كل شيء بخير

الجزء٢٤:لقد شعرت بلكثير معه!

صبح فزيت فجأة بدون سبب باوعت بعدة نايم ولوقت متأخر باوعت اكو حركة يم لباب وبعدها ندكت كمت بسرعة اشوف منو طلع دانيال يكلي خل يكوم ابوية ينتظرة
رسل:ميصير يغيب
دانيال:ليش شكو؟!
رسل:بعدين احجيلك هسة شوفلي عادي ميروح ليوم
دانيال:مااعتقد يرضة لمدير يتخبل من لكسل
رسل:دشوفة بلكي يرضة كلة مريض
دانيال:هو صدك مريض
رسل:لا بس كلة فدوة على الاقل اسوي بس هذا لفضل
دانيال:ماشي راح اكلة وبعدين عود احجيلي
رسل:ماشي بس روح
راح دانيال باوعت على سجاد نايم بشكل هادئ تقربت علية غطيتة لان جان مكشف ونصيت سبلت شوية حتى من يتكشف ميبرد ورجعت تمدد بفراشي ضليت صافنا بسكف لساعات صارت بل ٩ بديت انعس واغفة غمضت عيني وجان كلشي هادئ ونمت محسيت الا على سجاد يصحيني يكلي كومي ليوم طلعة عليج اسود كومي باوعت للساعة هاي ساعة بل وحدة فزيت بسرعة ورحت طلعت من لغرفة ونتبهت على نفسي شعري متخربط رجعت ارتبة وطلعت ورديت رجعت لااغسل وجهي وسجاد واكف يضحك علية
سجاد:على كيفج شبيج
رسل:يمعود مشايفها هسة تخليني اغسل طابقين
سجاد:لتخافين ليوم عدنا خطار وملتهية جاين بيت عمي ابو شهد وابو نسرين
رسل:هم هذول شهد ونسرين موجودات؟!
سجاد:اي
رسل:اهوو والله مابية حييلهن باع انت انزل وكللهم مريضة
سجاد:شنو دنزلي هو اني لمفروض ارجع للفراش نسيتي اني مريض
رسل:هم صدك شلون بلة
سجاد:ولج شبيج خايفة امشي ننزل ومعليج
وكمش ايدي ونزلنا حسيت كلبي نكمش ونفسي نقطع وجهي صار حار فجأة من كمش ايدي سجاد ونزلنا نفس شعور الي بلمطبخ نزلنا كامش ايدي طلعت بجهي نسرين تنشف ايديها باعت على سجاد وعلية من فوك ليجوة وباعت بجهي وسلمت مهتميت الها لان بعدني متفاجأة ندار علية سجاد وبتسامتة عريضة حلوة معرفت شسوي ودخلنا للاستقبال وكعدنا نسلم واني بعدني سرحانة اباوع على سجاد كبالي كاعد
ام نسرين:يمة احجي وياج بنيتي
رسل:ها خالة
ام نسرين:يمة فدوة لكلبج بس ناوشيني هذا مناك
رسل:اي صار
ام نسرين:فدوة لكلبج
نبتهت على نفسي هاي شبية اني كمت طلعت من يمهم صار بجهي دانيال واني بعدني افكر
دانيال:ها شبيج !
رسل:ها ماكو شي رايحة اسوي جاي تريد
دانيال:لامااشرب
اديان:اوكفي رسل جاية وياج
رسل:ماشي تعاي
حضرت جاي واجيت اقدمة انطيت لكلهم وبقة سجاد عفتة منطيتة لان احس اريد اجنبة واكفة وكامشة صينينة دحطها على صفحة جان يكول عمي انطي سجاد انداريت علية ابتسم يربي هذا ديسوي وخرت نظري عنا ومشيت باتجاهة تقدمت وصلت يمة جان يكول وين لخاشوكة دشوف لخاشوكة وين باوعت بجها حسيت وجه هو ليخليني اتوتر وابتسامتة هم توترت حيييل ورتبكت مسيطرت على لصينية وكعدت كلشي علية صحت بصوت عالي يمة هاي شبية هو عافني وراح ينظف نفسة
شيماء:شبيج مدكليلي فاهية
شهد:صدك جذب رسل حركتي لولد
ام شهد:يابة هسة قدر وصار بنيتي روحي رجلج ماكو شي ،،،شوفن لبنية وجها صار اصفر خايفة على رجلها روحي ماما روحي
عفتهم وطلعت دورت علية ماكو كلي دانيال صعد فوك صعدت ورا دخلت باوعت ماكو مموجود كلت خاف بلحمام كعدت انتظرة شوية وطلع نداريت علية جان كامش لقميص ويكول مراح تطلع منا هاي لبقعة
رسل:انطينيا اني اغسلة
سجاد:عوفي خل يولي اني اغسلة
رسل:اني اعرف اغسلة انطينية
سجاد:ماشي هاج اخذي اني طالع
رسل:وين؟!
سجاد:ها!!!
رسل:قصدي لازم ضل وياي لان شهد ونسرين موجودات
سجاد:اني حارسج وانتِ تعرضيني للخطر
رسل:اسفة مجان قصدي
سجاد:ادري مجان قصدج يلة رايح هسة اجي للاسواق
رسل:ماشي
سجاد:انت ضلي نظفي بلقنيص بين مااجي
وطلع ومثل مكال كعدت انظف بلقنيص وافكر اني شبية تصرفاتي غريبة ودزيد غربة ودأذي بدال مااساعدة بعدت افكار وكملت لقميص غسلتة وشريتة ونزلت ظلو لخطار لليل يلة راحو وسجاد اجة ورد طلع ودانيال اصلاً مشفتة من غابت شمس صارت نص ليل طلعو لخطار واني بديت انظف عمي وعمتي دخلو لغرفتهم شوية ودخلو سجاد ودانيال اجاني دانيال يركض
دانيال:شوفو دلال شلون باعني ميقبل ينطيني حلاوة
سجاد:بابا انتَ افة خل انطي للبنية اول قطعة ضوكها على الاقل،،،هاج رسل
رسل:شنو هاي
سجاد:كيكة جبت ،،،،كطعيها خل ناكلها،،،،كوم دانيال صيح ابوي وامك ياكلون ويانة
اخذتها من ايدة وكعدت اكطعها ودخل وراية وكف بظهري حسيت وكفاتة غريبة وتربكني كلشي بي يربكني وتصرفاتة هم تربكني
سجاد:رسل كطعي نص وضمي بغرفتنا بسرعة
رسل:بس انتَ جبتها كلنا ناكلها
سجاد:ولج شوفيها شكبرها كصي نصها وصعديها بسرعة
واني هم صويت مثل ميريد وكصيت نصها وصعدتها ونزلت وكعدنا ناكل اكو وصعدو واني ضليت انظف كملت وصعدت وكفت يم لباب اسمع صوت حجي بلتلفون سجاد
سجاد:ماشي حياتي ،،،،،ولايهمج باجر اجيبها ماشي كلبي سلميلنا الله وياج
دخلت وهوة بعدة يحجي ضجت بداخلي بس مبينت ودخلت غيرت ملابسي وجيت انام
سجاد:تعرفين هيا ياهية
رسل:لا !
سجاد:زميلتي بلكلية ناسية ادواة رسم مالتها يمي خطية فد حبابة اول زميلة هيج احجي وياها بحياتي مماخذ ميانة وية احد
رسل:اها الله يحفظها ويديم صداقة
سجاد:شكراً يلة تصبحين على خير
رسل:وانتَ بخير
عصبت بداخلي وضجت ورجعت افكر هو ليش هيج صرف وياي ومجاي يعتبرني مرتة ضليت افكر هو من زوجنا متقرب علية ولا حجة وياي اصلاً حسيتة اخوية تأخر لوقت واني افكر وضليت لحد ماطلع صبح اني افكر كام سجاد بدل وطلع واني احس عيوني بيها ملح تحركني اريد انام ومااكدر كمت بعد مااكدر انام لازم انزل نزلت وضليت اشتغل بلبيت لحد متعبت وراسي صار يوجعني دمرني
رسل:عمة ماعندج حبوب وجع راس
شيماء:اكو بندول بس اخاف حامل ومتدرين
رسل:لاعمة مو حامل
شيماء:لعد هناك هنا اني داخلة لغرفتي ارتاح
رسل:ماشي اخذي راحتج
شربت لحبوب وكعدت بلاستقبال باوع بلحايط ومااعرف بشنو افكر حسيت بجسمي ثكل وتعب كلت بس اتمدد هنا شوة واكوم بس يهدئ راسي واخذتني نومة فزيت على صوت عمي يحجي يكول بابا كعدها خل تنام بغرفتها فتحت عيني كال هاي كامت كومي بابا كتلة ماشي عمو وعافني وطلع مددت رجلية حسيتها كسلانة جان اسمع صوت هاي شبيج كمت اشوف سجاد كاعد جواية
سجاد:اكو واحد يكعد من نوم هيج
رسل:ماادري وانت جابك يم رجلي
سجاد:جابني كلسعلة مكشفة نفسج
رسل:شنو اني مااكشف نفسي ونومتي هادئة
سجاد:اي واضح من ركلات جانبية
رسل:شنو والله ماادفر اني
سجاد:ولج كم مرة دفرين لو توكع رجلج لو ايدج واغطيهن عبالك داخلة حلبة مصارعة
كلامة خجلني عزا صدك طلعت رجلي استحيت منا حييل وكمت بسرعة صعدت فوك شوية وصعد يدك بلباب واني استحي افتحها واباوع بجها
رسل:ماافتحها اريد انام
سجاد:ولج افتحي بس اغير ملابسي واطلع
رسل:معلية والله ماافتح
سجاد:وج افتحي عندي طلعة
رسل:ماا معلية روح ماافتحها
سجاد:بلة هاي بس اني مزوج ومطرود من غرفتي

يتبع.......
اتمنى لجزء نال اعجابكم⭐️
تصويت