دانيال:منو انتِ؟!
رسل:بس روح منا.
دانيال:انتِ رسل؟!
رسل:اي رسل ،،،بس روح ابوية راح يجي بعد شوية.
دانيال:ماشي راح اروح بس ردي مو سكتين عن رسائل.
رسل:الله كريم.
مرجعت للبيت رحت للكهوة كعدت بيها ورسلت مسج لرسل حتى اطمئن عليها خطية اكيد صعبة عليها .
دانيال:وينج رسل؟!
رسل:وياك.
دانيال:شلونج شلون صحتج؟!
رسل:لحمدلله،،،كاعدة وحدي وحرك بروحي محد يدري بلكي يركف كلبي واموت ورا.
دانيال:الله كويم،،،،الله يصبرج ديري بالج على نفسج .
رسل:دانيال.
دانيال:نعم اامري؟!
رسل:فدوة اريد اشوف امير راح امووت مشتاقتلة.
دانيال:الله يساعدج هو اني ليساعني مكادر على فراكة انتِ شلون متحملة!.
رسل:راح امووت كلي شسوي سوالفة وضحكتة وحنيتة وحبة الية صارن شريط فلم يمر براسي .
دانيال:الله يساعدج ويصبرج حاس بيج والله.
رسل:فدرة اريد اشوفة،،،لاتحرموني من هذا لطلب.
دانيال:الله كريم خيتي افكر وان شاء الله خير ،،،انتِ بس لضغطين على نفسج هو قدر وصار.
رسل:ونعمة بالله،،،،يلة اخذ راحتك .
دانيال:الله وياج.
خطية مسكينة هاي لبنية واخوية مسكين راد بس يزوج ليريدها تالي راح وهيج فجأة ،صار لوقت متأخر رجعت للبيت جنت اتمشة بلشارع مالنا اجة سجاد وفات من يمي ولا كأنو اخو عفتة مهتميت وصلت للبيت شفتة كاعد بلباب يشرب جكارة .
دانيال:ليش مدخلت جوة شربتها؟!
سجاد:مردت ابوية يشوفني.
دانيال:بس ابوية هياتة كبالي وديباوع علينا.
اني كلت هيج وسجاد طفة جكارة برجلة بسرعة والتفت وجان صح ابوية واكف صاح علينا ثنينة ندخل يريد يحجي ويانة .
الاب:دانيال وين جنت؟!
دانيال:وية اصدقائي بلكهوة.
الاب:ودراستك شلونها؟!
دانيال:مالي نفس اقرة من مات امير.
الاب:وليدي ادري بيها صعبة وصعبة علينا كلنا بس مو تهمل دراستك.
دانيال:يابة مو هينة علية اخوية هذا اخوية.
الاب:الله كريم الله كريم روح بابا لغرفتك،،،سجاد وانتَ وين جنت؟!
سجاد:جنت بلشغل.
رحت لغرفتي طبيت سبحت ونمت صبح كعدتني امي على ريوك لبست ملابسي وتريكت ورحت للثانوية امتحنت وسلمت لورقة فارغة كلش جان مالي نفس للدراسة استأذنت من لمدير وطلعت لمدير صديق ابوية طلعت رحت افتر بلمول لجان اخوية يشتغل بي امشي ودمعة بطارف عيني وشهكة لبكلبي تريد تنفجر باوعت على لمكان لنكعد بي ،وفجأة رن جهازي منو رسل رفعت جهاز اسمع صوتها تبجي وتشهك وصيح امير اريدة فدوة راح اموت.
دانيال:اهدئي وكولي شبيج ؟!
رسل:تعبت مااكدر بعد صار اربع ايام كاتمة بكلبي بوية امير.(تصرخ)
دانيال:الله يساعدج .
رسل:دانيال مااكدر بعد روحي تريدة روحي مشتاكة لسوالفة وين اودي بروحي لمشتاكتلة.
دانيال:اووف ربي.
رسل:راح امووت اريد اريد يضل يمي والله بعد ماازعلة ولا اضوجة اريدة يمي .
دانيال:اهدئي راح امووت وياج بس اهدئي هسة تسمع امج.
رسل:اوييلي يابة سويت اني بدنيتي وهيج جازيني ربي.
دانيال:تعوذي من شيطان وكومي صليلة ادعيلة محتاج دعائج.
رسل:دانيال اريد اشوفة حباب مااكدر اريد اشوفة.
دانيال:والله اخليج شوفي بس اهدئي وكومي توضي وصلي.
رسل:يمة احس روحي طلعت مني.
دانيال:ادري والله وحاس بيج بس كومي غسلي وجهج واهدئي اختج وين امج وين؟!
رسل:اختي وامي طلعو للسوك وابوية هم طلع.
دانيال:همزين دكومي غسلي واهدئي ميصير سوين هيج بروحج.
رسل:دانيال مااعرف مااعرف صار اربع ايام كاتمة دمعة اريدة يمي .
دانيال:هسة ارتاحيتي من بجيتي شوية؟!
رسل:اي ارتاحيت .
دانيال:ديلة كومي غسلي وجهج وصلي على محمد شوية وادزلج مسج اشوفج هدئتي لو لا .
رسل:تعبتك وياي اسفة.
دانيال:مومشكلة هسة كومي غسل واقري قرآن هم .
رسل:ماشي.
هدتة لحيلي بجيها مااعرف شلون راح تنسى ،طبعاً طلعت من لمول بسرعة من سمعت رسل تبجي بتلفون تمشيت بلشارع لحد موصلت للبيت كلت اتغدة وارد اطلع دخلت للبيت بس امي موجودة.
دانيال:اجيت يمة.
الام:ها وليدي شو من وكت!
دانيال:مكدرت اكمل دروس تعبان.
الام:خير يمة شبيك مريض؟!
دانيال:لايمة مابية شي ،،،،عندج غدة؟!
الام:اي يمة صار هسة اصبلك.
صبتلي امي غدة شوية وندكت لباب طلعت فتحتة جانت مرت عمي علي هي وبتها سلمت عليهم ودخلت صبتلي غدة وطبيت اكلت بغرفتي وطلعت اسمع مرت عمي علي دكللها لامي سجاد ليش ميزوج شهد .
الام:سجاد معقد وميتحاجة وابو مجنبة كلش.
ام زياد:بس حتى لو لازم يصير بمكان امير.
الام:ام زياد ليش هي لبنية مو حابة امير شلون بهذي سرعة تقبل بغيرة ولا اخو؟!
ام زياد:يمعودة شتحجين سمعت ام شهد دكول حتى اذا مات لولد لازم ياخذوها لبنتي لسجاد لدانيال بتي مضل هيج .
الام:شنو هل حجي هذا شنو ذابتها لبتهة.
ام زياد:والله شمدريني يكلك رافضة هواي ناس اجوها علمود امير وهسة وكفت قسمتها.
عفتهن ودخلت لغرفتي لان حجيهن مو منطقي نمت لليل سمعت اصوات ابوية وسجاد طلعت اشوف شكو اشوف ابوية يكلة تجي يمي تشتغل ولظل ملطلط بلمولات وسجاد ميرضة يشتغل ويا.
دانيال:يابة اتركة لتضغط علية.
الاب:لاموعلى كيفة شنو مكضيها مولات يجي يمي ويشتغل .
سجاد:هسة اني طالب منك شغل عمل.
الاب:لعد شكو خالك بس اشوف طولك.
ليش لنريدة مومقسوم،،،
وليش لمانريدة منتظر كلمة منا،،،
يتبع......
اتمنى الجزء نال اعجابكم⭐️
أنت تقرأ
كل شيء بخير
General Fictionروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
