رسل
كانت لحظة جميلة نصدمت منها معرفت شأكول واني اصلاً ممتأكدة من حبي الة كلبي صار يدك الف مرة بلثانية
رسل:ها!!
سجاد:هاا،،،،شبيج كومي طفي الاضوية خل نام تعبان
صاحني من حلمي بخيبة وكمت بعصبية طفيت الاضوية واجيت انام اسمعة يضحك حييل نقهرت ونزلت فرشت فراش ونمت ،فزيت صبح هو نايم بعدة حضرت نفسي ونزلت شفت شيماء هستوها كاعدة ابتسمت بجهة وكتلها صباح لخير
شيماء:صباح نور ليوم من وكت
رسل:ماادري فزيت من نومي هيج ساعة وكلت خل اسوي ريوك قبل عمتي
شيماء:كاشي دروحي حظري ريوك بين ماكعد همج
رسل:ماشي
حضرت ريوك وكملت اجة عمي ودانيال وكالتلي شبماء اصعد اكعد سجاد صعدت شفتة نايم بعمق صحت علية مرد اجيت هزيت وجهة عبالك مثل لميت رحت جبت مي واجيت اتقربت دذبة علية وصحة
سجاد:اكلج يعني شلون بيج اني واحد يريد يغلس وميكعد
رسل:ليش تغلس مو عندك شغل
سجاد:ولي مني وبعد اذا شفتج جيبين مي اغسلج بتيزاب لخبيثة
رسل:شعلية اني هاي فوكاهة فوك مااكول خطية يتأخر
سجاد:وليش مدكولين خطية نايم
رسل:غير عندك شغل
سجاد:ولبارحة
رسل:هاا!!
سجاد:وجعا راح تموتيني انت عن قريب روحي ولي كليلة تعبان مريض اي شي مابية حييل اروح
رسل:كوم لتتكاسل
سجاد:رسل روحي لتعصبيني
رسل:ماشي ماشي،،،،،اهوو ليوم يمي
سجاد:اي وفوك راسج هم
نزلت وحاجيت عمو كال هو اصلاً ممحتاجة خل ياخذ ستراحة ،تريكو وكملو وطلعو وبديت انظف لبيت للعصر دخلو دانيال بعدة متيه كلشي وابو اول مااجة يفتر فوك راسي على طيورة خبلني عندة طيور مدري كناريات بلبيت
شيماء:ابو دانيال ليوم خل نطلع ضايجة
علي:الله كريم
شيماء:يعني احضر نفسي
علي:اي وخلي دانيال هم يجي ويانة بابا رسل تجين !؟
رسل:لا عمو سجاد ليوم تعبان مااريد اعوفة وحدة
علي:ماشي محتاجة شي
رسل:سلامتك
كعدو ساعة وطلعو بعدها اما سجاد فمن صبح كاعد بلغرفة واصعد الاكل الة خبلني حسسني لفلبينية مالتة ،فرغ لبيت صار هدوئ كلت استغل لفرصة واحضر جاي وشوية بسكت ،كملت تحضيرهم وكعدت بلحديقة اكل مااحس الا وسجاد يسحب ستكان جاي ويشربة
سجاد:اه يخبل طعمة
رسل:سم
سجاد:عليمن
رسل:ها ذيج زرعة اسمها زهرة لسمسم
سجاد:ليش تكذبين
رسل:اسفة
سجاد:وين راحو كلهم
رسل:طلعو يتونسون واني ظليت وحدي دونس روحي وهذا لكائن لغريب خرب ونسدي
سجاد:ياهو لكائن لغريب
رسل:مشايفة شنو؟!باوع بلمراية وشوفة
سجاد:ههه مضحك
رسل:ولتضحك وهسة رجعلي جاي خل اكمل ونستي
سجاد:كومي جيبي ستكان جديد
رسل:ما ما هذا مالي
سجاد:دكومي زعطوطة
وكومني كوة صبيت ستكان جاي الي هم وكعدت اني ويا ناكل هو يصفح على لفيس واني صافنة بلسمة منتبهت على نفسي وباوعت بلجهاز غرفة دردشة ومكتوب نسرين منتبهت على لكلام بس تخبلت
رسل:منو هاي
سحاد:ياهية
رسل:ياهية هاي لسعلوة ليش تحجي وياهة
سجاد:شعليج لتدخلين
رسل:وليش ماادخل احجي شتحجي وياك
سجاد:لتدخلين بابا
رسل:ليش ماادخل اني مو مرتك لو مو مرتك
سجاد:مرتي بس كدام ناس وهسة وخري اريد ادخل اشرب مي
دخل للبيت وركضت ورا صرت كدامة ردت بس اعرف شحجو
سجاد:ها!
رسل:شحجيتو انت ونسرين
سجاد:كم مرة اكلج لتدخلين
رسل:الي لخق ادخل ماشي
سجاد:بصفتج منو
رسل:بصفتي مرتك وهسة نطيتي هذا جهاز
سجاد:ماانطي اريد اشوف شسوين
رسل:سجاد انطيني جهاز راح اتخبل
سجاد:من يمتة صايرة هيج تغارين
رسل:اني مااغار
سجاد:لعد شسمين هذا
رسل:ماسمي شي وعوف ماريدة اني اعرف شلون الكفها لنسرين
سجاد:شسوين سوي معلية اذا كتلتج
عفتة وصعت للغرفة روحي طافرة بس افتر بمكاني وصلني مسج من ريم سلم علية سلمت عليها وسولفت شوية وياهة جبنة طاري لحب واعرف برين مضم علية فسولفتلي كلشي وكتلها حياتج هاي بس اذا صدك يحبج خل يخطبج مريد سوالف لمراهقين مال هاي الايام وهي وافقت هدئت شوية وتمددت على لفراش شوية وغفيت حسيت على لهدوئ الي بلغرفة وسجاد نايم بسابع نومة باوعت ساعة ٣:٥٦دقيقة معقولة نمت كل هذا لوقت كمت جهزت نفسي للصلاة وصليت وكملت باوعت تلفون سجاد على شحن اجيت دفتحة بي رمز هاي شلون افتحة حسيت علية يتحرك ندار علية شاف جهاز بيدي ضحك ونطاني رمز ورجع نام اني ضحكت هذا خاف نايم ستغليت لفرصة وفتحتة كلشي مابي فارغ رجعت نمت وافكر شحجو سوة لحد مغفيت فزيت على حركت سجاد هو ويطلع من لغرفة للشغل طلع وكلعادة تنظيف
دانيال
مشت ايام واني ياصافن يا افكر ياابتسم من وحدي وكل هذا اختفة بمسج من ريم طرت من لفرح لان دزتلي مسج صارت سولف وياي وفتهمت منها هي هم تخبني بس لازم اخطبخا واذا مخطبتها فمستحيل تحجي وياي ثاني مرة يعني سالفة جديد راح مو بس صفني درخني هم واني هسة يلة اول كلية كعدت افكر بيها شلون احلها انتبهت على اديان من تجينة ملامحها حزينة كلت خاف واكعة بمشكلة
دانيال:بيج شي اديان
اديان:لا ماكو شي ،،شلونك وية لحب
دانيال:ههه دايخ بزماني
اديان :الله يساعدك يلة اني اروح
دانيال:ماشي اخذي راحتج
اجتي نسرين يمي وكالت انت متفهم لو تغلس
دانيال:ليش شكو
نسرين:تحبك هية
دانيال:منية
نسرين:منية يعني اديان والله مااعرف شنو من حب هذا
دانيال:صدك تحجين
نسرين:اي لعد كذب من عرفت لحد هسك هي تاخذلها صفنات وبعدين تبجي وترد ترجع من جديد
دانيال:لا بربج زين اني شمدريني هسة شسوي
نسوين:والله مااعرف بلكي تتخطاها اختي مقهورة عليها حييل ردت اذبحك واشرب من دمك
دانيال:وخري بلة خل اروح اسولف وياها
يتبع.....
اتمنى الجزء نال اعجابكم ⭐️
تصويت
أنت تقرأ
كل شيء بخير
General Fictionروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
