رسل
كملت لفاتحة مال ابوية بس اني ماهلي اعوفهم اهلي وبيتنا شتاقيتلهم ضليت يمهم لحد سابع سوينة ثواب وبجينة ولطمنا لحد مخلصنة كعدو عمامي يسولفون نسوان ثنين وحدهن بيت شكبرة ميصير تناقشو بس امي جانت رايد وحدها ضل حتى اذا زوجت ريم ظل بيت ابوية ريحتة بي تفقو ضل بلبيت وعمامي قريبين علينا عينهم علينا صار دنيا ليل سجاد واهلة رادو بروحون
هناء:يمة كومي روحي وية رجلج
رسل:يمةاريد ابقة يمكم مشتاقتلكم
هناء:يمة حتة لو هذا رجلج يجوز يريد منج شغلة سالفة كومي روحي يابنيتي واني اجيج
رسل:يمة مااريد اروح
هناء:دكومي يابنيتي صالة سبوع الا يفتر ويانة كومي روحي شوفي شمحتاج ممحتاج خومة هاي لمرة تساعدة هم دكول عندة مرة ليش متساعدة
فكرت بيها هم صدك هاي شيماء مسمومة جانت زينة صارت مو زينة كتلها ميخالف يمة كمت بدلت وشلت ملابسي ورحت ويا وصلت للبيت حسيت راحتي صارت بي بغرفتي بيت اهلي مكدرت انام بس كم ساعة ذبيت نفسي مكعدت غير ثاني فزيت على صوت سجاد يكعدني اكوم اكل
سجاد:رسل شنو سالفة هسة شيماء تلعب بيج جولة
رسل:تعبانة عوفني
سجاد:صعدت شيماء
هو كال هيج واني فزيت كمت على حيلي وهوة يضحك علية عصبت منا وضربتة على جتفة كتلة كذاب نتبه وصاح بصوت بجهي خنسني وعافني وطلع هسة هو مو ديشاقة وياي شبي هذا مهتميت عفتة ونزلت وصدك جانو صابين الاكل
الاب:سجاد حضر روحك تسافر
سجاد:وين ؟!
الاب:شغل وين يعني مراح اروح وياك تعبان اني
سجاد:وين لمكان
الاب:حولنا معاميلنا لتركيا بعد كلة نسافر لهناك
سجاد:ماشي اخذ دانيال وياي
الاب:لا عوفة اريدة يمي
سجاد:ماشي
سمعتهم ضجت شوية بداخلي حسيت ضيق صار عندي كمت نظفت لمطبخ بس بعدني مقهورة اني مااهتم لوحتة بس ليش ضايجة مااعرف صعدت للغرفة جان مموجود تأخر لليل كلش دخل للغرفة دخل سبح وطلع تمدد ضليت الوب اويد اسوي مشكلة كمت وكفت فوك راسة
سجاد:هاا
رسل:شبيك وياي
سجاد:شبية مابية شي
رسل:انتَ ترة شاقيت وياي بلبداية
سجاد:اي هسة كصيت راسج
رسل:لا بس عيطت علية
سجاد:حتى متعيديها مرة ثانية راجدي يسطرج
رسل:وليش بلة فصلية
سجاد:لفصلية احسن لفصلية مرة ومن مرة شمسوية انت تاكلين وتنامين
رسل:اي وامك لشالعة كلبي
سجاد:اني شعلية بامي
رسل:وذا هي ترة متعبتني
سجاد:وانتِ ممتعبتيني
رسل:شمسويتلك كلشي ممسويتلك بلعكس فايدتك
سجاد:ابسط مثال عودتيني على لكع وادور على لغطة يومية
رسل:شعلية متنام على جرباية
سجاد:خوش يعني انام
رسل:اي نام واني بلكع انام
سجاد:وج بابا انتِ مزوجتني لو ماخذتني كفر
رسل:تنام بصفي
سجاد:ولي رسل خل انام
رسل:شنو وين راح سافر
سجاد:شعليج
رسل:لاعلية
سجاد:شلون عليج
دنجت علية واحجي وآشر بأيدي ودحاسبة جان يكمش ايدي خطف ومددني يمة وحبسني حسيت كلبي نكمش نصدمت حييل وجهي صار حار بعدتة وكمت على حيلي ونمت بسرعة وهوة يضحك بينا وبين نفسة لحظة كلش صادمة ضليت نايمة مثل لمخروعة للصبح كعدت باوعت علية ديحضر نفسة يطلع للشغل ضليت نايمة محسستة هو طلع ورة كم دقيقة نزلت باوعت لعمة تصفح فيس كمت نظفت ورتبت وكعدت اطلع شغل ضوجة صار لغدة حظرتة وظليت التهي لحد مأجة سجاد وابو اني سمعت اجوي بس اريد ابتعد مااريد اشوفة ضليت اتختل وهوة لاحظ شلون اتختل ضليت لليل هو مشايف وجهي يلمحني من بعيد كملت وصعدت فوك مردت اشوفة دخلت لغرفة باوعت وراية مشفت احد مااحس الا احد سحبني ودخلني للغرفة ولزكني بلحايط باوعت سجاد نخنست
سجاد:ليش تتختلين
رسل:هاا
قرب راسة يم ايذاني وهمس
سجاد:اني اتوسل ببوي توسل حتى اشوفج من وكت تجين تتختلين مني
بتسمت بداخلي بعدتة من يمي ورحت وعطت ماريد اشوفك اني بتكبر
سجاد:ها خوش رايح تردين شي يمكن شهر وارجع
رسل:مشكلتك هاي بس وديني يم اهلي
سجاد:ماكو خل امج ترتاح مصار يومين من رحتي
رسل:اصلاً امي تكيف علية
سجاد:مومشكلة باجر اوديج
رسل:انتظرك مو تكذب علية
سجاد:اني اكذب افا عليج
رسل:خل نشوف
سجاد:ليوم بلكع تنامين يوماً لكم ويوماً عليكم
رسل:معلية مانام بلكع
سجاد:خوش اني هم مانام بلكع
وعند وياي الاينام على جرباية فرشت فراش بلكع ونمت هو نام بسرعة على جرباية ضليت مكدرت انام واني منايمة هم بليل تعبت حسيت روحي مااكدر لازم انام ومااكدر محسيت براحة باوعت شفتة نايمة كلت خل انام عكس هو ميحس على احد كمت تمددت يمة حسيت براحة نمت بسرعة فزيت صبح على حركتة بعدني ممفتحة عيني باوعت علية ياباوع علية ومبتسم ضحكت وغطيت راسي وصاح كتلج نامي على جرباية بس انت عنودية وعافني وطلع
يتبع.......
اتمنى الجزء نال اعجابكم ⭐️
أنت تقرأ
كل شيء بخير
General Fictionروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
