تمددت على لفراش وباوعت على سكف افكر برسل شلون اخليها شوف اخوية احنا منا للاربعين يوم يلة نروح نشوفة الله كريم منا للاربعين يوم ،طلعت للحديقة اكعد شوية شفت سجاد كاعد على لمصطبة الي بحديقتنة كعدت بصفة جريت نفس .
دانيال:اشتاقيتلة،،،،احس بروحي وحيد شكد عندي اقارب بس من دونة ماكو احد.
منطق شي سجاد طلع جكارة ورث .
دانيال:ورثلي وحدة ثانية .
ورثلي وحدة وانطانياها ،شربت جكارة وكملتها.
سجاد:من هاي جكارة راح تتعلم عليها.
دانيال:سجاد لوحدة لبكلبي فظيعة .
سجاد:حبلك وحدة وسكت.
دانيال:هو لحب يحل كلشي اني مشتاق لامير وشوقي الة وفراكة ديصير بية هيج ،احس فقدت اخ.
سجاد:بعدك صغير،،،اجبر نفسك تفتهم لحياة .
حجة كلمتا وكام سجاد ضليت شوية ودخلت نمت صبح طلعت للثانوية هم جان عندي امتحان ومجاوبت نتظرت ينتهي دوام ورجعت للبيت كبل نمت حتى مااكلت للمغرب كعدتني امي اكلت وبعدها صاحني ابوية رحتلة .
الاب:دانيال شنو هل اهمال بلدراسة؟!
دانيال:يابة مالي خلك.
الاب:صار مرتين يحجي وياي لمدير ادري ليش متقرة؟!
دانيال:ماادري مالي واهس كل مااقرة يروح بالي بعيد .
الاب:حضر روحك نروح للنجف وروح صيح اخوك هم .
الام:ابو دانيال ميصير فال فكر علينا.
الاب:ميصير شي شرايحين نسوي هو نزور،،،،،روح بابا روح صيح اخوك وحضر روحك ،،،وانتِ حضريلنا اكل ناكل هناك.
اتصلت بسجاد كلعادة ميرفعة اخذت سيارة ابوية ورحتلة لمكان شغلة كتلة ابوية يريدك يريد نروح للنجف ورفض يروح كال روحو انتو وتركولي مفتاح لبيت حجيت وية ابوية كتلة ميروح عصب وكال جيبة وتجي ومثل مكال ابوية جبت سجاد واجيت حضرنا نفسنة وتجهنا للنجف ساعة ٩:٣٦م
فرحان كأني صدك رايح اشوف اخوية احس بس اني مشتاقلة ومفتقدة احسة وية روحي.
الاب:على كيفك شبيك مستعجل.
الام:شمدريني يريد يموتنة،،،على كيفك عيني ترة مومرايدة روحي.
دانيال:سجاد اوكف يم هذا الاسواق،،،،يابة خل تدخل امي للحمام واني رايح اشتري شي الكم .
الاب:جيبلي باكيت جكاير وياك.
نزلت اشتريت الهم واشتريت كارت اريد اكنك خلص رصيدي عبيت لكارت ورحت للانستا دزيت مسج لرسل منتبهت على سجاد واكف بصفي باوع علية واخذ جكاير وراح ورث جكارة بعيد عن سيارة حتى ابوية ميشوفة رحت ورا .
دانيال:لتفهم خطأ مو حبيبتي،،،وحدة اعرفها .
سجاد:سألتك اني؟!
دانيال:اها نسيت انتَ ولا يمك ،،،،انطيني جكارة.
سجاد:روح شتري .
تركني وراح للسيارة بأثناء مجاي اروح للسيارة سمعت صوت ارسال مسج فتحتة جانت رسل .
رسل:بخير.
دانيال:اني متجه للنجف.
رسل:اويلي تمنيت اني بمكانك ،،،فدوة دانيال صليلة واقرالة لفاتحة .
دانيال:صار تدللين.
رسل:شكد مشتاقتلة هاي كاعدة اقرة قرآن وابجي يكلولي شبيج مااعرف شرد.
دانيال:الله يساعدج صعبة الله يصبرج.
رسل:تسلم يلة اكمل قرائة قرآن.
دانيال:ماشي الله وياج.
الاب:شبيك اصعد.
دانيال:ها يابة اي .
صعدت للسيارة صار طريق علينة تقريباً ستة سبع ساعات وصلنا زرنا وطلعنا رحنا لامير زرنا قريتلة لفاتحة وبجيت وصيحت يمة حسيت روحي دتطلع ابوي مبجة بكدي علية كعدت يمة شوية كتلهم روحو لبيبيتي اني ضال يمة شوية راحو لبيبتي ضليت كاعد اسولف ويا واحجيلة صار بية من بعدك حسيتة كاعد ويسمعني لحد مااجة سجاد اخذني بس اني ويا ابوية وامي ذبهم بلمطعم ياكلون ،حسيت براحة كلش كبيرة لدرجة غفيت واني ماانام من نسافر ضليت نايم لحد موصلنا للمطعم دخلت اكلت شكد عبالك مال سنين مماكل وطلعنا لبغداد تجهنة طريق كلة نايم اني وصلنا للبيت سبحت ونمت لثاني يوم كعدت حالم باخوية يكلي دير بالك على رسل،كمت غسلت وجهي واكلت وطلعت لليل يلة رجعت ،اسمع سجاد يتعارك وية امي هي صيح علية وهوة يكللها اسكتي الله يخليج ترة مجنبج من سمة للكع لدورين وياي زلة.
دانيال:شبيج يمة شكو؟!
الام:دشوف هذا شوف ابن لخايبة شنو يرادد علية.
سجاد:طاري امي ميجي على لسانج لا اكصة الج.
دانيال:سجاد شبيك شايش ادخل جوة ادخل .
الام:شفتة ممأدب ماعندة تربية.
دانيال:يمة بس اسكتي وفهميني شكو؟!
الام:ماادري شبي ابوك كلي احجي ويا خل يلحكني للشغل شو هذا ضل يصيح علية.
دانيال:ديلة اكعدي ابوية ليش محجة ويا .
الام:ميرد على اي واحد شلون يكلة.
دانيال:ماشي رايح اني اسولف ويا.
رحت لسجاد لكيتة جاي يبدل ملابسة .
دانيال:سجاد ابوية رايدك .
سجاد:فتهمت ورايحلة.
دانيال:ديلة اني هم اجي وياك اريد احجي وية ابوية بشغلة.
طلع وطلعت ويا رحنا لابوية سلم سجاد شوية شغل وكلة اريدهن منك باجر وراح سجاد .
الاب:ها دانيال شردت مني.
دانيال:مردت شي اجيت بس اكعد اشوف شتشتغلون.
الاب:ملحك على شغل ،،،شلونك بلدراسة.
دانيال:زين لحمدلله بس مااتوقع لمعدل لعالي.
الاب:دانيال شفت اخوتك شلون وصلو وهذا لخبل مهندس شكد حلو من يصيحولك محامي دكتور مهندس اعلامي ،صح لو غلط؟
دانيال:اي صح .
الاب:ماشي وليدي ادري بيك سبع وتعرف كلشي خليك كاعد هنا رايح اشوف سجاد سوة مسوة.
دانيال:ماشي.
سأفقد راحتي واطمئناني عند رحيلك ،،،
ماذا ستفقد انت؟!،،،،
اتمنى الجزء نال اعجابكم⭐️
يتبع.......
أنت تقرأ
كل شيء بخير
General Fictionروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
