في بيت راكان
ام راكان: متى ياوليدي راح اخطب لك وافرح فيك ؟
راكان: تسند على الكنبة تعرفي يمه البنت الي ابغاها
ام راكان: يا امك تبي بنت مطلقة وانت مازلت شاب ايش ناقصك
راكان: تضايق من كلام امه وايش ناقص حنين يعني تعرفي ان حنين تطلقت قبل ليلة الدلخة اصلا
ام راكان: وانت ايش يأكد لك انه مادخل فيها وشاف عليها شي وكرهها
راكان: قام معصب استغفرالله يمه حنين اشرف مني ومن النذل تركي الي باعاها هالبيعة وماعرف قدرها وانا اصلا مامنعني طلاقها منعني ان اخوها مايعرف هي متطلقة اولا والا كان من زمان متقدم لها
ام راكان: وقفت قالت استغفرالله بس انت ياوليدي حديتني اقول هالكلام ماكان فيه بنت غيرها ياوليدي اعرف ان حنين بنت طيبة مو زي ا مها بس مو من نصيبك امها ماوراها الا المشاكل وشايفة نفسها وصدقني ماراح تقتنع فيك
راكان: لف على امه وقال يمه احب اخوها واتمنى اناسب طلال اغلى من نظر عيني ماتعرفين ايش قيمة طلال عندي كنت اتمناه أختي هدى بس سبحان الله ماكتب ربي علشان كذا مصمم على حنين اتمنى اجيب ولد يكون طلال خاله ماتعرفين قيمة طلال عندي ابصبر يمه حتى اتاكد ان النذل طلقها وان ماطلقها طلال مصمم يطلقها بس ينتظره يرجع وسبحان الله رجع تركي وطلال جاه الي جاه ويمكن كل تاخيرة فيها خيرة
ام راكان: قالت بضيق ان كانت فيها خير الله يكتبها لك وان كانت فيها شر عليك الله يصرفها عنك
راكان: اللهم آآآآآمين
************************
في الــقــصــر
نورة: خلاص يعني قررت تسافر
طلال: بعون الي عينه ماتنام
نورة:اجل قبل ماتروح مفتاح مكتبك عطني اياه والي هناك عطه عمك هشام
طلال: مفتاح مكتبي الي في البيت معطيه هجير والي هناك معطيه راكان
نورة: وليه ان شاءالله تقدم الغرب على اهلك ؟؟؟؟
هجير: تضايقت من كلامها بس سكتت
طلال: عصب من كلام امه بس حاول يمسك نفسه اولا يمه هجير وراكان موغرب هجير زوجتي وشريكة حياتي وراكان صديق الروح وولد خالي وهو سكرتيري الخاص ويعرف كل شي عن الشغل وهجير تعرف كل اماكن اوراقي وختمي وكل شي
نورة: قامت وهي معصبة براحتك وترجع بالسلامة وراحت لغرفتها
**********************
فـي بــيــت مــتــعــب
متعب: خلصتي كل شي يكلمها وهو يعدل شماغه قدام المراية
امل: بضيقة انت مطول؟
متعب: مالك شغل
امل: تنهدت طيب ممكن تحط عندنا فلوس يمكن احتاج شي للبيت تشوف البيت فارغ مافيه شي
متعب: فتح محفظته وطلع خمسين ريال
امل: اخاف تطول والبيت مافيه شي والخمسين يادوبك تكفى حليب وغيار لرهف
متعب:ماتلاحظين انك طراره وتاكلين بملعقة اقولك مايحتاج بعد اعطيك خمسين مادامك موقنوعة كذا انا احتاجها ورجعها لمحفظته
امل: بحزن متعب انتبه لاتروح لبلاد فيها فسق وفجور الا دينك وعرضك يامتعب
متعب: عصب عليها وجرها بقوة مع يدينها من زود مسكته حست امل بالم اصابعه المغروسة بيدها قالها وهو يصر على اسنانه مو انا اصغر عيالك تكلميني كذا وان ماحافظت على نفسي فهذا بسببك يامدام تعرفي ليه لان الي يشوفك تنسد نفسه ودفها على السرير
امل:وهي تحاول تمنع دموعها ليه انا قصرت بحقك يوم يشهد ربي اني احرص قبل تجي اتحمم وابدا ملابسي والبس احسن لبس بس انت ماتشوف الا للي حرمه ربك عليك
متعب: لف عليها وقالها بتريقة ابروح امتع عيوني بحوريات موزيك شينة وقوية ونسلها زيها الي شين والي اعر ج انا غلطان يوم ادور وحدة شينه وطلعو نسلي عليها عكرتي علي مزاجي الله يعكر مزاجك وطلع وخلاها
امل: حطت راسها على السرير وكانت تبكي بهدوء علشان عيالها مايسموعون بكاها ماحست الا بيد صغيرة تمسح على راسها عرفته قبل ترفع عيونها مافيه غيره يفمها مافيه غيره يواسيها مافيه غيره يحس فيها عمره صغير بس قلبه كبير حاولت تهدا علشان ماتضيق صدره
خالد: سامحيني يماما انا سبب هذا كله ابوي ماكرهك الا علشاني بس يارب ربي يساعدني واكبر واعوضك مع اني ماتوقع احد يوظفني بس ربي راح يساعدني واثق بربي انا
امل: قامت وضمته وقالت له اكبر نعمة ان ربي رزقني فيك حبيبي
خالد: انتي تقولي لي كذا علشان ماتضايق
امل: ضمته اكثر وجلست تبوسه لاحبيبي انت اكبر هدية لي من ربي ماتعرف ايش قدر احبك مسكت وجهه بين ايدينها قالت له حبيبي خلودي انت دايم تذكرني بربي وحنانك عوضني عن حنان ابوك الي انحرمت منه صدقني خلودي انت كل شي بدنيتي
خالد: ماما الله يخليك لي ونزلت دموعه
امل: وهي حاضنته وتبكي الله لايحرمني منك يارب
************************
في بيت حمد
حمد: ماتلاحظين ان هجير طولت وماستفدنا من وراها شي
موضي : وهي تكمل خياطها بالمكينة كيف ماستفدنا منها شي وهي كل ماعطاها زوجها فلوس تشتري فيها ملابس لها تجيبها لنا
حمد:قصدك كم الف الي تقطهم علينا كاننا طرارين تسمينها فلوس انا مادامي ماشفت خمسين مية الف ماراح اقتنع
موضي: لاتستعجل الفرج جايك يارجال ولاتنسى زوجها يبي يسافر وراح ناخذ راحتنا
حمد: ابتسم بخبث جاك الخير ياحمد
