رسل
رجعنا من بيت خالتي بعد مجبنة اختي ريم اول مدخلنا لكينة خطار عدنا عمي ابو هدير وعائلتة اني اكرهم بسبب ابنة هدير جان يتعامل وياي تعامل سيء وصار سنتين مشايفة وجهة يجونا خطار بس مااطلع واشوفة وهل مرة كانت الاسوء بدخولي للبيت رحت لغرفتي بسرعة حتى مااشوفة وطلع بجهي .
هدير:ها هلو بت عمي!
رسل:هلو هدير.
هدير:شلونج؟!كالو اجة منو يخطبج!
رسل:اي صح!
هدير:ان شاء الله خير،،،،،ولو اني حزين بس يلة ان شاء الله تنسعدين.
رسل:شكراً هدير.
داحاول اصعد وكمشني من ايدي وعصرها حييل.!
رسل:شبيك شكو؟!
هدير:اني احبچ!
رسل:وخر مني اكرهك وخر ماما.
صحت امي اجتي بسرعة وهوة وخر من يمي وطلع برة بسرعة امي شافتة وهوة يطلع من لباب.
الام:هذا شبي.
رسل:اني ادري مدري شبي كمش ايدية بقوة !
الام:دروحي صعدي وقفلي لباب عليج شلون وياهم هذول ناس روحي روحي.
هدير ابن عمي عندة اخوان بس وبس هوة السيء بينهم والدة انسان كلش خلوق ومتدين لكن ابنة مو زين من اني كبرت وصرت حلوة وشبيت صار ينظر الية نظرة مو حلوة يفصلني تفصيل صرت من ورا مااطلع لبيت اي احد من اقاربي واذا يجون اصعد لغرفتي حجيت ويا امي علية وهي حاجت ابوية لكن ابوية كال ابن اخوية وهذا اخوي شلون هيج يسوي وحجة ويا ونكر وصارت مشكلة كبيرة وفترة وردو شرفو بيتنا .
ريم:هذا هدير سوالج شي ؟!
رسل:لا اكلج هما ليش هنا؟!
ريم:ماادري والله اجوز خطار.
رسل:اها يلة هسة يولون تعاي كليلي قريتي لا !
ريم:شعليج!
رسل:شنو شعليج!؟
دانيال
جنت كاعد اتفرج تلفزيون اجاني سجاد يبتسم فاجأني اول مرة اشوفة يضحك هيج.
سجاد:خالة جوعان شنو الاكل.
شيماء:باميا هسة اصبلك انتَ ودانيال.
دانيال:شنو هل ضحكة لتارسة وجهك.
سجاد:ماكو شي!
دانيال:لا اكو شي مو من عوايدك تضحك هيج.
سجاد:هسة حرام نفرح.
دانيال:غير اكو سبب للفرح.
سجاد:ماكو سبب ويلة اسكت .
دانيال:سكتنة يلة .
اكلنا وكملنا ومر ليوم على خير ثاني يوم صبح كاعد على ريوك وية ابوية وسجاد .
الاب:سجاد جهز نفسك سافر وياي!
سجاد:ليش ؟!
الاب:تروح وياي تساعدني!
سجاد:وشوكت نسافر.
الاب:ماادري بس يمكن بعد اسبوع بس انتِ جهز نفسك من هسة لان رايحين تركيا يمكن شوية نفتر هنا.
دانيال:هلة هلة دلال سجاد.
الاب:انت كمل مدرستك حتى نسافر كلنا بعد ماازوج سجاد .
كملنا اكل واني رحت للمعهد وابوية وسجاد للشغل.
رسل
لعصر بعد غروب شمس ردنا نطلع اني وامي جهزت نفسي وطلعت انتظر امي وفجأة ندكت لباب رحت افتحة شفت هدير بيدة ورقة !
هدير:شنو هل صدفة لتخبل؟!
مسمعت الا وصحت امي بسرعة .
هدير:شبيج مو دنحجي وياج !
رسل:ماعندي حجي وياك؟!
هدير:ليش ماعندج حجي وياي لتخافين ماسويلج شي.
رسل:اني مخايفة وماعندي حجي وياك.
هدير:اروح فدوة لهذي لنبرة.
رسل:استحي شوية اني مرة مزوجة .
هدير:رسل اني من سمعت بيج زوجتي تخبلت وبعد ميهمني شي.
رسل:شنو تقصد؟!
هدير:قصدي واضح اني اريدج وراح اخذج غصب او برضاتج.
رسل:هههه ضحكتني.
صحت على امي بقوة كمشني من ايدي وصم حلكي وصاح يكلي اش دسويلج اني وفجأة نضرب لباب شارع بقوة وامي طلعت من لبيت تركض باوعت سجاد فوك راسي سحب هدير وضل يضرب بي وامي دك على راسها وصيح يمة فدوة عوفة اني تفاجأت هذا جابة بهذا لوقت كمت ركض دخلت جوة وضليت داخل غرفتي لحد مهدئ كلشي وصوت خف لان ابوية اجة دخلت ريم علية .
ريم:ولج هذا سجاد يخبل.
رسل:مسكتين مني .
ريم:ولج روحي شوفي وجه هدير مينشاف،،،،اكلج صدك هذا هدير سوالج.
رسل:لنذل من صحت امي تجي كمشني من ايدي وسد حلكي بس سجاد ماادري شلون اجة.
ريم:يمة سجودي يخبل.
رسل:تعاي احجيلي صار.
ريم:ماادري اسمع بس ابوية يعتذر من سجاد وسجاد ساكت مطلع صوت وهدير راح من شاف ابوية.
رسل:كبر هل جبان هذا.
بأثناء لحجي دخلت امي علينا يريدني ابوية جوة نزلت واني ايدي على كلبي بس لا يصير شي،دخلت شفت ابوية مباوعت بجه سجاد بسرعة رحت كعدت يم ابوية.
الاب:باب هذا رجلج يريد يسولف وياج،،،يلة اني اعوفكم وحدك.
طلع ابوية باوعت على سجاد نازع محبس من ايدة وفرك بي .
سجاد:سولفيلي.
رسل:ها!
سجاد:هذا ابن عمج مو!
رسل:اي!
سجاد:ليش جان كامشج هيج ؟
سكتت محجيت شي .
سجاد:متحجين.
رسل:مالك دخل انتَ!
سجاد:شنو مالي دخل؟
رسل:اي مالك دخل انتَ مرايد هذا زواج واني هم .
سجاد:ها هيج لحجي،،،يعني ماادخل اخلي ياهو ليجي يتحارش بيج مو ك،،،،اني.
رسل:اني مكلت هيج.
سجاد:شوفي انتِ بذمتي الي رضيتي ولا مرضيتي وطلع بعد ماكو مفهوم لحد مااشوف موعد قريب واجيبج يمي حجي ابوج واعتذارة ميصرفلي.
رسل:سجاد مو بكيفك.
سجاد:رسل اسكتي كوة ضابط اعصابي ،،،صيحي ابوج خل اروح.
يتبع.........
اتمنى الجزء نال اعجابكم⭐️
تصويت⭐️
أنت تقرأ
كل شيء بخير
Aktuelle Literaturروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
