دانيال
من اعترفت لريم وهي مختفية مالها صوت ادز مسج مترد معقولة رافضتني باوعت سجاد نزل من لغرفة ضايج ومعصب كتلة شبيك كال رسل مريضة زين رسل شمرضها
دانيال:اجي وياك
سجاد:تعال
دانيال:هي مو مابيها شي
سجاد:مااعرف دانيال مااعرف
دانيال:شنو هاي
سجاد:هو بس انت متفاجأ اني راح اتخبل من راجدي هيج تصخن اذا بوكس تموت
دانيال:بابا لبنات رقيقات
سجاد:مو لهل درجة شو بس مرتي هاي لعالم تسحل سحول
دانيال:مرتك من جماعت ال اوي
سجاد:اسكت واصعد يلة
دانيال:اكلك سجاد!
سجاد:ها
دانيال:انت حاب قبل
سجاد:ليش شنو هل سؤال لفجأة طرحتة
دانيال:هيج !
سجاد:خاف تحبلك بنوتة احجيلي اجوز افيدك
دانيال:ماادري اعترفتلها بس شو ختفت لا هي لردت ولا هي الي رفضت ماادري وقلق عليها
سجاد:خجولة هاي
دانيال:لا ولك اول معرفتها جريئة وجنت اكره لبنية جريئة احب لخجولة بس مااعرف
سجاد:ولك هو يايوم فهمنا لمرة احنا الله يساعدك من هسة راح تلعب لعب بيك
دانيال:اسكت راح تبجيني
سجاد:طاحظك ليش
دانيال:شو حبيتها خرب
سجاد:خرب يومك هسة ترد بس لتبجي اوكف بس لا اديان
دانيال:شوف هذا اش مالك دخل
وصلنا للبيت سجاد صعد ينطي دوة لرسل واني ضليت صافن مكدرت انام للصبح كعدت وية ابوية تريكت وطلعت ويا سجاد ماكو وابوية رفض يجي ويا لان مصالة يومين من رجع من سفر ضليت يم ابوية وكل عشر دقايق صايح بجهي لان صافن لحب دوخني اول مرة ادوخ هيج ومانام
رسل
فزيت من نومي بس مكمت ضليت بمكاني حسيت على سجاد كام وطلع من غرفة كمت باوعت على ساعة ظهرية كمت اركض غيرت ملابسي ونزلت باوعت سجاد كاعد بلمطبخ باوع علية نظرة برود ضوجتني ودخلت شيماء صيح ها خانم امشي سوي لهذا لمسكين اكل مماكل
رسل:ماشي ،،،سجاد شتريد اسويلك
سجاد:اي شي
عافني وكام سويتلة اكل وحطيتة كبالة ورحت توقعت يصيني اكل بس مصاحني نقهرت منا يعني هيج ضايج مني اني لازم اضوج مو هوة ،كملت تنظيف لبيت وراهة دخل دانيال يمشي وعيونة سرحانة بغير عالم اصيح علية مطنش هذا شبي نوب دخل ابو ورا صاح على شيماء كللها حظري نفسج نطلع حظرت نفسها ودخل عائلة اديان واني ميتة ضحك لان خربت طلعة مال شيماء كعدو لعالم وحظرتلهم الاكل وشرب دانيال بلحديقة بعدة صافن وعيونة سوود صايرات اما سجاد فهو فوك منزل ابد وشيناء كاعد وكالبة وجهة اجتي اديان سئلت على دانيال وكتلها بلحديقة راحت تشوف دانيال انطيتهم جاي واجيت اكعد يم دانيال واديان وسمعت اديان دكول منو هية
دانيال:ريم اخت رسل ،،،صدكين اديان صار يومين مدوختني وصافن مااعرف شكو شبية حتى نومي نحرمت منا
رسل:واني اكول ليش هذا لوليد صافن وحدة
دانيال:اسف رسل بس حبيتها شسوي
رسل:عادي لولا لحب لاصبح العالم حزين
دانيال:شبيج اديان شو صفنتي بس لا حبيتي
اديان:لا ماكو شي
دانيال:همزين نصيحة لتحبين
اديان:لا مااحب يلة اترخص اني امي صيحني
دانيال:بس مصاحتج
اديان:لادزتلي مسج
دانيال:ماشي مرخوصة ،،،،عبالي تفرح صفنتها وياي
رسل:تلاحظ تصرفها غريب او ردت فعلها
دانيال:اي صح ،،،شلونها ريم
رسل:ها بسم لله
دانيال:ها اسف رايح للاسواق تردين شي
رسل:اي اوكف خل اجيب فلوس
دانيال:احجي مابية حييل انتظر
رسل:جبس ونستلة ببسي
دانيال:ههه ماشي
دخلت للغرفة بعد مااشترالي دانيال وراحو لخطار باوعت على سجاد يلعب ببجي ومندمج وية لعبة دخلت للحمام غيرت ملابسي واجيت كعدت يمة وفتحت تلفزيون وهوة ولا يمة يم لعبة مشطت شعري وكل مااديرة يوكع مي على جهاز ويمسحة بس منتبه لاباوع كمت طفيت الاضوية وهم منتبه طفيت سبلت برودة ولا يمة عليت صوت مال تلفزيون وهم منتبه بعدها فز من مكانة وطلع وسد بلباب طفشت زلمة 😅،شلت جهاز وخبالت امي ردت اسئل عليها وكالت شلونج وية رجلج
رسل:زينة كلش زينة اصلاً ليوم جابلي حلاوة
هناء:لتكذبين رسل
رسل:هاي شبيج يمة اني اكذب
هناء:اذا هيج شكو داكة علية لمفروض رجلج يمج
رسل:شنو مااسئل عليج مو صوجج صوج ليسئل
هناء:متعاركين مو!
رسل:اي،،،،يمة يعني شسويلة ترة هوة الي ضوجني اني معلية
هناء:احجيلي بلة صاير
كملت حجي وية امي وفهمتني شسوي كعدت انتظرة وماأجة زين امي كالت نزليلية راضي اني شلوني وية لكبرياء عصبت نفسي ونزلت لكيتة نايم على لقنفة وغافي صحت علية مرد باوعت هذا مراح يكعد جاي يدلل اعرفة هذا مو وجه واحد نايم رحت جبت كلاص مي واجيت دذبة على وجه وكام صاح هاي دسوين
رسل:ليش مترد!
سجاد:نايم نايم
رسل:ماهي مو كاعد بس جبت لمي فزيت
سجاد:اكلج وين اروح وخلص منج
رسل:امشي اصعد بغرفتك
سجاد:اي حاضر مو اشتغل عندج
رسل:لعد شنو تنام هنا
سجاد:بكيفي حر اني
رسل:اني هم حرة انام هنا
سجاد:يارب العباد مااخلص حتى هنا تزعجيني ،،،امشي امري لله
ضحكت ومشيت ورا دخل نام وغطة راسة بلغطة
رسل:سجاد! سجاد!
سجاد:هااااااا
رسل:شبيك؟!
سجاد:مابية شي
رسل:لابيك شي ليش ضايج
سجاد:ضايج منج رتاحيتي
رسل:اي رتاحيت يلة نخمد موًمال واحد يحجي وياك
سجاد:تردين بوكس يوديج للنجف
رسل:هههه لا اسفين عيني بس لاضوج،،،اكلك صدك
سجاد:ها !
رسل:كم بنية حاب بحياتك
سجاد:وحدة بس وراح افجر راسها هسة لان تعبتني
رسل:ليش بعدك تحجي وياهة
كام وباوع علية
سجاد:احد كالج فد يوم انت مطي
رسل:لا ليش
سجاد:خوش انت مطي
رسل:اني مو مطي
سجاد:لا مطي وتروحين فدوة للمطي
عطت كتلة اني مو مطي وضليت اضرب على صدر كمشني من ايدي وقربني على وجهة حسيت وجهي صار حار وكلبي صار يدك سريع حسيت يريد يطلع
سجاد:احبج
يتبع.......
اتمنى الجزء نال اعجابكم ⭐️
تصويت
أنت تقرأ
كل شيء بخير
Narrativa generaleروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
