دانيال
مرت ايام هواي على وجود رسل يمنة واشوف تعامل امي وياهة بس اكول نسوان بينهن يتعاركن ويصالحن وبنفس لوقت دشوف سجاد مجاي يسكت بيوم رجعت اني من لونسة بليل دخلت شفت ابوية كاعد وحدة بلاستقبال رحت يمة شوية ودخل سجاد للبيت وصاحة ابوية كلت راح تعلك بينهم
سجاد:هايابة
الاب:متوقعتها منك انتَ بذات شكد جنت تتمنة هذا شي
دانيال:يابة امي متدري بيها متخربطة وسجاد مسوة شي
الاب:اي غير حقها تتخربط
دانيال:شبيك يابة
الاب:وليدي بلخير وبلبركة يتربة بعزك
تفاجأت هذا شيحجي ابوية وسجاد ضل واكف صافن بجها
الاب:شبيك متحجي
سجاد:منو يتربة بعزي؟!
الاب:ابنك يلثول
سجاد:مين يحسرة مماكلة وهابط ضغط هههههه
الاب:لعد هاي مو شيماء دكول ،،،شيماء شيماء تعاي
شيماء:ها عيني
الاب:شايفتني صغير كبالج تقشمرين علية لبنية ضغطها هابط
شيماء:شمدريني تخربطت عبالي حامل
رسل
صار ليل صاحتني شيماء اسويلهم اكل لسجاد ودانيال راح يجون وكعدت احضر لعشة قبل ميجهز بشوية دخلو ثنينهم وكعد يم ابوهم شوية وحسيت احد وياية بلمطبخ كلت هاي عمتي استمريت اطبخ ومااحس على اكو وراية احد جمدت لان عمتي متوكف هيج بعدها جفلني صوت سجاد وهوة يكول سويتيلنا اكل مدرت نفسي الا لان حسيتة كلش قريب اول مرة احس بهذا شعور
رسل:كليت بتيتة وطماطة وبيتنجان
سجاد:ماشي من تخلصين كليلي
درت نفسي بسرعة باوعت طلع من لمطبخ شبية اني وحسيتة قريب كلش كملت الاكل وطلعتة الاهم ياكلون
سجاد:تعاي اكلي
رسل:لابلعافية
سجاد:تعاي اكلي لتتخربطين ويكلولي توم تعاي ياعيني
رسل:شنو!
دانيال:صدك رسل تعاي اكلي ويانة شبيج مسطكة
وكعدت وياهم اكل اكثر ثنين احس براحة وياهم بهذا بيت كملو اكل واني كعدت اغسل لماعين دخل دانيال كعدت يحضر بلفحم!
رسل:دسوي
دانيال:نشرب نركيلة باعي من تخلصين تعاي يمنا شعندج وحدج بلغرفة
رسل:مو انتو شربون نركيلة
دانيال:وذا يمعودة نكعد نسولف ونلعب دومنة ضوجة
رسل:ماشي
دانيال:يلة مو تتأخرين
طلعت وياهم بلحديقة صدك لكعدة حلوة وضحك ولعب واني كلساع اكمز بسبب لحشرات وسجاد يكلي فضحتينة راح يطلع ابوية يطردنا
رسل:شسوي غير اخاف
دانيال:هسة دعوفها هنا نسوان كلهن يخافن
سجاد:بس شهد متخاف خرب تتلاوة ويانة ملاوة تحسها كرندايزر
دانيال:اي خرب تذكر من دخل هذا سلبوح وهي كتلتة
رسل:عزا هاي مو بشر
دانيال:اي والله ولج ماكو هيج بوقتها دكلة سجاد اركض ورة ومتدري سجاد يخاف هههههه
رسل:صدك هههههه
سجاد:كن زمان
دانيال:اي كن زمان
رسل:صدك شنودكول تؤم!
سجاد:انتِ شكايلة لبوية
رسل:مكايلة شي
سجاد:غير يكول مرتك حامل
رسل:ياا
سجاد:يااا ،،،، خرب حظي
رسل:وهسة
سجاد:لا كتلة موحامل مرتي
رسل:لحمدلله
سجاد:كلة من ورة امك اخ الله
دانيال:دعوفها يمعود
رسل:صدك سؤال؟!
سجاد-دانيال:جواب؟!
رسل:ليش تصيح لعمتي لو ام دانيال لو شيماء وليش مترد على اول مكالمة لازم ثانية
سجاد:صار سؤالين ؟،،،،شلج بهلدوخة
دانيال:اني احجيلج
رسل:اي
دانيال:شوفي اني وامير وسجاد من اب واحد يعني امهاتنا مختلفة
رسل:اي
سجاد:شكد تحب لسوالف
دانيال:اسكت خل اكمل،،،،،اي ام امير صير بت عم ابوي مثل مخصب ابوية امير على شهد نفس شي صار هذا حسب كلام امي
رسل:اي
دانيال:فمن ولدت امير ماتت لان جانت مريضة بقلب ونص يكولون من قهر ابوك لان جان ميريدها ويصادق عليها فلطفل بعدة صغير منو يربي ازوج ابوية ام سجاد والله شاهد يكلك لمرة خوش ادمية ربت امير كبرتة واجة هذا لمسعد للدنية وعمر امير مو كلش كبير هو اكبر منا باخمس سنوات يمكن لمهم ام سجاد هم ماتت تعرضت لحادث وماتت وابوية زوج امي يلكل حبيبتة جانت ولحب الاول طلكت من رجلها مدري هوة طلكها لمهم وزوجت ابوية وعندي اخوة من امي وخوات بس مشوفهم ولا يشوفوها بس عدها اني الاول بلكل .
رسل:ها الله يحفظها ،،،بس ليش مترد على اول مكالمة
دانيال:من توفت امة تصلو بي اول مكالمة شالة وكلولة امك ماتت ونفس شي وية بيبتي ام ابوية ومرة تعرض ابوية لحدث لهذا كام ميرد على اول مكالمة يعتبرها فال مو زين
رسل:بس هو قضاء وقد
دانيال:شمدريني
رسل:بس خطية امير شنو رأيكم باجر نسويلك ثواب
دانيال:اي ليش لا حلوة لفكرة
سجاد:حتى تجي شهد وترست يمي معولت افرح لان بعد متجي
رسل:اتحملها عادي
سجاد:والله تكتلج هل مرة
رسل:على شنو تكتلني بعدين دانيال هنا وانت فجأة تدخل ان شاء الله ماكو شي
دانيال:اي سجاد خطية صاللنا هواي ممطلعين ثواب
سجاد:قنعتني
حجة لكلمة وكام دانيال خرب من ضحك واني اضحك على ضحكتة وكضيناها سوالف وشقة
سجاد:تعبت رايح انام
دانيال:اني هم تعبان
رسل:لعد شعندي ضالة
ومشينة للسرير نام ونرتاح لان حيييل تعبنة باوعت ميصير سجاد ينام بلكع واني على جرباية مع لعلم غرفتة هاي استحيت احجي ويا ونمنة فزيت لفجر على صوت الاذان كمت توضيت وصليت لان اذكر امي كالت اذا فزيتي على صوت الاذان كومي صلي لان لملائكة صحتج حتى ذكرين ربج وكمت صليت باوعت سجاد متكشف ونايم على لكاشي عايف دوشك ضحكت علية لان متوقعت هيج يتحرك واني افز لو الكا طالع لو كايم مبدل شلت سجادة وتقوبت علية اصحي صحتة سجاد كوم سجاد مرد حطيت ايدي على صدرة من دون قصد وعتيتة اكعد فز باوع على ايدي
سجاد:دسوين
نتبهت على نفسي وسحبت ايدي بسرعة
رسل:ها ماكو شي
سجاد:ليش كعدتيني
نربط لساني اكلة كوم نام على جرباية هسة يكو ل هاي شتريد مني
سجاد:شبيج احجي
رسل:لا هيج
سجاد:شنو هيج
باوعت علية واحد جسمي صار حار من لقلق وتوتر ومدري شلون طلعت من لساني كلمة حلم مرعب
سجاد:ها وهيج خايفة منا
رسل:ها!!
سجاد:اوكفي
وكام شغل لاضوية ويكلي كلشي ماكو كومي صلي على محمد ونامي اني كاعد ماكو شي ،صفنت هسة اني سويت بدال مااريحة من نومت لكاع راح اخلي يحرسني
سجاد:يلة كومي لتخافين اني هنا ها يلة اباوع عليج يلة كومي
رسل:ماشي
وكمت نمت وخطية ضل مراقبني لحد محسستة اني نمت ورجع نام بمكانة خلف الله علية دريحة تعبتة بزايد.
يتبع......
اتمنى الجزء نال اعجابكم⭐️
تصويت 💫
أنت تقرأ
كل شيء بخير
פרוזהروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
