في الرياض غاليري
عفاف تجهز لبنتها سلوى علشان زواجها بقى عليه شهر وشوي راحو للصرافة وكانت زحمة مسكو طابور بس يوم جاء دور عفاف وسلوى سبقهم رجال قليل حياء ممكن ياختي
عفاف: استحت وابعدت
سلوى: مو على كيفك ارجع انتظر الدور احنا لنا ربع ساعة ننتظر
الرجال ولاعلى باله قرب للصرافة وجاء يبي يدخل بطاقته بس يد عريضة سحبته ورجعته وراء
الرجال: خير ايش عندك
الرجال الثاني : كان اضخم واعرض منه الواحد يحترم الدور ومن من الذوق تاخذ مكان حريم وتستقوي عليهم لو دوري قدمتهم علي وانت تاخذ دورهم وين الذوق والرجولة
الرجال الاول: اقول
الرجال الثاني: ابعد ولايكثر لاانادي عليك رجال الامين يشوتونك برا المجمع
الرجال الاول: بغى يتكلم بس شايف الرجال اقوى واضخم منه اخذ بطاقته وطلع برا المجمع وهو يفور من العصبية
الرجال الثاني: وهو صاد تفضلو
عفاف:كانت تناظر الحوار الي يدور وهي مبهورة من شكل الرجال اول مرة يلفت نظرها رجال كانت كارة لجنس الرجال كلهم بس هدا جداب بماتعنيه معنى الجاذبية شخصيته هيبته جماله استغفرت ربها وتذكرت ان المراة ان اعجبه رجال غير محرم لها يحرم تدقق فيه اخذت فلوسها وهي منقهرة من نفسها انها طاوعت ابليس وناظرت في هالرجل حتى فتنها كانت تمشي بسرعة وعفاف وراه
الرجال: ياختي
سلوى: لفت نعم ياخوي
الرجال: البطاقة اختك الصغيرة نستها نبهيهامرة ثانية تحرص عليها
سلوى: مسكت ضحكتها بس يوم وصلت لأمها انفجرت بالضحك
عفاف: سلوى رجعنا للبيت وبلاقة ادب
سلوى: آه يمه ماقدر امسك ضحكتني وربي لاتزعلي حلوة اختي الصغيرة هههههههههههه
عفاف: استغفرالله بس ماحب الرجال الي يحب يطول الكلام مع الحريم (( تحاول تشين صورته بعيونها باي طريقة وكل شوي تحاول تمسح صورته من بالها الي مافارقت خياله حتى نغمة صوته الفخمة تحاول تتنساها بس مشكلة صورته وصوته علقت بذاكرتها ))
******************************
في بيت متعب
تركي: دخل عند أخته يحاول ينسى همه مع عيال أخته
أمل: عموري خذ اختك رهف وروحو العبو بالحوش
تركي: لا ام خالد خليهم معاي مسلييني
أمل: عموري اسمع الكلام ورحو برا
تركي: ناظر العيال وهم يمشون لف على أخته ليه صرفتيهم
أمل: ماتشوف وجهك كيف هالات سوداء حول عيونك وحالتك حاله مو تركي الي اعرفه حطت يدها على كتفة طمني ياخوك وجهك ابد مايريح صاير شي
تركي: باتسامة الي الي من ربك كله خير
أمل: تنهدت ونزلت راسها ونعم بالله رفعت راسها تركي صاير شي بينك وبين حنين ؟؟؟
تركي: رجع راسه ورا وتسند على الكنبه ورفع عيونه فوق خلاص ياأمل حنين صارت ماضي حلو مر علي كل شي بينا انتهى
أمل: وهي تحاول تبلع عبرتها يعني قالت بخوف وتردد طلقتها
تركي: هز راسه وسكت شوي وفتحت ازرار ثوبه الفوقي
أمل: نزلت راسها بحزن وسكتت فتره عندها قامت وجلست جنب اخوها وحطت يدها على كتفه ياخوي توك تسوي شي حلو بحياتك انت غلطت بحقها وطلاقك لها وتحقيقك لرغبتها يعتبر تصحيح طفيف لغلطتك
تركي: بحزن وبصوت هادي ضعيف بس احبها ياأمل امووت بترابها أمل اسبوع احاول اشيلها من راسي موقادر طلقتها وكأني نزعت روحي من جسدي تراني الحين عايش بينكم بجسمي بس اما روحي وقلبي بين ايدين حنين
أمل: نزلت دموعها ومسحتها بسرعه ياخوي طول عمري اشوفك قدامي قوي ومايهزك شي اول مره اشوفك ضعيف كذا
تركي: عايش جسد بدون روح وتبغيني اظل قوي آآآآآآآه ياأمل تمنيتها تظل معاي تمنيت اعوضها عن الي فات لف وناظر اخته بحزن وألم تمنيتها تحس قد ايش احبها وأمووت فيها ليتني ماحبيتها ليتني ماعرفتها لف يناظر بالفراغ يوم قررت اتزوجها ظنيتها كربون من عمتي نفس الغرور ونفس القسوة واتفاجأ بإني تزوجت كتلة حنان واتفاجأ اني راح انتقم من بنت ناعمه ورقيقه وطيبه الى أقصى حد جنوني بالانتقام اعماني عن كل شي ان شفتها تعلقت فيها وان ابعدت عني وشفت امها وفرحتها بزواجي منها رجعت لي جنون الانتقام
بلع ريقه النوم جافاني اسبوع وأنا ماذوق طعم الراحه ولا اتهنى بنوم كل ماغمض عيوني اتخيلها بحضن رجال غيري اتخيلها تبتسم لرجال ثاني يلسم ايدنها ويحس بحنانها افز من نومي مفزوع كرهت حتى النوم الخيال يعذبني كيف اذا قضت عدتها وتزوجت غيري قولي على اخوك انه مات وانتهى ياشر على صدره جمره هنا تحرق قلب أخوك ياأمل
أمل: نزلت دموعها ومسكت يده وحطت يدها على صدره بسم الله عليك ياخوي عودتني على قوتك ياخوي لاتضعف وأنت بعد ان شاءالله تتزوج وحدع تنسيك حنين وبعون الله راح اخطب لك اجمل بنات الرياض وادور بنت اخلاقها عاليه وجميله تعرف انت ياخوي الف بنت تتمناك ولاتنسى اريام ماشاءالله عليها جمال وطيبه وكانت تموت بترابك
تركي: ابتسم بحزن أي أجمل كل بنات العالم بكفه وحنين ترجح فيهم بالكفه الثانيه وأريام الحمد لله اقنعناها انا وأمها انها تتزوج قريب لها يستاهلها والحمد لله يوم علمت أمها اني متزوج واحب واموت بزوجتي اقتنعت وزواجها قريب الله يسعدها وقف وشال شماغه ولاتشغلي بالك معاي لأن غير حنين ماراح اتزوج بعدها كرهت أي بنت وماعندي استعداد اظلم بنت ثانيه معاي يكفي ظلم لحنين اظلم ثانيه بعدعلى اذنك
أمل: بس ياخوي سكتت لانه طلع وماخلى لها فرصه تتكلم تنهدت بضيق الله يعوضك باحسن منها يارب اول مره اشوف اخوي ضعيف كذا الى هالدرجه يعشق حنين ومالكه قلبه ليتك ياحنين تعرفي قد ايش اقوي يعشقك ومتعلق فيك
تركي: وهو يمشي بالسياره استغرب كيف تكلم كذا لانه مايحب يشتكي لأحد بس أخته حطيت يدها على الجرح وماحس بنفسه وهو يتكلم عن هم لازمه من طلاقه لحبيته
