قربت الاربعينية مال اخوية وتفكير ولهم كاتلني شلون اخلي رسل زورة فكرت ليش مااكول لرسل تقنع اهلها بيوم لروح بي للنجف يرحون هما هم .
دانيال:سجاد وين رايحين؟!
سجاد:شكد تلح هسة اسكت ومن نوصل تعرف.
رسلت مسج لرسل كتلها خلي اهلج يجون يوج الاربعاء للنجف اقنعيهم واني راح اخليج تشوفين امير ردت علية دكول صعبة اقنع والدي بس راح احاول وصلنا للمكان وجان بيت رسل .
دانيال:شو هواي تجيهم؟!
سجاد:غير كلساع يخابرني يريد فلان تخم لو يغير رأية تعبني.
دانيال:زين واني شعلية؟!
سجاد:هذا ابو رسل مااطيقة اخاف اتعارك ويا فاانتَ عندك طاقة تحمل مو مثلي.
دانيال:خوش عذر؟!
سجاد:غصباً عليك وهسة انزل وشوف سيارة لوراية لا اضربها.
نزلت وعدلنا سيارة ودكينة لباب ودخلنا سلمنا على رجال وتفق هو وسجاد سجاد راد يشوف طابق لفوك جان ماكو احد بلبيت صعدنا شفنة طابق لفوك واقترحنالة تصاميم يشوفهن خلصنا وطلعنا شفت رسل وامها واختها جايين من بعيد صعدنا سيارة اني وسجاد.
سجاد:بس حلوة.
دانيال:شنو!
سجاد:لبنيات حلوات.
دانيال:اسكت وحرك سيارة لا اصيح هسة لابوهن اكلة هذا يكول على بناتك حلوات.
سجاد:اسكت يلة سكت هسة شكلت.
دانيال:لامكلت شي ،،،،اريد اكل صاج لبديع.
سجاد:تعلمت شنو.
دانيال:هسة شرايدين منك هو لفة صاج بلفين.
سجاد:الفين خوش هسة اوديك .
دانيال:لاعليك الله من لبديع شبيك هسة انت مو اخوية.
وكلعادة سجاد ميسوي شي اذا ميذلني بي هم وداني وكلني واخذني للمحل وخلاني لليل رجعنا للبيت وجان يوم احد بعد ثلث ايام نروح للنجف بيوم الثلاثاء رسلتلي رسل مسج مكتوب قنعت امي وابوية يوم الاربعاء احنا بلنجف جنت كاعد بغرفتي ادرس سمعت صوت سجاد يصيح طلعت ركض من لغرفة.
سجاد:ماازوج ماريد جانت على امير صارت علية.
الاب:بنت عمك مخطوبة لاخوك واخوك مات وين تروح هي.
سجاد:اكلك شنو ابوها ذابها لوماكو زلم بس احنا.
الاب:غير بنت عمك شلون تحجي انتَ.
سجاد:يابة من الاخير شهد ماازوجها لو مدري منو يجي .
الاب:خوش اني اعلمك.
سجاد:شسوي تطردني .
دانيال:صلو على محمد شبيكم يابة هو مو غصب يعني ميريدها حتى امير جان ميريدها .
الاب:دانيال بنت عمكم هاي حكها عليكم شنو منريدها.
دانيال:شسالفة يابة وذا حكها علينا تروح شوف حياتها وية زلمة يريدها ترة اذا انطيتوها لواحد ميريدها يسود عيشتها ليش سوون هيج،،،،سجاد روح نام بغرفتك وبعدين نحلها.
بأثناء لحجي ندكت لباب طلعت اشوف منو طلع عمي ابو شهد دخل للبيت وكعد يسولف هو وابوية للمغرب وطلع وسجاد معصب لان اكيد ديسولفلة على زواج بتة ،شنو هاي لبنية لزكة .
دانيال:ادري شلون عايشة هاي لبنية.
سجاد:الله يساعد امير شلون جان متحملها ومتحمل ابوية.
دانيال:الله كريم،،،بس لاتاخذها يمعود ترة فكر وشكلها زوعة جنها جبار.
سجاد:جبار احلى.
دنسولف برة لبيت كاعدين وندكت لباب رحت افتحها جانت شهد وامها سلمت على امها ودخلت امها.
شهد:شبيك متعرف سلم؟!
دانيال:عذريني اسلم على لحلوات بس وجهج جنة جوب حتى نفس مابي.
شهد:خلصت ،،،شايف روحك انتَ حتى تعيب علية؟!
سجاد:شبي احسن من لعبدة لواكفة كبالي.
اني بهذي لحظة متت من ضحك حطم وجها كلة وهي باعت صفح على سجاد ودخلت للبيت معصبة ،هنا سجاد كلي امشي خل نطلع مالي خلكهم وطلعنا تونسنة بلمولات ولمطاعم ورحنا للكهوة صدك سجاد يونس خابرتني امي واني بلكهوة .
الام:الووو وينك ؟!
دانيال:بلكهوة.
الام:ادري باجر على وجه سفر ولازم نحظر سيارات وينكم انتَ وسجاد.
دانيال:سجاد وياي !.
الام:دمشي تعال ابوك فاير فورة عليكم يريد واحد منكم يساعدة.
دانيال:يلة جايين.
سجاد:شكو؟!
دانيال:مو باجر لازم نروح للنجف ،،،،ابوية وحدة جاي يحظر.
سجاد:دمشي خل نروح.
رحنا للبيت لكينة ابوية واكف بلباب ينتظرنا.
الاب:وين جنتو.
دانيال:بلكهوة.
الاب:متعرفون عدنا طلعة!
دانيال:نسينة منتبهنة على لوقت.
ددخل شوف امك شتريد،،،وانتَ سجاد ناقصنة سيارة شوفلنا سيارة.
دخلت لبيت جان مليان نسوان بنات عمي وبنات خالاتي والاستقبال بي نسوان كبار وامي تركض بينهن.
دانيال:ها يمة شمحتاجة.
الام:روح اخذ سيارة ابوك خالتك ام امير محد مجاي يروح يجيبها.
دانيال:ماشي رايح.
الام:اوكف خلي سجاد يجبيها.
دانيال:ماشي يمة ،،،محتاجة شي بعد؟!
الام:لا بس تعال ودي هاي صينية لجاي للولد برة!
دانيال:صار!
رحت وديت الصينية الهم واكل جانو ولد عمي هواي كلساع يردون اكل لحد مصار وقت حتى نروح ذكرت رسل ردت اشوفة سوت مسوت رسلتلها مسج جانت ممتصلة بلنت ردت اتصل بيها بس ماعندي رقمها جنت واكف اباوع على سيارات شوكت نسوان يصعدن .
سجاد:شبيك ؟!
دانيال:ها لا ماكو شي.
سجاد:متصعد.
دانيال:انتظرهن يصعدن ابوية كال انتَ وسجاد ضلو بسيارة نسوان .
سجاد:شنو لابربك راح يكضنها لو حجي لوبجي.
دانيال:هسة شتريد منهن.
سجاد:مااصعد انتَ اصعد.
دانيال:لااصعد وياي وحدي شسوي وحدي.
سجاد:مشكلتك هاي.
دانيال:سجاد بروح امك.
ماهدى
قلبي قليلاً من نطق اسمك❣️✨
اتمنى جزء عجبكم 🤍
يتبع.......
أنت تقرأ
كل شيء بخير
General Fictionروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
