رسل
بليل جنت افكر هواي بي وخطر على بالي سؤال نفسة الي شلتة من بالي هو ليش متقرب علية ولا حاول اصلاً وهوة تقبل فكرت نكون مثل لغربة من دون مااكلة ،كلت لنفسي خل اسئل دانيال اكيد يعرف شفتة كاعد بلحديقة رحتلة
دانيال:هلة رسل تعاي كعدي
رسل:دانيال عندي سؤال
دانيال :جواب
رسل:سجاد يعرف انو اني جنت حبيبت أمير ؟!
دانيال:اي!ليش
رسل:شوكت عرف
دانيال:من ليوم الي صار ابوج زبونة،،،،ليش اكو شي
رسل:لا ماكو شي
من سمعت جواب حسيت بصدمة حييل صجت من سجاد ليش هيج سوة شنو يكره امير وهيج سوة ضليت بحالت صدمة صعدت للغرفة وصدف هو كاعد يتفرج
سجاد:شبيج وجهج مخطوف
رسل:مابية شي
سجاد:لابيج شي
رسل:مابية لتلح تعبانة اريد انام
سجاد:احجي عدل من احجي وياج
رسل:هذا حجية يعجبك يعجبك ميعجبك طلكني وفظ شغلة
سجاد:شسامعة ليوم
رسل:مسامعة شي
سجاد:باجر اوديج لمج بس يطلع صبح
رسل:يكون افضل مااتحمل لحد متنقلع
سجاد:انقلع!،،،،تخلصين مني لتخافين بس مو هسة خل يمر ست اشهر وتخلصين لمحكة مطلك الاست اشهر
رسل:طلاك سيد وفض شغلة
سجاد:خوش حليتيها بس خل ارجع والله كريم
وعافني وطلع ضليت بلغرفة لحد مطلع صبح وهوة مشفت شكلة ثاني يوم ندكت علية لباب صبح فتحتها دانيال
دانيال:شكو صاير
رسل:ماكوشي
دانيال:لعد شبي سجاد يكلي خل جهز نفسها اوديها لهلهة
رسل:لا ماكو شي هسة اجهز نفسي
دانيال:ماشي ينتظرج جوة
لبست ملابسي وجهزت نفسي ونزلت حتى مباوع بجهي ركبت سيارة ذبني يم لبيت طلعت امي سلم عليها
سجاد:شلونج عمة الله يساعدج
هناء:هلة يمة شلونك
سجاد:لحمدلله ،،،عمة اني مسافر هاج هاي مصرف رسل يلة اتوكل اني
هناء:الله وياك عمة تعود بلسلامة
راح واني طبيت للبيت اني وامي وكمشتني امي
هناء:شكو صاير
رسل:ماكو شي يمة امشي ندخل مماكلة ترة من صبح لهسة
هناء:رسل اذا صاير شي كليلي
رسل:لايمة مصاير شي امشينة
كعدت يم اهلي مر سبوع واني يم اهلي افكر بي شديسوي سافر رجع ضريت كاعدة وافكر اجتي امي علية شافتني صافنة صيح علية مااسمعها
هناء:رسيلة هاي هاي شبيها ،،،الووو
رسل:ها يمة
هناء:شبيج وين صافنة
رسل:ها ماكو شي
هناء:انت ضلي ماكو شي وماكو شي وتاليها كلشي اكو ،،،،دكومي وياي كومي
رسل:وين روح
هناء:اخذلج خيرة
رسل:يمة بعدج على هاي سالفة
هناء:دكومي هسة
كمنا رحنا لام لخيرة كلش مرة حبابة وجهة بشوش يعني لطيف ظلت امي كاعدة وتسولف واني بالي يم سجاد مااعرف عقلي شيريد مرة يريد يشوفة مشتاقلة ومرة يكول كذب علية وخدعني ومرة يكول يلة اي شي تكرهة هو زين الك مااحس الا وام لخيرة تحجي وياي
ام لخيرة:كليبج يهوى يحليوة
رسل:ها!!
ام لخيرة:تعاي هنا خل اشوفلج
هناء:اي فدوة لكلبج دوختني من اجتي لحد هسة
ام لخيرة:خية بنيتج تايهة بين ثنين بس يمة بنيتي مايفيدج الاول سعادتج يم ثاني وربج يكول عسى ان تكرهو شيء فهو خير لكم فكري بعقلج ودوخين نفسج بتفكير لوليد يحبج وهاويج من زمان شوفي دشوفة يحبج اكسبي يابنيتي
هناء:اكلج متقربلج
ام لخيرة:لا بنتج دتكش بجهة وهوة عايفها على مرامها
هناء:عزا بعينج ياثولة
ام لخيرة:بنيتي ميصير سوين هيج صيري سباعية لان بنيات هواي داير حولة يردن بس نظرة منا ليش تخلي ينظر
رسل:مثل شسوي
ام لخيرة: بعد امج تفهمج وصيري مرة عاقلة وهاي سوالف مال صغار عوفيهن رجلج خوش رجال متلكين نفسة بعد
صار كلام ام لخيرة يتردد براسي منسيتة كلت خل ادزلة مسج بلكي يرد دزيت مرد علية شسوي هسة اني شكلي خربتها والله
رسل:يمة شسوي هسة مجاي يرد
هناء:حقة اذا انت كايلتلك طلكني
رسل:شمدريني هسة شسوي
هناء:احجي وية دانيال كليلة رجع من سفر لا
رسل:استحي هسة يكول ليش متحجين ويا
هناء:لا ميكول كليلة اريد افاجئة
رسل:يمة شبيج هسة يكول خابري وعرفي شلوكت يجي
هناء:لعد شلون
رسل:عوفي
هناء:شنو عوفي بابا امشي خابري رجلج وبلا هاي سوالف يلة
دحجي ودخلت اختي ريم
ريم:شكو رسل شكو صار عندي فضول
رسل:نجبي وروحي دوري فحل كملج
ريم:عطلة
هناء:ماكو شي متعاركة هي وسجاد ودتكابر
ريم:اي
هناء:اي مترضة تحجي ويا
ريم:احجي وية دانيال
هناء:دكللها مترضة
ريم:هاي شبيج رسل شنو سالفة
رسل:هسة عود اني ادبرها معليكم
هناء:كومي سويلنا شي حلاوة
رسل:علمين
هناء:امشي حظي كلشي متعرفن
وكعدنا نسوي حلاوة اني وامي بس بالي يم سجاد لكن ريم سهلتها علية فجأة واجتي شاورتني كالت بعدة مجاي
دانيال
اخوية راح تركيا وصار سبوع مراجع جنت اتصفح على الانستا وتفاجأت بمسج ريم فرحت لان دزت مسج حسيت جنت انتظر لمسج منها واستحي اارسللها
ريم:هلو دانيال
دانيال:هلاوات ريمو شلونج
ريم:هلو بيك بس سؤال اذا متكون زحمة
دانيال:احجي عادي لتكونين رسمية
ريم:ههه ماشي ،،،بس سجاد رجع من سفرة
دانيال:لا بعد
ريم:شوكت يرجع
دانيال:والله ماادري شكد يبقة
ريم:ها ماشي شكراً
دانيال:عفواً ،،،،،محتاجة شي
ريم:لا سلامتك ،،،،يلة باي رايحة
دانيال:باي
روحي تلعب تريد تحجي وياهة اكثر واريد اشوفها ودوم افكر بيها متروح من بالي من يوم شفتهة مصدومة من موتت ولادها باوعت على نفسي وبعدت تفكير عنها وكمت ،اتصل بيا سجاد
سجاد:ها دانيال شلونك
دانيال:لحمدلله
سجاد:رسل شلونها
دانيال:زينة
سجاد:دانيال خابرها شوفها شلونها محتاجة شي لان صار سبوع ماكو خاف تحتاج مصرف
دانيال:متحجي وياهة انت
سجاد:بعدين اسولفلك من اجي وترة راح اضل شهر تقريبا دير بالك عليها احسبها خيتك ماشي
دانيال:ماشي بعيوني
يتبع
اتمنى الجزء نال اعجابك ⭐️
أنت تقرأ
كل شيء بخير
General Fictionروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
