رسل
صبح فزيت على ريحة عطل سجاد وهوة يحطة سويت نفسي نايمة باوعت علية واكف ويعدل بقميصة عدل شعرة ندار علية وصاح رسل رسل كومي .
رسل:كمت كمت!
سجاد:اني رايح انزلي وية ام دانيال ساعديها.
رسل:ماشي.
كمت صحيت هو طلع غيرت ملابسي وعدلت نفسي ونزلت لكيتهم كلهم كاعدين.
علي:سجاد كملت يلة كوم،،،دانيال شوفت يبدل دوام لمعهد.
دانيال:مو هسة يابة بعد ساعة.
علي:ماشي عبالي جان وصلتك.
دانيال:لااني اروح.
رسل:صباح لخير.
علي:صباح لخير بنيتي اكعدي اكل.
شيماء:اوكفي اجيب كلاص عبالي متكعدين.
رسل:عمة اني اجيب.
دانيال:صباح لخير رسل!
رسل:صباح نور.
دانيال:يمة رايح اكمل نومتي ساعة وكعديني.
شيماء:ماشي روح.
رسل:ليش كعد لعد.
شيماء:مو عمج من يكعد يحب لبيت كلة كاعد .
رسل:ها.
شيماء:هو كلي اكعدج بس كتلة بعدها عروس عوفها.
كملنا شغل لبيت وطبعاً مدري شلون جانت تنظفة وحدها تعبت حييل واني انظفة مسحتة ونظفت غرفة عمي وغرفتي وصلت لغرفة دانيال.
شيماء:لا عوفيها.
رسل:ليش خطية هو يدرس شوكت يلحك ينظفها.
شيماء:ميحتاج هو اصلاً ميوسخ ويضوج اذا احد دخل ولزم غرضة من غرضاتة .
رسل:ها همزين جان ضاج مني.
شيماء:اي تعاي خل نطلع على لحديقة .
رسل:ماشي.
طلعنا على لحديقة نظفها باوعت زرع اصفر ويابس .
رسل:عمة خل نظف هذا زرع ليابس .
شيماء:اي احسن مخرب منظر لحديقة.
رسل:عندج مكص زرع.
شيماء:اي هسة اجيبة .
رفعت دشداشتي شوية وكعدت باوع على شجرة هستوها نابتة وماحس الا على شي كومني من مكاني .
سجاد:دسوين.
رسل:شبيك فززتني.
سجاد:نزلي دشداشتج ،،، واتبهي على نفسج احسلج ولبسي حجاب من طلعين.
شيماء:شبيك سجاد ماكو احد وشجرة عالي محد يشوف .
سجاد:ابن اخوج جان واكف يباوع لوما اصيح علية .
شيماء:شنو ياهو .
سجاد:تلكي برة همزين ماابتليت بي .
شيماء:على كيفك هو شمدري.
سجاد:شمدري مو يعرف اكو حرمة غريبة بلبيت شلون يدخل بدون ميدك لباب ،،، حاجي ابن اخوج يدك لباب وبعد ممنوع يدخل للبيت .
حجة وكمش ايدي ودخلني للبيت وراح دخل لغرفة ابو واني صعدت للغرفة فوك هسة هذا جابة عصب ومابية حييل انتظرتة يطلع ونزلت اكمل شغل لبست شال ونزلت.
شيماء:غير تنتبهين.
رسل:شمدريني عمة.
شيماء:يلة مو مشكلة خل نكمل شغل.
كملنا شغل وطلع لبيت بعد احلى عبالك صار هواي ممنظف للعصر دخل دانيال طب لغرفتة وبعد مطلع صار ليل اجة عمي صبتلة عمتي لعشرة وكعدو يتعشون صاحتني على الاكل ستحيت اكل وياهم .
علي:عوفيها شيماء تنتظر رجلها.
شيماء:مو هذا يمكن يتأخر.
علي:لا هسة يجي دانيال اكل.
شيماء:اي هطية وديتلة اكل لكيتة نايم على لكتاب نيوم.
علي:هو صوجة ليش يأجل امتحانة.
شيماء:اي غير يصعد معدلة.
عفتهم يسولفون وصعدت لغرفتي صارت بلوحدة بليل جعت كلش نزلت لبيت ظلما كلهم بغرفهم دخلت للمطبخ سمعت صوت بغرفة الاستقبال كلت هذا اكيد سجاد بلغرفة طلعت اكل من ثلاجة وصعدت بسكوت للغرفة حتى محد يحس بيا وفجأة طلع عمي من غرفتة.
علي:ههه هاي دسوين،،،اكلي اكلي عمو اشاقة وياج رجلج وين؟!
رسل:ماادري.
علي:شنو بعدة مجاي ؟!
رسل:ماردي اظن كاعد بلستقبال،،،اكو صوت هناك.
دخل عمو لغرفت لستقبال وصحيح جان سجاد نايم بيها وينفرج تلفزيون.
علي:دسوي هنا،،،كوم نام بغرفتك،،،،مرتك تنتظرك تاكل وياك وانتَ نايم هنا.
استحيت وعفتهم وصعدت شوية ودخل سجاد شاف صينية الاكل محطوطة.
سجاد:ليش مأكلتي.
رسل:مجنت اشتهي هسة يلة اشتهيت.
تركني وطلع ملابس ودخل للحمام اني اكلت وكملت ونزلت انزل صينية وصعدت شفتة فارش فراشة ونايم وضوة مفتوح طفيتة وتمددت على جرباية شوية وغفيت ،فزيت على صوت تلفون يدك باوعت هذا سجاد رفعتة وجان يسدة باوعت على ساعة ساعة ١١صبح اوه متأخرة نزلت لكيت عمتي تسولف وية بنية تقريباً بنفس عمري.
شيماء:صح نوم.
رسل:صباح لخير.
شيماء:ياصبح دنيا ظهر .
رسل:لبارحة تأخرت بلنوم.
شيماء:يلة بعد لتعيديها روحي تلكين الاكل على لميز تريكي.
رسل:ماشي عمة.
رحت اكل باوعت باقي بس جبناية وحدة باقية رحت على ثلاجة ملكيت بيها لابيض ولا جبن كلت اكل هاي جبناية واشتغل باوعت صمون ماكو استحيت اكللها وين صمون عفتها .
رسل:عمة رايحة انظف محتاجة شي.
شيماء:لبيت نظيف روحي سوي غدة.
رسل:ماشي شنو الي اسوي.
شيماء:عدنا باميا طبخيها تعرفين!؟
رسل:اي عمة اطبخها بلحم منو؟!
شيماء:اي اكو لحم بلثلاجة.
سويت لغدة وكملت شوية ودخل عمي وسجاد تعبانين صعد سجاد للغرفة واني كعدت اصب اكل بس لغريب هاي لبنية هي وعمتي كعدن سوة ويحجن مخلصن حجي،نزل سجاد ياكل وعمي هم كعدو ياكلو باوعت اجتي لبنية وكعدت يم سجاد ستغربت هي ليش كعدت يمة .
شيماء:نسرين اكعد اهناك .
نسرين:لاخل تجي رسل تكعد.
شيماء:مو هي كاعدة هنا يمي .
نسرين:لاخل تجي رسل ميصير.
شيماء:يمعودة هو شنو دكعدي.
وكعدت اباوع كل شوية دكلة هاك هاي لحمة وسجاد ساكت وبس ياكل ،لليل وهاي مراحت كاعدة اباوع عليهم كلهم كاعدين بلاستقبال وسجاد فوك بلغرفة وشوية ونزل كعد يسولف وية ابو .
دانيال:شو كاعدة وحدج؟!
رسل:ها هيج كاعدة.
دانيال:هاية نسرين بت عمي صغيرة وتحب سجاد وعترفتلة مرة بس هو مطنش ولو تدري شكد رسايل وهداية عندة كلهن ذبهن قبل لعرس .
رسل:دانيال شهد صدك جانت خطيبة امير؟!
دانيال:اي صحيح هي خطيبة امي قبل متحبي انتِ بعدها حبج وحاول بكل طرق انو يبطل زواج لكن ابوية عاندة وصار الي صار.
ديسولف دانيال ونتبهت على كلام عمي .
علي:سجاد كوم وصل نسرين لبيتها.
نسرين:لاعمو هسة اخابر اخوية ياخذني.
علي:شنو هل حجي عمو هو هم اخوج .
نسرين :تسلم عمو.
يتبع......
اتمنى الجزء نال اعجابكم⭐️
أنت تقرأ
كل شيء بخير
General Fictionروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
