دانيال
من خابرتني ريم حسيت بكلبي يريد يطير صرت ابتسم بدوون ماادري مثل لخبل واباوع بلوجوه كلت الاشوفها خطرت على بالي فكرة اخابر رسل وادزلها شي محتاجتة وبلكي اشوفها شلت جهازي وخابرت رسل
دانيال:الووو!
رسل:ها داينال شلونك؟!
دانيال:لحمدلله انت شلونج؟
رسل:لحمد لله
دانيال:قبل شوية جنت احجي وية سجاد هو بخير مابي شي وراح يبقة شهر هناك
رسل:صدك،،،ماشي
دانيال:اي ،،،محتاجة شي !
رسل:لاسلامتك
دانيال:متأكدة ،،،ممحتاجة مصرف شي ماكو تعب والله بلعكس مرتاح كولي لتستحين
رسل:لاتسلم عندي ممحتاجة
دانيال:خاف تحتاجين غرضاية من غرفتج احجي الله عليج
رسل:ماشي ماشي تسلم دانيال،،،رايحة امي صيحني باي
دانيال:الله وياج
ضجت شنو هاي ممحتاجة شي هسة شسوي اني بروحي ،ضليت يومين اني اريد رسل تخابر ودكول محتاجة واخيراً ليوم ثالث طلبت مني اجي اخذها تريد غراض من غرفتها ورحت شفت ريم خجلت حييل من شفتة وطبعاً بس نظرات لان هي تستحي وخاتلة ورة امها حست بنظراتي الها وصارت تخجل اكثر مني بس لحلو بكل هذا انو مرتين اشوفها مو مرة ،مر شهر ونص على غياب سجاد واخير شرف للبيت جان حييل تعبان انطانة هداية وسولفلي على ونساتة وراح نام اتصليت بيا ريم رست مسج
ريم:هلو
دانيال:هلاوات
ريم:شلونك دانيال
دانيال:لحمدلله
ريم:دوومك اكلك سجاد رجع
دانيال:اي رجع صالة ساعتين من راجع
ريم:اها ماشي
دانيال:ريم
ريم:ها !
دانيال:اريد احاجيج بموضوع عندج وقت!؟
ريم:اي تفضل
دانيال:اني معجب بيج ومن زمان
كتبت كلمات وهي حسيتها معرفت شترد لان ضلت ساكتة بعدها شافتني امي وصاحت دانيال اركض راح توكع مني لقنينة وركضت عليها اساعدها بعدها رجعت هم ماكو رد عفت وضليت افكر بس لا متحبني لو محرجة لو خجلت لو متحبني ضلت شكوك براسي
رسل
مر شهر ومص على غياب سجاد لكن عقل صار يكثر تفكير بي حسيت بلغيرة وصلت مجنونة ردت بس يرجع وبيوم رجع واني حيييل فرحانة حست علية امي وكالت خابري دانيال يجي ياخذج
رسل:لايمة هوة يجي ياخذني
هناء:وعاد صبرين انت
رسل:اي شبيج يمة
هناء:خوش مو تنسين سوين لكتلج علية من ترحين وكومي احجي ويا يلة خابري
رسل:شنووو لابلة هو يخابر من وحدة
هناء:وجعة من لله بابا غير انت تخبلتي علية فجأة وطلبتي طلاق شلون هوة يجي امشي خابري لغمة امشي
رسل:ماعندي رصيد
هناء:هاج خل جهال يجيبون
شديت رصيد جهازي وخابرتة اول مكالمة مرد ثانية در علية صوتة جان تعبان حييل
سجاد:الووو منو ؟!
رسل:هاي اني رسل
سجاد:ها رسل !
رسل:تعال اخذني
سجاد:ليش؟!
رسل:شنو ليش
سجاد:اي ليش ضلي يم امج بس ارتاح واجي اطلك
رسل:دروح روح حتى وانت تعبان متنسة
سجاد:هسة انت شتردين مني
رسل:مااريد سلامتك
سجاد:ماشي يلة باي بعد لسويلي ازعاج
سديتة منا بدون مااريد وكعدت يم امي زهكانة وضليت احجي علية واصيح
هناء:اني اكول حقة !
رسل:شوكت توكفين وياي ها شوكت ليش مااخلي سجاد ابنج واني بتهم مو احسن
هناء:دكومي لتمضرطين شويلنا جاي وكعك خل ناكل
رسل:ماسوي
هناء:طبج مرض ،،،،رييم رييم تعاي سوي جاي
لليل دك جهازي سجاد رفعتة وكتلها ها شتريد
سجاد:احجي عدل
رسل:حجي عدل انت متفتهم شسويلك
سجاد:ديلة تعاي فتحي لباب ولضوجيني
فرحت حييل بجيتة رحت اركض للباب اني ودشداشتي سوادة نثولت ثول بيها فتحت لباب وشفت طويلة حسيت روحي ردد بتسمت بتسامة حسيت بحمري ممبتسمت لدرجة ضحكت مااعرف شلون ضليت صافنة بطولة وبوجه حسيت شتاقيتلة مااحس على صوتة يكول امشي بدلي خل نروح
رسل:ها!
سجاد:هاا هااا شبيج كلة هاا
رسل:ها لا ماكو شي متسلم على امي
سجاد:لا ميصير يلة بدلي منتظرت بلسيارة بس سليميلي عليها
رسل:ماشي انتظرني مااتأخر
سجاد:يلة بسرعة
رحت سلمت على امي وبوستها وسلمت على ريم وبوستها مع لعلم احجي وياهة ولا يمي بس صافنة لبست ملابسي ونزلت شفتة واكف يم سيارة نتبه علية وكال يلة صعدت بلسيارة وحركنا سيارة
رسل:ليش تأخرت هناك
سجاد:عمل!
رسل:ها !
سجاد:اي وتعرفت على بنية ساعدتني بلشغل واصرت ابقة حتى شوفني معالم لمدينة
رسل:ها صدك شلونهن معالم لمدينة وجهة
سجاد:اخ يخبل خوب شكار فد شي كلت من اطلكج اروح ازوجها
رسل:اي خوش يعني حاط وحدة بالك
سجاد:اي والله شكو بيها مرتي ومتريدني شعندي غاصبها
رسل:خوش اني هم لكيتلي واحد شاب وحلوية واني بعدني بعز شبابي كأنما ممزوجة اصلاً
حجيت وكف سيارة على صفحة وعاط بجهي صوت خلة كلبي يدك عشرة على عشرة
سجاد:منو هذا لكلب ابن لكلب ،،،،احسابج بلبيت
حجة وحرك سيارة بكل سرعتة وصلنا للبيت نزلت مشيت بسرعة وللغرفة وسديتها علية مم لخوف رديت فتحت لمفتاح باوعت علية دخل
سجاد:منو هذا تحجين بي احجي
رسل:حجيت حجاية وهيج عصبت لعد مدكول ليش احجي كدامها على بنات
سجاد:احجي منو هذا لا اكسر لبيت على راسج
رسل:مالك دخل مو تريد طلكني
ضربني راجدي على وجهي متحملت وكعت على وجهي وبعدها محسيت بشي فزيت نايمة بلفراش ومحد يمي واحس جسمي حار وعيوني طلع حرارة ودايخة ردت اشرب مي جسمي تعبان هيج راجدي سوة بيا دخل سجاد شافني تقوب حط ايدة على وجهي وراح سوة كمادات باوعت دنيا دور بيا رجع سجاد حط لكمادات وشوبني دوة وطفة الاضوية وطلع حسيت بلنعاس ونمت حسيت علية دخل للغرفة سبح واجة نام وحط ايدة على عينة تقربت يمة وختلت روحي بجسمة وكتلة بردانة ندار علي وحضني وضل حاضني ونايم للصبح .
يتبع
اتمنى الجزء نال اعجابكم⭐️
أنت تقرأ
كل شيء بخير
General Fictionروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
