رسل
جان بعد يومين ويجون لعالم امي صارت تروح للسوك وتاخذني وياهة حتى تشتريلي فستان ومكياج شوية وفرحانة حييل لكن اني دنيا مسودة بجهي وكوة كامشة دموعي اجني بنات عمي وكعدن يسولفن منو هذا وشلون اجاج وكالو علية يخبر وريم لسولف بدالي كعدت بيني وبين نفسي اكول ليش دانيال هيج سوة وخلة اخو يتقدملي رحت لامي واخذت جهازها ردت احجي ويا وفعلاً رسلتلة مسج هلولكن مرد مر يوم كامل واني افكاري مشوشة احس حلم ومراضي ينتهي وفجأة اجتي ريم كالت دانيال دز رسالة.
دانيال:هلة بيج خيتي.
رسل:دشوف جاي يصير.
دانيال:اني اعتذر جداً منج .
رسل:دانيال شتعتذر بعد انتهى كلشي.
دانيال:اعتذر لان ماكو عذر يبرر الي صار ،،،،،احاول اقنع والدي يرفض لجية .
رسل:ماشي ان شاء الله خير .
سديت جهاز ورحت اباوع على سمة تنفست وخرجت لهوة باوعت على بيتنة ذكرت امير واول لقاء النا جان بمدينة الالعاب بلعيد بوقتها وكع مني فلوس واجة انطانياهن وبعدها راقبني الى ان تواصل وياي جانت ايام حلوة حييل وبعدها قاطعت افكاري ريم وهي حاطة ماسك على وجهة وتريدني احط.
ريم:هاج هاج حطي.
رسل:مااريد روحي.
ريم:هاج باجر يجون يشوفوج لعالم شوفيهم بهذا لوجه .
رسل:عساهم لااجو وخري ترة تعبانة.
الام:يمة شبيج ترة لميت مايعدل وانتِ راح ضلين هيج طول عمرج.
رسل:ماادري يوم احس دنيا ولحياة متسوة حتى نعيشها.
الام:يمة هي هاي سنة لحياة فكري بعقلج انتِ اول وتالي مزوجة مو هذا غيرة .
رسل:الله كريم يمة الله كريم.
الام:لحمدلله.
دانيال
بعد ماراسلتني رسل رحت احجي وية سجاد يقنع والدي انو ميروح لكن الافكار نعدمت صرت احسها حفرة صعب نطلع منها وبوقتها جنت كاعد احجي وية سجاد قاطعت حديثنة شهد بكلامها الاستفزازي.
دانيال:اي راح يزوج .
شهد:ها بلخير ولعافية.
سجاد:الله يعافيج ،،،خوما مقهورة!.
شهد:لاعليماً .
دانيال:سجاد ابوي راد نروح لخالي علمود شغلة.
سجاد:يلة جيب سويج .
رحت جبت سويت ورحنا لخالي حجينة وية علمود شغلت والدي ورجعنا لكينة ابوية واكف بلباب .
دانيال:ها يابة؟!
الاب:روحو زينو شحالكم صايرين.
دانيال:ليش نزين؟
الاب:شبيكم وجهكم مكلوب مو راح يخطب اخوك وانتَ سجاد مو ردتها للبنية شنو وجهك وجه لج،،،،،.
سجاد:اشكرك يابة .
الاب:دسكت وروح يلة ولي انتَ ودانيال زينو حتى وجوهكم مينباع بيها.
سمعنا من ابوية ورجنا زينة ورجعنا للبيت منمت لان ليل كلة افكر شنو موقف رسل من اخوية زوجها بلكي يصير شي وميكمل زواج ،اجتي امي صحتني وجان وقت عصر صيح دكول كوم بدل ولك اخوك راح يخطب وانتَ نايم كوم.
دانيال:اي يمة صبريلي.
الاب:شيماء وين ابنج يلة.
الام:اي اي جايين سجاد كمل .
الاب:اي وطلع قبلنا .
كمت بدلت وطلعت جان عمامي كلها ويانة وسيارات ماافتهمت زين احنا رايحين نشوف لبنية مو نقكطع مهر.
دانيال:يابة احنا رايحين نشوف لبنية مو نزوجها سجاد.
الاب:اي ،،،،،ان شاء الله يزوج حتى ازوجك ويا.
دانيال:شنو سالفة شوف سيارات ممخلي واحد بلعشيرة مجاي.
الاب:غير عمامك ولد عمامك واصدقاء سجاد فرحانين.
دانيال:والله ماادري .
الام:وليدي افرح لخوك .
دانيال:فرحان يمة فرحان .
وصلنا لبيت رسل ونزلو يهوسون ويركصون وقسم طلع سلاحة وصار يرمي وسجاد واكف بصفي مثل صنم واني نفسة لابينة نوكف هذا كلة ولا بينة نهوس وياهم.
رسل
صار ليوم الي يجون بي لعالم لبسوني فستان وردي ومكيجني لبنات امي كامت تبجي وبجيت وياها مو لان راح اعوفها عن قريب لا لان امير ماكو بلحياة .
عبير:خرب جهرتج ولج نمسح.
زينب:شمالج مادكليلي هما ليوم راح ياخذوج.
ريم:زينب شبيج على كيفج وياهة ،،،،،رسولتي حياتي اهدئي ان شاء الله خير.
دائماً ريم هي الي تهدئني بكلماتها لحنونة ورة نص ساعة سمعنا صوت هوسة وركص وطلق بلشارع حسيتهم شكد قاسيين وميرحمون ابنهم طلعت الاربعينية وهما يردحون.
ريم:ولاكأنو عدهم ولد ميت.
رسل:شلون راح اعيش وياهم.
ريم:الله كريم لتنسين دانيال وردة.
رسل:وسجاد اووف ربي .
قاطعت كلامنا امي وهي دكلي تعاي يلة اجوي لعالم نزلت اني وريم وعبير وزينب واكفين بلمطبخ ونسمعهم الاصوات عالية ومسموعة وغرفة الاستقبال قريبة على لمطبخ نسمعهم يسولفون عن سجاد ويمدحون بي وبعدها مسمعت شي بسبب بنت عمي عبير وهي تضحك على نفسها لان وكعت كيس طحين على راسها وريم وزينب اهم صارن يضحكن وبسبب ضحكهن مسمعت شي الى اني انقطع ضحك بسبب هلهولت والدتي ومرة ثانية وياهة وبعدها اجتي امي علية كالت طبي انطي كيك للعالم ارتبكت ورفضت هذا شي وعندت وامي هي الي دخلت انطت لكيك لكن من رجعت جابت مرة وياهة حلوة مبينة ٣٠-٣٢سنة عمرها صلت على محمد بجهي وكمت ايدي وهي مبتسمة.
شيماء:يمة لبنات فدواهن.
هناء:فدوة لكلبج حبيبتي هاي رسل جنتج ان شاء الله وهاي ريم بنتي صغيرة وبنات عمها عبير وزينب.
شيماء:الله يحفظجن حبيباتي.
هناء:تسلمين عيوني.
شيماء يمة تعاي دخلي عمج يشوفج.
رسل:خالة استحي.
شيماء:يمة هو بحسبت ابوج ماكو احد تعاي.
ودخلت لغرفة الاستقبال شايلة صينية لكهوة باوعت على ابو امير فرحان وعلى والدي يبتسم ويضحك وية ابو امي وسجاد مدنج راسة يباوع بلارض وبعدها باوع علية بعدت نظري عنا ورحت انطي لكهوة لابو امير ولوالدي وصلت لسجاد دنكت انطيتة لكهوة وبعدها طلعت لكن الي فاجأني هي نظرت سجاد الي حسيت عيونة بيهة ندم نظرات تحمل معني هواي وكفت افكر بنظراتة ليش هيج دخلت امي وكالت حظري روحج راح يكطعون مهر تفاجأت هاي شنو.
رسل:شنو يمة بهل سرعة.
الام:يمة العالم ابنهم ميت كالو تطلع سنة مالتة وناخذج هسة بس نكطع مهي .
رسل:زين من فكر بي .
الام:هسة انتِ شعليج روحي جهزي نفسج ،،،وليش منطيتي كهوة لعمتج والي.
رسل:رتبكت ردت بس اطلع.
الام:ديلة روحي لبسي صاية ونزلي.
صعدت لبست صاية ونزلت انتظرنا نص ساعة وصاحتني امي اجي.
يتبع......
اتمنى الجزء نال اعجابكم⭐️
اسفة على تأخير سويت لجزء هل مرة طويل😇
أنت تقرأ
كل شيء بخير
General Fictionروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
