسفة حبيبي قلبت مواجعك
هشام:مسك وجهها بيدينه مابغى نظرة الحزن بعيونك تعذبني وتحرق قلبي
عفاف: ابتسمت لها بنعومة سلامة قلبك ياروح عفاف انت
*************************
في زواااااااج سلوى وسالم
هشام:تأكد من كل شي بالقاعة وراح للبيت يغير ملابسه دخل على هجير وسلوى بارك لسلوى ماشاءالله شكلك ناوية تجلطين سالم زي ماجلطتين أمك يوم زواجها
سلوى:اول مرة تستحي ابتسمت وسكتت
هشام: ضحك على حياها قال بقلبه مالاق لك الخجل ياسلوى فديتها وفديت برائتها لف ناظر بنته قرب لها حبيتي قريتي وردك انتي وسلوى
هجير:كانت لابسة فستان ليلكي ناعم ومخصر على جسمها ومسوية تسريحة لشعرها منزلة جزا منه وجزا رافعته ومكياجها ناعم لأنها ماتحتاج مكياج ثقيل باسته مع راسه قالت ايوه فديتك
هشام:غريبة اجل عفاف وين
هجير:فديتها كل اليوم جالسة معانا تتأكد من كل شي توها رايحة تلبس
هشام:على اذنكم انا بعد ابغير ملابسي راح لغرفته فتح الباب بهدوء شاف عفاف لابسه فستان بحري ضيق من فوق ووسيع من تحت بقصة كلوووش وقصير شوي مع قدام وذيل بسيط مع وراء ولابسة خلخال فضي وشعرها ماسوت فيه تسريحة لانه قصير صففته وحطت مكياج ناعم حيل يناسب فستانها
هشام: يالطييييييييييييف ايش هالروووووووووعة شكلي ابدق على سالم يستلم زوجته هنا واحجز افخم فندق بالرياض طز بالزواج الي راح يحرمني من حبيتي
عفاف: ابتسمت له بخجل ياحبك ترفع فيني
هشام: قرب منها ومسكها مع خصرها ولفها على المراية وصار وراها حبيتي شفتي الحورية الي قدامك تراها انتي
عفاف: ابتسمت اشوف عفاف ماشوف حورية وضحكت بنعومة
هشام: لفها جهته قال حبيتي بعد الزواج راح اقص لك نظارة الحين تأكدت انك عندك نقص بالبصر وباس عيونها
عفاف:حبيبي الله لايحرمني منك ومن حنانك
هشام: ولامنك ياقلب هشام انتي
في قاعة زواج سلوى وسالم
سكرو الأنوار وطلعت سلوى على زفة اسلامية هادية
سلوى: كان فستانها حلووو مرة ومناسب طولها وعرضها والمصففة اجتهدت حيل بمكياجها وتسريحتها طلعتها كيووت
سبوى على جراتها بس كانت مرتبكة
عفاف: وهي ساطعة بمكياجها تناظر بنتها وهي تنزل من الدرج عجزت تمنع دموعها
هجير: مسكتها مع كتفها وحضنتها تهديها
عفاف:حاولت تتمساك علشان ماتخرب فرحة بنتها وينقلب حزن
زوجة صالح مرة ابو سلوى: معصبة وواصلة حدها وكل شوي تتأفف وتهز برجلها بعصبية
احد الحاضرات:ماشاءالله هذي امها تجنن تقولين ام عشرين سنة كيف تكون أمها
الثانية: ايه يقولون تزوجت صالح صغيرة وحملت بسلوى وطلقها
الثالثة: حشى عميان يطلقها ناعمة وصغيرة وتتطلق فرق كبير بين زوجته الثانية وهي
الاولى: ياحليلك يقولون عض اصابع الندم يبي يرجعها بس رفضت
الثانية: شكلي ابخطبها لاخوي توه مطلق زوجته ومشترط صفات زيها
الاولى:ياحليك يقولون تزوجت رجال يقط الطير من السماء
الثالثة: ايه يختي هذا الكلام والا لا خليهم لايقين لبعض موب زي صويلح مادله الزين
زوجة صالح:خلاص عجزت تتحمل وقامت وغيرت مكانها
المراه الاولى: اقول ورطة
الثاينة: ايش؟؟؟
الاولى: الحرمة الي جالسة ورانا هي زوجته الثانية
الثالثة: افاااااااا
الثانية: بالطقاق الي يطقها ماقلنا غير الصذق
زوجة صالح: جلست جنب اختها ام سالم يع القاعة مالقو غيرها
ام سالم: والله يختي حلوة ماقصرو بالعكس عاجبتني
زوجة صالح:مالت من حينك ماعندك ذوق وبعدين ترتيباتهم مهب زينة وسلوى ابد مومناسب مكياجها والافستانها كانه خيشة
ام سالم:ماردت عليها لأنها عارفة ان اختها ميتة غيرة ولاتلومها عفاف بارزة بكشختها ولبسها كل الانظار عليها
عفاف: وهي واقفة تستقبل التهاني جتها حرمة
الحرمة:ممكن ياختي دقيقة من وقتك
عفاف: بكل نعومة سمي ياختي
الحرمة: البنت الي واقفة جنبك من هي
عفاف: ابتسمت هذي بنت زوجي هجير الله يحفظها
الحرمة: انا ادور لولدي وهو مشترط ملكة جمال طاحت رجولي مالقيت بس سبحان الله يوم شفتها قلت جاك يامهنا ماتمنى اول كنت اقول ياولدي تحلم تلقى بنت مثل هالمواصفات بس الله يحفظها بنتكم نفس المواصفات الي يبيها ولدي ياليت تكلمين ابوها وتردين لي علشان نتقدم رسمي تراه مهندس الله يحفظه ويدرس بكندا بقى له سنة ويرجع
عفاف: بابتسامة ياحياتي انتي بس هي متزوجة ياقلبي
الحرمة: يوووه الله يوفقها اجل
هجير:كانت تسمع كلامها ومسوية انها ولاعلى بالها
عفاف: قرصتها بنعومة مع خدها فديت الي ذبحوني الخطاب عندها هذي خامس حرمة تسالني عنك ههههههههه
هجير: تصنعت الابتسامة وتقول بقلبها بس الي اشغل بالي وسرق قلبي مو يمي
********************************
عند الرجال
هشام:مو على بعضه ابد معصب بس ماسك اعصابه كل مايشوف صالح يستقبل المهنين وهو ابو العروسة بالحفلة وحبيبته عفاف هي ام العروسة تولع غيرته لأنه فيه شي مشترك بين عفاف وصالح
صالح: جاء واحد يهنيه قاله مبروك يابو زياد رد عليه لا انا ابو سلوى
هشام: عصب وحب يجرحه بتريقة تتسمى بالبنت وتخلي الولد
صالح:حب يقهره اكثر بنتي سلوى هي بكري وفرحتي واول مولدة لي بحياتي الا اقول يابو هجير دق على ام سلوى قولها ابو سلوى راح يزف سالم لسلوى ويسلم عليها ويبارك لها (((ورص على كلمة ام سلوى وابو سلوى علشان يقهره بطريقة غير مباشرة )))
هشام: عصب حييييييييييييييييييييييييييييييل وتمنى انه يفرشه بالأرض بس مسك نفسه قال ببرود سالم بس راح يدخل
صالح: وانا وابو سالم انا ابوها وابسلم على بنتي وابو سالم راح يشوف ولده مع زوجته واعتقد من حقنا
هشام: الظاهر فيه حريم ماتحل تشوفونها
صالح: قلهم يطلعون حتى نسلم احنا
ابوسالم: بحكممة ياخوك ان كان هالشي يضايقه مولازم
صالح:لايضايقه ولاشي بنتي وولدك ومن حقنا
هشام: لاتتكلم بلساني الايضايقني واغار على محارمي
صالح: ياشيخ قل لمحارمك لايقربون حتى نسلم
هشام: انت من جدك تقول كذا امها لازم توقف جنبها أول مايدخل زوج بنتها عليها
صالح: وأنا من حقي اوقف مع بنتي اول ماينزف لها عريسها ان كانت أمها وتحبها أنا ابوها واموت فيها
هشام:من حقك لو كانت متربية بحضنك مو كل عمرها لوحدها وتوك تقول من حقي وماجاء هالحب الاهالحين
سالم: يوم شاف الدعوة راح تشب نار ياعم ابدخل انا وان جينا نطلع انا وسلوى خليناكم تدخلون ونصور سواء
صالح: زعل ونفض يده قال خلاص مو لازم ادخل اساسا ورجع داخل
سالم: ياعم .....
هشام:خله يرضى براحته يالله نزفك الحين تأخرنا كثير بس مازال هشام معصب وغيران وزادت غيرته لانه مايتصور كيف راح تكشف عفاف لسالم هشام غيرته جنونية وكل الامور بعد تصرفات صالح تخربطت وشوشة عنده على عفاف دق على عفاف علشان تجهز بنتها
عفاف:مسكت يد بنتها ودخلتها بكوشة داخليه
سالم: سم بسم الله ودخل وشاف حبية الطفولة الدفشه الي ماتعرف النعومة جالسة بفستان فخم وتسريحة خيال ومكياج رووووعة قرب لها وباس جبينها لف وناظر عفاف اول مرة يشوفها بدون غطاء لانها خجولة رفضت تكشف له ايام الملاك سالم انبهر من نعومتها وملامحها الناعمة ماشاءالله وربي استحي اقولك ياخالة مولايق ابد شكلك صغيرة حيل
عفاف: ابتسمت بخجل زي عادتها ياقلبي انت
هشام:خلااااااااااااااااص ووووولع اكثررررر زاد سالم الطين بلة بعد صالح وكلامه وردها عليه بقلبي ولع ناااااار قال بعصبيه يحاول يكتمها خلصونا صورو لان امك وابوك وعمك راح يجون يسلمون عليكم
سالم: اخذ كم صورة وطلب من عفاف تصور معاهم
هشام:لاماله داعي
عفاف: سكتت احترام له وحاسة ان وجهه موطبيعي اليوم بس توقعته ارهاق
سالم: ليه يابوهجير حرام ذكرى
هشام: لاحرام ولاشي بس بسرعة خلصونا وانتي عفاف اطلعي علشان يجون يسلمون عليها ونادي الحريم وانا ابطلع انادي الرجال
زوجة صالح:دخلت تسلم مبروك ياوليدي مع اني تمنيت لك احلى بكثير بس مقدر ومكتوب
سلوى: سمعت كلمتها وتبغى تذبحها بس سكتت موزينة تهاوش وهي عروسة بس حقدت على هالسالم الي مارد ولابكلمة ولادافع عنها قالت شغلك عندي بعدين
ودعوهم وطلعو للفندق سوااا
************************
في الفندق
عفاف: مستغربة من سكوته وهدؤه وهو الي كان مزعجها بغزله وهيامه طنشت وأخذت ملابسها ودخلت تتحمم طبعا توقعت امها تسوي لها مقلب ترد لها مقلبها علشان كذا آخذة معاها روب ساتر بس يوم فتشت عرفت ان قلب الأم حنون وماقدرت تنفذ تهديها وتسوي فيها هالمقلب لبست روب عبارة عن قطعتين فخمات القطعة الأولى مشكوكة شك يناسب لبس عروسة اول ليلة وتحتها قطعة ستان سبت تعطرت وحطت روج هادي بس
سالم: يطالعها ببرود مصطنع عكس الي جواته اصلا يحبها من صغره كيف يشوفها كشخة قدامه كذا ويعرف انها حلاله بس مصمم يأدبها على دفاشتها وقلة احترامها له يظنه كله غرور ودلع مايعرف ان سلوى مايدل الغرور بابها طالعها ببرود ومر من جنبها بدون أي مدح او نظرات هيام او اقل شي بوسة ترضي غرور أي انثى ا ن الي قدامه مر من عندها تصبحي على خير
سلوى: طالعته بقهررر وسكتت يوم شافته دخل لفراشه ناظرت ساعتها بدري على شخصين متزوجين ينامون بدري كذا توقعت انه راح يسهرون سوا يتعشون يضحكها يمدحها زي ماكان يتلصق فيها ايام الملاك جلست على طرف سريرها قالت الي خايفة منه صار معقولة راح يصير مصيري زي مصير امي تنهدت بحززن وضييق تحاول تخفيه
سالم: يتصنع النوم بس من وين يجيه النوم وحبيته الي تمناها سنين ووقف قدام الكل حتى خطبها ثلاث مرات ترده ويرجع يخطبها جنبه الحين وبنفس سريره وريحة عطرها تدغدغ انفه بس حارم نفسه منها يتمنى يعاند كبرياؤه ويقرب يحضنها حضنة انسان مشتاااااااق لحبيب مبعد عنه سنين بس كبرياؤه تمنعه الى متى اجري وراها لازم تتعلم درس دلال امها ضرها وغرورها زاد لازم تقوي قلبك سالم لازم ...... بس يوم سمع تنهيدة الحزن منها وجعه قلبه ضغط على عيونه يحاول ينام بس من وين يجيه النوم
***************************************
في سيارة هشام
هشام : معصب على الآخر فرحة صالح طول الحفل ماغابت عن عيونه يسمعه كل شوي يجيب سيرة ام سلوى ماقصرت ربتها واحسنت تربيتها انا وام سلوى اصرينا على بنتنا تتزوج تعب حيل مايقدر يسبب مشكلة زي المراهقين ويتصنع انه ماسمع صح كان صالح جالس بعيد بس صوته جهوري يسمعه هشام من بعيد هشام ماسك نفسه مايبغى ينفجر عند عفاف وهو عارف حساسيتها
هجير: خالتي يجنن الحفل اليوم
عفاف: ايه والله بس وربي ماقدر اتخيل البيت ارجع بدون بنتي
هجير: ايش اقول انا ياخالة الي تعودت مانام الا على هبالها وسواليفها الي ماتقضي
عفاف: الله يسعدها يارب ويسخرها لسالم وربي باين انه ولد حلال وطيوب
هجير:آمين حتى أمه واضح انها طيوبة بس الله يعينها على مرت ابوها
عفاف: بكل عفوية قالت ايه زوجة صالح الله يهديها لسانها ينقط سم الله يفك بنتي منها عاد سلوى ماتتحمل واخاف يصير شي بينهم مهما كان زوجة صالح خالة سالم وماراح يرضى عليها مع ان صالح ماقصر كان موقفها عند حدها وماتقدر تقول شي لسلوى كم مرة يهزاها قدامنا
هشام:خلاااااااااااص وووووولع ومايبغى يتكلم يخاف ينفجر وكل شوي يضغط على الدريكسون
عفاف: حبيبي بكرة اول مانقوم ابمر على بنتي
هشام: سكت مارد
عفاف: مانتبهت ان معصب من زود انشغالها ببنتها والا بالعادة دقيقة وتفهم هشام ردت حياتي ان صحيت بكرة توديني لها ان شاءالله
هشام: لا
عفاف: باستغراب ليه؟!؟!
هشام: لسه معاريس مايصير تنشبين بحلوقهم
عفاف: بس من حقي اتطمن على بنتي وسالم فديت قلبه ياروحي هو طيوب اعرفه ماراح يتضايق وانا اصلا ماراح اطول بس اتطمن عليها واطلع
هشام: بعصبية انتي ماخليتي احد الاصار قلبك وماخليتي احد الاتفديه
عفاف: باستغراب احد !!!!
هجير: يوم شافت ابوها معصب حمدت ربها ان السيارة وقفت جنب بيتهم نزلت بسرعة وخلتهم علشان ماتحرج خالتها
هشام: ايه الظاهر حتى الي بالشارع عادي يكونون قلبك قلبك فندق ماشاءالله ويشيل كل من مر بحياته والظاهر ماينسى بعد
عفاف:جرحها كلامه طعنها بلعت عبرتها وسكتت ماردت فتحت الباب بدون أي كلمة علشان تنزل
هشام: جامع كم موقف وثارت عصبيته وغيرته ناداها عــــــــــفـــــــــــــــاف ان كلمتك ماتروحي وتخليني فاهمة اولا
عفاف: بهدوئها وحكمتها عرفت انه معصب حيل سكتت وقالت سم امرك على راسي
هشام: انقهر انه عصب عليها ومقهور من صالح وسالم ومنها عقله مشوش موقادر يفكر نزل وسكر الباب بقوة
عفاف: تنهدت بضيق وتعوذت من ابليس ونزلت دخلت الغرفة لقته موفيها عرفت انه في الحمام يتحمم راحت غيرت ملابسها ولبست روب وردي ماسك على جسمها وفتحة كبيرة ناعم تحاول تخلي الوضع عادي ماتبغى تكبر المسائل بينهم رشت عطر وجلست على الاريكة كلامه وجرحه لها يرن بذهنها تتعوذ من ابليس تعرف ان ابليس يفرح باي مشكلة بين زوجين بس موقادرة خرب فرحتها ببنتها اهانها قدام بنته بدون سبب هي موعارفة سبب عصبيته وموعارفة ان صالح تفنن بنرزفته معقولة خلاص فرحته بزواجه انتهت ورجعت انسانة عادية بنظره معقولة مل مني بسرعة وبدا يدور أي زلة علي نزلت دمعة مسحتها بسرعة دمعة ثانية وتحاول تمسحها وتكتم عبراتها بس خلاااااص دموعها صممت الا تنزل وبغزارة لعلها تبرد وتطفي حرارة الي بقلبها
هشام: ندم حيل على عصبيته يوم تحمم تعمد يتحمم بماء بارد علشان يطفي نار الغيرة الي بقلبه اخذ الفوطة ولفها عليه طلع لغرفة التبديل لبس بيجامته وتعطر طلع وهو يمشط شعره شافها جالسة على الاريكة ومنزلة راسها وتبكي وصوت شهقاتها واضحة وجعه قلبه حبيته النسمة الرقيقة تبكي ومنو بكاها وجرحها هو الي يحبها رمى المشط وقرب لها وحضنها باسها مع راسها وهي تبكي آسف غلاتي اعذريني غصب عني
عفاف: تمنيت اول من يشاركني فرحتي زوجي الي حبيته تمنيت ارجع للبيت ويواسيني على فقدي لحشاشة قلبي ماتوقعته يخرب اغلى ناسي فرحة انتظرتها عمررر حتى حصلتها وبكت أكثر
هشام: رفع وجهها بيدينه قسم آآآآآسف وحقك علي انا غبي وماستاهلك قسم والا من يجرح نسمة زيك
عفاف: وهي تبكي وتمسح دموعها لاتقول عن نفسك غبي تكفى
هشام: فديت الي تخاف علي حياتي لاتلوميني وربي انا فرحان زيك بسلوى قبل ماتكون بنتك وربي اعدها مكانة بنتي بس الليلة كانت ثقيلة علي عفاف ثقيلة حيل ترك وجهها ومسك راسه بين ايدينه
عفاف: هدات يوم شافت مزاجه انقلب وواضح الضيق بوجهه خافت عليه مست كتفه حبيبي ايش فيك ايش صاير ومنو الي ضايقك
هشام: حياتي انا اغار عليك موووووووت والخروف صالح ماقصر فيني كل شوي يردد ام سلوى وانا ابو سلوى ومايرضى احد يناديه الا ابو سلوى مو انا مراهق علشان اضربه لسبب تافه بالنسبة للناس لأنه فعلا ابوها وله حق يتنادى باسمها بس بنظر الناس تافه وبنظري انه سبب مقنع علشان اعطيه كم كف يوقفه عند حده بس مشكلة مكانتي وعمري مايسمحون لي ولازم نحكم عقولنا بس على حسب نفستي انا واكيد وضح علي عصبت علشان كذا اشوفه مبسوط حيل
عفاف: كانت ساكتة تسمع له
هشام: وبعدها ادخل سالم على سلوى يتغزل فيك قدامي وانتي ماقصرتي تتفدينه وياقلبي وياروحي وانا كاني جدار بدون مشاعر واقف بينكم تعبت ياعفاف تعبت انا اغار عليك من الهواء يلمس خدك كيف رجال حولك سواء محرم لك او لا ماتفرق معاي ابغاك لي الحالي وبس
عفاف: ارتاحت لكلامه وعرفت انه موكره فيها سوى كذا من زود حبه لها وغيرته عليها حضنته فديتك وفديت غيرتك حياتي وربي صالح مايهز فيني شعره وانت فرحته لو انك مطنش ولاعلى بالك كان ولع هو بس انت اثبت له انه انتصر عليك الحين وسالم زوج بنتي وبحسبت ولدي
هشام: لف ومسكها مع وجهها وباسها مع عيونها وطرف خشمها قرب لها وحط جبهته على جبهتها وخشمه على خشمها حبيتي لا سالم ولاغيره اسمح لك تدلعينه الدلع لي انا بس
عفاف:من عيوني قلبي
هشام: تسلم لي هالعيون ولاتلبسي قدامه كم قصير ابغى لبس ساتر
عفاف: تنهدت شوي بعدين ابتسمت من عيوني وطلباتك اوامر
هشام: ترك وجهها وحضنها فديت حبيتي ياعالم
عفاف: بس ممكن طلب قلبي
هشام: انتي تامري موتطلبي وانا بس اتفذ لاميرتي
عفاف: مهما صار بينا يكون بينا لاتحرجني قدام هجير
هشام:آآآآآسف حبيتي وربي غصب عني ومن عيوني وحقك علي
عفاف:حضنته فديتك بس
هشام:مسح على راسها فداك قلبي وروحي وكل شي فيني
****************************
في جناح سالم وسلوى
سالم: سكر المنبه الي دق لصلاة الفجر واصلا كان صاحي ماطب عيونه النوم لف وناظرها عرف انها مانامت زيه قام وتوضأ وطلع يصلي
سلوى: قامت توضأت وصلت ورجعت لفراشها قبل مايرجع
سالم:عرف انها صلت ورجعت ماقال شي دخل لفراشه لعله يجيه نوم لو شوي تقلب وتقلب يوم جت الساعة سبعة قام وطلب فطور وقومها
سلوى: غيرت ملابسها بفستان خربزي مشجر وناعم جلست على الطاولة مستغربة من تغيره معاها تبغى تسأله بس كبريائها منعها ليه اقط نفسي ويمكن كارهني سكتت وتقلب بالأكل قدامها بدون ماتتكلم
سالم: استعدي راح نروح لأهلي نسلم عليهم بعد شوي
سلوى: وأمي متى؟؟؟
سالم: دخل غرفته وخلاها بدون مايرد عليها
سلوى: تتمنى تذبحه وتريح عمرها رافع ضغطها بس موزينة عروسة تتهاوش مع عريسها بصباحية عرسها ابتسمت بتريقة امحق صباحية دخلت وعدلت نفسها وراحت معاه
*****************************
في بيت ام سالم
ام سالم:هلا وغلا تو مانور البيت
سلوى: منور فيك ياخالة
زوجة صالح:زين ياسلوى عرفتي تتكلمين بأدب واحترام اخبرك ماتعرفين تقدرين لاكبير ولاترحمين صغير
سلوى: ناظرت بسالم تبغاه يدافع عنها موزينة بحقها عروسة وتهاوش على الأقل احترام لخالتها ام سالم سكتت وماردت وهي تغلي بقوووة وتدعي جواتها اللهم الهمني الصبر على هالعقرب
زوجة صالح: الا من وين فستانك البارح
سلوى: تبي تقهرها أمي طالبته لي من الخارج عن طريق الانترنت فديت قلبها
زوجة صالح: اهااا قولي لي أمك زاد ياربي يلوع الكبد حتى ابوك يقول بنتي مالقت غير هالخيشة تلبسه قلت يمكن ذوق امها موذوقها لاتلومها يابوزياد
ساوى:هنا ولعت يوم جابت طاري أمها ردت بعصبية أمي تسواك ولاتجين طرف اصبع رجلها وبطلي عنك كذب لاني اعرف ابوي مستحيل يقولها واصلا البارح مدحني مدح متأكدة انك عمرك ماسمعتيه منه
زوجة صالح: فرحت انها نرفزته ايه سبيني ببيت اختي وقدام زوجك ياحيف بس وحدة بصباحية زواجها وترفع صوتها ببيت اهل زوجها فعلا تربية حرمة صغيره ماعرفت تربيك
سلوى: بغت ترد بس سالم قطعها
سالم: بضيق خلاص سلوى يالله مشينا
سلوى: قامت وباست راس خالتها أم سالم اعذريني ياخالة ماحشمتك بس يوم تسبني تحملت حشيمة لك بس تسب أمي وربي مارضاها لو على طلاقي
ام سالم: مالومك يابنتي وروحي انتي وزوجك الله يحفظك
سلوى: خنقتها العبرة وباست راس خالتها وطلعت
ام سالم :وم تأكدت من طلوعهم مايحق لك ياختي الي سويتيه ابد يعني حريصة تنامي عندي علشان تهينن زوجة ولدي ببيتي ترا غلاها من غلا ولدي زالبنية من يومها صغيرة تحترمني وتقدرني
زوجة صالح: افا عليك ياوخيتي هذا حقي وجزاتي اني نايمة اوسع صدرك بعدين هالسلوى متى قدرتك ماتعرف تقول كلمتين سنعة على بعضها ماتحترم احد ابد وربي مادري كيف زوجتيها لسالم
ام سالم:توسعين صدري بتضيق صدر ولدي وزوجته مشكورة مابي منك سعة صدر وسلوى سالم مختارة وانا مالي حق اوقف بدربه وانا مشفت منها الا الزين يكفي ان أمها تحط على الجرح ويبرا
زوجة صالح: افااا بس ياويختي بس هي وربي لسانها طويل وماتطيقني كله لأن ابوها حبني ورمى امها
ام سالم: تنصبين على مين انا جالسة وشايفة البنت ماغلطت بس انتي ماخلتيها حتى طلعتيها من طورها وسبيتي اغلى ناسها واي انسان مايرضى احد يسب امه او ابوه وكل اهله بعد
زوجة صالح:خلاص خلاص اصلا انا ابرجع لبيتي
ام سالم: بدون نفس الله يساعدك
