هجير:مسكت يدين امها يمه ارجوكي قولي انها تكذب قولي انها بس تبغى تهيني زي عادتها يمه اتحمل أي شي الا اني اكون موبنتكم ارجوكي يمه ردي علي لاتعذبني بسكاتك
موضي: بحزن والم ايه صح الي قالته قبل عشرين سنه كنت احمل واسقط وتوني جايبه بنت وماتت وكنت جالسه انا وحمد وطق علينا الباب واحد كان حمد يشتغل عنده اسمه راشد محمد فتح له حمد الباب وعطاه بنت صغيره ولبسها زين قالنا الرجال خوذو ربو هالبنت وانا ابصرف عليكم عطانا شيك بخمسين الف ووعدنا يكتب البيت الي حنا فيه الحين باسمنا وطلع وخلانا طبعا رضعتك وعلمنا الناس اني جبت بنت ولاماتت هالمره بس الرجال الي عطانا خمسين الف بعد اسبوع سوا حادث ومات وخلانا وانقطعت عنا الفلوس وبلشنا فيك مانقدر نرميك بدار الايتام يقولون الناس رمو بنتهم بعدها كرهناك وكأنك هم على قلوبنا لاحنا استفدنا من فلوسك وابتلشنا فيك صح بعدك ربي رزقني بأسماء بس كنتي هم على قلوبنا
هجير: صرخت يكفي حرام عليكم طاحت عند رجول موضي يمه قولي انك تكدبين علي طلبتك يمه انا بنتكم مستحيل اكون لقيطه مستحيل اكون بنت حرام لايمه لا قولي اني احلم طلبتك يمة يكفيني العذاب الي عشته طول عمري يوم جاء الفرح يطرق بابي تصدموني بكلامكم حرام عليكم انا ايش سويت يمه طلبتك قولي موصدق هالكلام
موضي: اول مرة ترحمها قالت ماكذبت عليك بكلمه وهذا الي صار عجزت تتحمل الجلسة قامت وقالت مع السلامه
هجير: لحقتها يمه تعالي لاتخليني عذبوني بس لاتخلوني بدون اهل يمه تعاااااااااالي
موضي: طلعت وهي تسمع صياحها وراحت وخلتها
نورة : باستحقار تمثيل البنت المظلومه مايمشي معاي يالله شيلي اغراضك وعطيني مفتاح مكتب طلال وبرا مايشرفني بنت حرام تكون زوجة لولدي
هجير: تناظرها ودموعها تجري بعيونها أي قلب قاسي تملكه هالانسانه حاولت تتماسك قالت ماراح اطلع من بيت طلال الا بأمره بس
نوره: تصفق بسخريه هايل صايره قويه قواك حب طلال ودلاله لك بس ياحبيتي هذي رسالته بجوالي اقري رسالتي واقري جوابه لي
هجير: بيد ترجف اخذت الجوال وقرأت كلام نوره عنها وقرات رد طلال كان ((( يمه اول مارجع مابي اشوفها قدامي مايشرفني اناسب بنت حرام الحين مالومها على خيانتها لي مع هشام بس عيني لاتشوفها وقولي لها اني طلقتها )))
انصدمت انطعنت انجرحت طاحت على الكنبه وجلست تبكي وتبكي خلاص كل شي انتهى عندها اخر امل يجمعها بطلال انتهى قتل حبها الي انولد بقلبها وكبروكبر حتى حست ان قلبها صغير بالنسبة لحبها له عشقته وعشقت كل شي فيه يصدمها بطلاقه لها بتخليه عنها جلست تبكي ولاحست بالي حولها
