في المطار
سعد: وهو ينفث زقارته ايش فيك كانك معصب
متعب: عندي حرمة تغث قسم نكدت علي وانا كنت مروق
سعد: وهو يكمل تدخينه عساك مالنت لها بس ووطت على راسك
متعب: تعقب انها توطى على راسي
سعد: بخبث قلت اخت تركي اكيد أخذت شخصيته
متعب: تخسي هي واخوها مايقدرون يوطون على راسي
سعد: تخسى هي صح بس اخوها وربي لو نوى يتوطاك ماتنطحه ياخي هذاك لوح لو تعطيه الف بكس مايحس انا مادري من وين له كل هالقوة والعضلات ومستغرب كل هالمدة وانت هاين اخته وساكت عنك
متعب: قال بهدوء لان اخته مو راعية شكوى وهذا الي مصبرني عليها لو اسوي فيها أي شي ماتشتكي لا لاهلي ولا لاخوها والا من جدك ان تركي ماراح ياخذها مني ويسكنها عنده معززة مكرمة
سعد: وهي غبية وش الي مصبرها عليك
متعب: عارف علشان عيالها ولاتنسى وتعرف المطوعات تتوهم اشياء مو معقولة
سعد: ضحك مثل ايش
متعب: مثلا تحس ان ربي راح يهديني ويرجعني لها
سعد: هههههههههههههههه عاد تكون مطوع يامتعب تخيل عاد قسم دلخة هالبنت
متعب: او تخيل احبها احتقرها انا ومستحيل احبها
سعد: رمى زقارته تحت رجوله وداسها قال لاتخدعك بكلامها بس ودسها مثل مادوس زقارتي الحين ترا الحريم ماينفع تعطيها وجه
متعب: اكيد ماوراهن الا الغثا والشقا والهم
***************************
في بيت اريام
ام اريام: هلا ياوليدي اخبارك
تركي: بكل احترام وتقدير بخير ياخاله انتي كيفك
ام اريام: بخير من ربي بس ياوليدي عازمتك انت واختك اليوم تجونا على العشاء
تركي: ليش تكلفين نفسك ياخاله
ام اريام: لاكلافه ولاشي بس وربي انك بحسبة ولدي وماخبي عنك ابي اريام تتعرف على احد واطمن عليها اقاربنا مبعدين عنا علشان الورث والفلوس الي فرقت النفوس وانا تعرفيني انا موسعودية واهلي مادري عنهم من زمان وحابه اختك تتعرف على بنتي لانك واضح انك ابن حلال وسمعت اختك وطيبتها وصلتنا
تركي: تاثر بكلامها قال سمي ياخاله ولايهمك اختي راح تجيكم بس انا اعذرني
ام اريام: ليش ياروليدي
تركي: عندي شغل ياخاله
ام اريام: براحتك ماضغط عليك بس ننتظر اختك الليله
تركي: سكرجواله وقال الله ياهالانسانه طيبه وحنونه لابعد حد وكلم اخته
امل: كانت متضايقه مره وكانت تقرا قران علشان يخفف عنها كلام زوجها وتحطيمه لها جرحها بقوه دق جوالها ناظرت اسم اخوها ابتسمت قالت يامخفف الامي واوجاعي دقيت ردت بحنان السلام عليكم ورحمة الله وبركاته
تركي: وعليكم السلام ورحمة الله وبركاته لازم تقولينها كامله ماغيرتي طبعك
امل: احد يرفض ثلاثين حسنه مافيها تعب بس نقولها ونكسب اجر
تركي: الله يحرسك ويحفظك ياختي ويثبتك يارب
امل: تنهدت اللهم امين امريني اخوي بغيت شي
تركي: مايامر عليك ظالم ياأم خالد بس حبيت ا خبرك انك معزومه عند ام اريام
امل: استغربت ايش المناسبه
تركي: خبرها بكلام ام اريام وكمل كلامها وانا بعد ياامل ابغاك تروحين وتاثرين على اريام بكلامك ونصايحك يمكن يهديها ربي على ايدينك وتحافظ على حجابها اكثر
امل: من عيوني ياخوي مادام زيارتي فيها دعوة لله اتقرب فيها لربي انا مافرط فيها
تركي: الله يثبتك خلاص على الساعه 8 ابمرك والعيال اباخذهم للملاهي يلعبون وينبسطون
أمل: الله يجزاك خير ويخليك لهم
