في غرفة أم سارة
أم سارة: أكلت علاجها ونادت هجير بغرفتها
هجير: دخلت الغرفه باست امها ايش فيك وجهك يمه موعاجبني
أم سارة: بضيق ان شاءالله مافيني الا الخير من ربي بس اجلسي جنبي يابنتي واسمعيني زين
هجير:خير يمه
أم سارة:يابنتي انا واثقة فيك بس علشان ارتاح جاوبيني على الأسألة ولاتزعلي مني ابد وتأكدي اني راح اصدق كل كلمة تقولينها عشتي معاي سنه وانا عندي فراسه بالناس ووانتي اول ماشفتك ارتحت لك ودخلتي قلبي
هجير: وجعها قلبها يمه ليه كل هالمقدمات ايش صاير؟؟؟
أم سارة:كلمت طلال اليوم
هجير: وجعها قلبها أكثر وايش قال لك
أم سارة: عصب يوم عرف انك انتي هجير وزادت عصبيته يوم عرف انك راح تتزوجي
هجير: وقفت بعصبيه ياسلام يرميني ويخذلني ويطلقني يوم عرف اني راح أتزوج عصب ليه انا قطعت أثاث من قصرهم يمتكلها ويتصرف فيها زي مايبغى
أم سارة: سكتت شوي خايفه من صدمت هجير وحتارة كيف تعلمها سكتت شوي بعدين قالت موهنا المشكله يابنتي
هجير: كانت واقفه لفت وناظرت ام سارة اجل فين المشكله
أم سارة: هو انكر انه مطلقك واتهمك انك سويتي هالتمثليه كلها لانك سرقتيه وهربتي والحين تنصبين علينا وتتهمنينه انه مطلقك وانتي لسه على ذمته
هجير: ايييييييييييييش نصاب يمه احلف لك انه نصاب وجلست تبكي يمه وربي ماسرقت منه ولاريال اخذت ملابسي القديمه وطلعت بالشارع مادري وين اروح لان امه طردتني وقالت طلال طلقك ومايبغاك هنا وتبكي بقوه وانتي بنفسك شفتي شنطتي يمه ايش يبغون مني هذولاء اكثر طلاق وطلقوني رمي ورموني حرام عليهم ايش سويت لهم علشان يعذبوني كذا وصارت تبكي بشدة
أم سارة: حضنتهاخلاص يابنتي بكره راح يجي وافهمه كل شي
هجير: تبكي وتأشر بيدينها بخوف لايمه ارجوك مابغاه ولا ابغى اشوفه يمه راح يجي ويكمل عذابه لي مويكفي العذاب الي شفته بحياتي تعبت وربي تعبت
أم سارة: خلاص يابنتي توكلي على ربك وانتي عندي وربي الي خلقني مايمسك شعرة عذاب وراسي يشم الهواء لاهو ولاعشرة من أمثاله يقدرون يمسكون بسوء وجلست تهدي بهجير وتمسح على شعرها حتى نامت هجير بدون ماتحس
يوم حست أم سارة بأنفاس هجير تهدا عرفت انها نامت رفعت عيونها وهي تحس بالألم يزيد بقلبها يارب انك تحفظها وتسعدها وتعوضها سنوات الحرمان والقسوة الي عاشتها
**************************
في غرفة حنين
هشام: دخل غرفة حنين وناظرها كانت حاطه راسها بين رجولها وتبكي جلس
قرب لها بشويش وحط يده على كتفها
حنين: كانت تبكي بهدوء حست بيد حنونه على كتفها رفعت عيونها المحمرات من كثر ماتبكي ناظرت وجه عمها الوسيم وهو يبتسم لها بكل حنان ضمته وبكت
هشام: ضمها ومسح على راسها حبيتي حنونه كنتي تتمنين الطلاق يحصل لك ويوم حصلتيه وانتي عاكفه بغرفتك ماتبغين تشوفين ولاتكلمين احد بس حزينه وتبكين حبيتي ان كنتي تظني ان طلاقك راح يكون بصمة عار عليك فأنتي مخطيه تراه الف شاب يتمناك وكثير كلموني عندك بس قلنا لسه بالعده ولاتنسي أمك تزوجتها وهي ارملة وانا لساتي ماتزوجت وماعابها شي حياتي الدنيا ماتوقف عند طلاق او صدمة اوجرح لازم نكون اقوى من كذا ونواجه الحياة ومشاكلها واحنا صامدين زي النخلة ماتهزها ريح
حنين: وهي ضامه عمها عمي منو قالكم راح اتزوج انا كرهت الزواج خلاص
هشام: رفع راسها وحضن وجهها بين ايديه افاا حنونه ليه تكرهينه
حنين: لان الزواج كله غدر وخيانه
هشام: منو قال هالكلام
حنين: ابعدت عنه شوي ولفت تناظر بالفراغ بحزن واقعنا المر يقوله
هشام: حنونتي لاتخلين تجربتك مع تركي تأثر على نظرتك للزواج حبيتي فيه ازواج كثيرين ضربو خير مثل بالزواج
حنين: بعصبيه تجربتي فشلت وغدر فيني تركي قلنا تركي غدر فيني بس تجربة اخوي طلال
هشام: عقد حواجبه ايش فيه طلال
حنين:هجير الي حبيتها من قلبي ووثقت فيها بشكل اعمى غدرت فيه وتخلت عنه
هشام: فز قلبه عند ذكر اسم هجير وانقهر يوم اتهمتها حنين بالغدر مسك اعصابه حنين ارجوك لاتتهمينها واحنا ماسمعنا منها شي تعرفي كل الي صار وانتي وطلال مسافرين
حنين: بعصبيه ياعمي انا كنت مغشوشه زيك وظنيت بأمي انها ظالمتها بس اخوي طلال لقاها وتأكد فعلا انها نصبت عليه ومخططه تتزوج غيره بعد وهي لسه على ذمته
هشام: فز من مكانه ووقف وقرب لحنين ومسكها مع كتوفها طلال لقى هجير متى وويـــــــن ؟؟؟؟؟؟؟؟؟؟
حنين: خافت وهي تشوف عمها معصب عمي ايش فيك
هشام: حنين بسرعه وين لقاها
حنين: لقاها تشتغل عنده باسم مزور سارة وساكنه عند مراه عجوز وكانت تتدعي انها فقدت الذاكره
هشام: بعصبيه أشد من متى هالكلام؟؟؟
حنين: خافت أكثر من شهر بس توه طلال يعرف وكلمني وهو معصب وينذر انه راح يجرها ويرجعها له غصب وينتقم منها
هشام: طلع منها معصب وصبخ بالباب بقوه
حنين: خافت أكثر غريبه ايش فيه لايكون مازال يحبها بعد جلست على السرير معقوله هجير تكوني دنيئه كذا وسحرتي كم رجل معقول هجير استغلت جمالها لجذب الرجال تهز براسها لا مومعقوله كنت اعرف هجير اكثر من نفسي كانت طيوبه وحنونه موهجير الي تسوي كذا بس الي ايش الي صار الى متى تكوني مغفله ياحنين صادقه امك انتي غبيه وراح اظل غبيه طول عمري وكل الناس سهل يخدعوني بكم كلمه
************************
في غرفة هشام
هشام: معصب وثاير وماسك جواله خلاص عماد بكره بدري تجمع لي كل المعلومات عن الموظفه سارة الي تشتغل عند طلال واهم شي مكان بيت الناس الي ساكنه عندهم ورقم تلفونهم ضرووووري مافيه فرصه ياويلك لو اخطيت بشي سكر السماعه ومسك راسه مستحيل افرط فيك هجير ثانيه اخيرا لقيتك سنه وحفيت رجولي وأنا ادور عليك كنتي قدام عيوني وفرطت فيك بس الحين مستحيل لو أخسر كل فلوسي ماراح اتركك ابواجههم كلهم ومستحيل ياخذك طلال وأنا موجود مستحييل خلاص دروس تعلمتها من حياتي ااااااااه ياهجير الله يصبرني الى بكره بس
**************************
في غرفة طلال
طلال: ماجاه النوم يروح ويجي بغرفته متوتر زعلان مجروح .....
يبي ينتقم ااااااااااه يطلع منك كل هذا ياهجير يامن خليتي قلبي عندك اسير سنه كامله اسرتيه عندك وتتلذذين بتعذيبه من جد شكلك قمة الحنان والبرائه وانتي اقسى انسانه عرفتها بحياتي حتى على قسوة امي انتي تعديتيها على الاقل امي واضح انها موحنونه بس انتي زي العقرب تلدغ من تحت لتحت بدون ادنى رحمه لفريستك الله يجيب بكره على خيررر وابرد حرتي فيك ان ماوريتك نجوم الليل بعز الظهر ان ماذليتك زي ماعذبتيني وغشيتني ماكون طلال انا تلعبين بمشاعري وتغشيني تجرحين وتعذبين قلب مافيه غير اسمك ينبض بكل دقه بحبك اااااااخ يالقهر ااااااااااخ
**********************
في غرفة عناد
عناد: نايم على سريره ويناظر بالفراغ فوق يتخيلها يوم الحادث يوم يشوفها وهي مغمى عليها كانت قمه بجمالها حتى وهي تنزف ويتخيل يوم المزرعه يوم يشوف ملاك موانسان خجلها نعومتها كل شي فيها يجنن اخيرااا هجير راح تصرين زوجتي على سنة الله ورسوله انتظرت هاللحظه على احر من الجمر تحديت الكل على شانك امي حاولت تمنعني اعرضت لي كم بنت بس اشر على قلبه هذا مافيه غيرك ياهجيررر انتي وبس
