وكفت يم باب الاستقبال وامي يمي وام امير هم صاح ابوية بوية ام رسل سيد اجة .
هناء:اي ابو رسل .
سيد:هل تقبلين الزواج ب سجاد علي فاضل؟!
سكتت لثانية وامي دغتني وكلت موافقة وكرر لسؤال ثلث مرات وبعدها سجاد وهم كال موافق وانتهى لحديث وصرت زوجة سجاد شرعاً حسيت امير انتهة كلشي بيني وبينة وخنتة بعد استحي حتى اذكرة ،اجتي اختي تهلهل وتشبك بيا وام امير صارت تهلهل وطشت جكليت على راسي وبعدها راحو هما واني ظليت افكر وادعي ياربي كون كل هذا حلم.
دانيال
بعد مارجعنا طلعنا اني وسجاد رحنا للمكان الي رحنالة اني ويا من ابوية طرد سجاد كعدنا صافنين ومنعرف شنكول لو شنفكر .
سجاد:زوجتها!
دانيال:بلخير عليك.
سجاد:ياخير مدكلي.
دانيال:كلة بسببك لو هذا لسان مناطق جان هواي احسللنا اكعد لوم نفسك.
سجاد:لعد المن الوم لحايط ،،،متسكت عني ترة روحي طالعة شلون راح تعيش وياي.
دانيال:بس كلي شنو جنت تفكر من كتلة بت الزبون الي اخذ منا اخر مرة.
سجاد:ماادري ياخذها قصد وثاني يوم يروح ابوي يحجي وية اهلها.
دانيال:خرب تورطنا ورطة.
نقطع حديثنة بسبب امي تصلت بيا تريدني ارجع اجيبلها صمون للعشة رجعت اني وسجاد بعد ما لخطاطير كلهم راحو دخلت لغرفتي نمت مر اسبوع ولوضع هادئ واني بدة عطلة الامتحانات ،لظهر فزيت من نوم على صوت امي صيحني على لغدة طلعت من غرفتي اسمع ابوية يكول لامي شيماء حظري روحج لعصر نروح لبيت ابو رسل.
دانيال:ليش صاير شي؟!
علي:صاير مثلاً شبيك خوما اخوك زوج لبنية وهاهية فضت راحت،،،،،روح صيحلي سجاد مدري شبيهم ذول لولد.
رحت دصيح سجاد يجي يشوف ابوية.
دانيال:سجاد انتَ تحجي وية رسل شي؟!
سجاد:لا ليش؟!
دانيال:كوم ابوية يريدك.
سجاد:شيريد مني؟!
دانيال:يكول لعصر نروح لبيت ابو رسل.
سجاد:شنسوي مو زوجتها هاهية.
دانيال:شمدريني كوم ويلة صبو لغدة.
صار لعصر وسجاد وابوية وامي راحو لبيت رسل واني ظليت بلبيت جنت اريد ادرس.
رسل
جنت كاعدة اتفرج بلتلفون واجتي امي علية دكلي كومي كومي عيالج اجوي.
رسل:ياعيال؟!
الام:دكومي شكد ثكيلة.
رسل:يمة شبيج منو اجة؟!
الام:بيت ابو سجاد.
رسل:جابهم.
الام:هسة خطار نطردهم كومي لبسي لتحجين.
كمت لبست فستان مشجر حلوو وحطيت مكياج خفيف ونزلت احظر لجاي كمت وصاحتني امي ادخل اقدم جاي واكعد مااطلع عيب من لعالم دخلت انطيت جاي الهم كلهم واجيت تقربت اكعد يم امي وخالة ام امير شوية وكامت ام امير وامي يتفرجن على لبيت واني كعدت لوحدي بيني وبين سجادكرسي واحد هو صافن بجهاز واني استمع لكلام ابوية وابو امير باوعت للساعة صارت مغرب صارت صلات .
ابو امير:صلات صارت!
الاب:اي لحظة ،،،،،ام رسل!!
الام:نعم !.
الاب:سوي طريق دنصلي اني وابو سجاد.
الام:اي صار.
احنا عدنا غرفة ثاني الي هي ابوية يقضي وقتة كلة بيها بيها كتب دين ومصلات مالتة ومكتبة راحو يصلون هنا دخلت امي وام امير.
ام امير:يمة شبيكم مكعديكم غصب،،،،،سجاد تعال شوية هنا اكعد سولف وية مريتك شوفها شمحتاجة كلة صافن بلتلفون هذا والله تلفون اخذ عقل شباب هل ايام.
هناء:اي والله ام سجاد،،،نوب عندي هاي صغيرة دراسة متدرس كلة تلفون .
ام امير:ميصير هيج هذا ابني دانيال هم هيج اتوسل بي حتى يقرة.
هناء:اي والله شنسويلهم.
صارت يسولفن وحدهن وسجاد كعد بصفي اني جمدت بمكاني ممتعودة على هيج شي قبل وفجأة نطق سجاد شلونج؟!
رسل:لحمدلله!
سجاد:محتاجة شي؟!
رسل:لاسلامتك !
سجاد:عندج تلفون؟!
رسل:اي!
سجاد:خوش لتخافين مني ادري بيج متحبيني وماهويتني .
فاجأني بكلامة مكدرت ارد على كلامة وبعدها دخل ابو انير وكال يلة احنا نستأذن وطلعو ضليت افكر بكلامة يعني هو يدري اني احب امير ماحبة بس ليش سوة هيج واجة زوجني ،مرت فترة شهرين سجاد يجي ينطيني مصرف ويروح اني اكلة مااريد لكن هو يكول صرتي بذمتي لترفضين اخذهن منا لكن مااصرف منهن وضليت اجمع بيهن ،وبيوم اجتي امي كالت رسل خل نروح لبيت خالتج بيت خالتي قريب على بيتنا.
رسل:يمة كملت .
الام:يمة كلتي رجلج؟!
رسل:لا
الام:يمة حرام ميصير انتِ تحجين ويا؟!
رسل:لا يمة.
الام:حتى هوة محاجي وياج؟!
رسل:لا !
الام:يمة شبيكم ميصير ولا كأنو مزوجين عيب .
رسل:يمة اني اصلاً مااريدة.
الام:اش شنو هل حجي عيب ،،،يلة سدي حلكج ورايحة اجيب رقمة من ابوج خابري وكليلة راح اطلع.
رسل:يمة مااريد !
مسمعتني وراحت جابت رقمة من ابوية.
رسل:ماعندي رصيد.
الام:هاج ادري بيج راح تتحججين هذا قبل شوية دزيتة ردت ادخلة بجهازي اخذي انتِ.
دخلت رصيد وتصلت بي ميرد على الاتصال.
رسل:يمة عوفني ميرد .
الام:رجعي اتصلي اخاف ممنتبه.
رسل:يمة شبيج هسة مااريد احجي ويا.
الام:رسل لتعصبيني ورجعي تصلي.
رجعت تصلت طول لاتصال بعدها رد.
سجاد:الووو!،،،،،الوووو!!
رسل:الوو هلو سجاد!
سجاد:منو؟!
رسل:اني رسل.
سجاد:هلة رسل!
رسل:اني طالعة وية امي لبيت خالتي.
سجاد:ماشي !
رسل:راح اروح.
سجاد:اي روحي ،،،،محتاجة شي؟!
رسل:لا!!
سجاد:ماشي الله وياج.
يتبع......
اتمنى الجزء نال اعجابكم⭐️
أنت تقرأ
كل شيء بخير
General Fictionروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
