وصلت للبيت ركض بعدني مواصل اسمع صوت رجل مبين جورينا دخلت للبيت باوعت لبيت مكسر جامة من جامات شباك لبيت مكسر دخت للبيت لكيت امي كاعدة وحاطة ايدها على راسها ولبيت مهجوم هجم ولاولحد موجود من امير وسجاد.
دانيال:ها يمة شبيج ؟!
الام:وليدي ماعرف ماعرف صار دخل سجاد ورا بشرية امير وبدة انير يصيح على سجاد لحد متعاركو وبعدين طلعو من لبيت.
دانيال:شنو هل عراك هذا معرفتي؟!
الام:لاوالله يايمة مدري شبيهم ؟!
عتذرت من جوارينة واكض برة لبيت واجيت ساعدت اني بلتنظيف مردت اغوفها وحدها اجة ابوية وامي سولفتلة كلشي وتحلف لامير ولسجاد بس هما لثاني يوم صبح ممبينين خابرت على امير ميشيلة وسجاد اصلاً ميشيلة ضل ابوية يدور عليهم مخلة لا مول لا مطعم مدور بي عليهم ،بدلت وطلعت للمول ليشتغل بي امير وصلت لهناك لكيتة صافن بلمبايل.
دانيال:الله بلخير.
امير:ها دانيال.
دانيال:شبيك؟!
امير:مابية شي .
دانيال:لعد شبيك انت وسجاد؟!
امير:ينفرز ويجاوز متحملتة وتعاركنة.
دانيال:اي احجي هيج ويا ابوية وخل يحلها ترة ابوية ديدور عليكم ثنينكم.
امير:يمعود اصلاً مااريد اشوف ابوك ،،،تعبان اني تعبان اريد امووت حتى اخلص بس من تفكير راسي عبالك يصير رسل رسل مااعرف مجاي اتحمل.
دانيال:الله يصبرك ان شاء الله .
امير:خل اكوم للشغل لايطردوني.
دانيال:راح ترجع للبيت؟!
امير:ماادري الله كريم روح هسة انتَ.
دانيال:ماشي بس اخذلي كم حاجة منا واروح.
اشتريت لكم حاجة هاي ورجعت للبيت لكيت سجاد كاعد وابوية يحاسب ويصيح علية دخلت لغرفتي صاحني ابوية سئلني على امير كتلة مشفتة باوعت على سجاد شوية وكام من يم ابوية لبرود الي شايلة كارثة صحت على امي كتلها جوعان ورحت اخابر امير يجي للبيت ،شوية ودخل امير.
الاب:وين جنت؟!
امير:بلشغل.
الاب:يوم كامل تشتغل شنو هل شغل هذا.
امير:مردت ادخل لبيت .
الاب:من سجاد يجاوز عليك ليش مااجيت وسولفتلي ،اكو داعي لهذا لعرك وكسرتو لبيت من اكسرك هسة اني منو يكل ليش لبيت مشتري بكدكم ولد،،،،.
امير دنك راسة وسمع لحجي ابوية وبعدها دخل لغرفتة وصار كلشي هدوء ثاني يوم صبح رحت للثانوية خلصت دوامي ورجعت للبيت وصلت للبيت اشوف بابنا مليان زلم عمامي وخوالي وخوال امير وصلت يمهم سلمو علية واني مندهش من لموقف وكلها اسمعهم يكولون خطية بعدة شاب دخلت للبيت اركض باوعت امي تبجي شكو صاير ابوية وين شوية ودخل طفل كال خالة ام امير رجال يكول راح روح للمستشفة ،رحت اركض يم رجل امي كتلها شكو صاير حظنتني وتبجي ودكول اخوك امير مات ،اني سمعت لو احس خنجر دخل بكلبي مااعرف سكتت مكدرت احجي شي كمت بسرعة ورحت ركض للمستشفة اركض وابجي حسيت دنيا خلصت وصلت للمستشفة شفت ابوية كاعد وملتمين علية ناس دخلت للمستشفة ادور مدري على شنو مثل لمخبل كمشني ابن خالي كلي شبيك؟!
دانيال:امير،،،امير،،وينة.
حضني واني من حضني صرخت وضليت ابجي هزيت لمستشفة هز بصياحي ،وهذا ليوم الي اخذ نصف حياتي امير جان كلشي بلنسبة الي اخ اب صديق كلشي جنت اتعارك وهوة يجي يدافعلي ومن انجرح هو ليركض بية اضوج افرح احزن انقهر هو جان يمي ويواسيني ،يبدو انو امنيتة اتحققت ،صار ليل ولازم نروح للنجف اجوي اهل لولد الي ضرب امير بسيارتة وعزونة اني من شفتهم مسيطرت على نفسي هجمت عليهم وكوة كمشوني لولد،بعدها صعدنا للسيارات وتجهنة للنجف زورنا ورحنا دفنة موقف صعب من اخوك تروح دفنة ،استمرت لفاتحة ثلث ايام بعد لثلث ايام حسيت لحياة رجعت بس حياتي مرجعت صرت امشي واشوف ذكريات امير ،صرت مااكل هواي واكضي لوقت كلة خارج لبيت ارجع بليل صرت مااشوف احد قليل اشوف ناسي،وفجأة اجتني متابعة من حساب بنية باوعت اسم رسل مهتميت لان هواي بنات يتابعني ،وبعدها دزت رسالة على لخاص مكتوب بيها <دانيال هاي اني رسل فدوة رد راح امووت>.
دانيال:ها رسولة ؟!
رسل:ليش امير ميرد على رسايلي وكل مااتصل بي يطلع مغلق ؟!كوة وصلت الك .
دانيال:ماادري تردين شي منا اوصلة الا.
رسل:مااريد شي فدوة كلي وينة ؟!
دانيال:مابي شي جهازة نكسر .
رسل:دانيال جهازة نكسر صالة اربع ايام ماكو معقولة مبدلة وبعدين اني اعرف امير اذا يصير شي يجي يسولفلي من غير جهاز.
دانيال:رسل راح اكلج صار وادري صعبة عليج .
رسل:احجي فدوة مجاي اتحمل بعد امير شبي.
دانيال:امير نطاج عمرة.
اني اتكلم رسايل وياهة مااعرف صار بيها ومن تكلمت وياهة ليومين هي لاحس ولا خبر منها وصل يطلع نشط من ذاك ليوم قلقة عليها ادري هذا صعب حييل حاولت اتصل بيها ماكو رحت لبيتهم هناك ضليت كاعد اشوف صاير شي محد طلع بس امها تروح للاسواق وترجع ،شوية واجتني رسالة من حساب بنية مكتوب بيها روح منا لا يشوفك ابوية كلت هاي اكيد رسل.
دانيال:منو انتِ؟!
اخبرني احدهم ان الامنيات لاتتحقق فمابال امنية اخي تحققت بسرعة؟!،،،،،
اتمنى الجزء نال اعجابكم⭐️
يتبع......
أنت تقرأ
كل شيء بخير
General Fictionروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
