دانيال
طلعت من غرفتي صادفت سجاد نازل من غرفتة ممبدل وعدنا طلعة ابوي كال روحو انت نايبة عني لفاتحت رجال جان يشغل يم ابوية وكللولهم اني تعبان شوية بس شو هاذة نزل ممبدل
دانيال:سالمين غير تبدل
سجاد:اسكت عني انتَ ثاني رايح لهذا لمحل مال ملابس قريب بسرعة اجي
دانيال:صدك تحجي
سجاد:اي لعد جذب مراح تفتح لباب ومااكدر انتظرها
دانيال:والله خبل
سجاد:اي ومزوج خبلة
طلع واني كعدت انتظرة شوية وصلي مسج من ريم فتحتة مكتوب بي اريد اسوي مفاجأة الاختي بعيد ميلادها ممكن ساعدني
دانيال:ماشي تدللين بشنو اساعدج
ريم:اوصيك على حاجة جيبها الي
دانيال:خوش شوكت ترديها
ريم:من اكلك ماشي
دانيال:ماشي
ريم:شكراً باي
وسديت جهاز شوية ودخل سجاد طب لغرفتي بدل وطلع وطلعنا للفاتحة كعدنا شوية جنة واصلين اخر ناس لهذا بسرعة طلعنا
دانيال:سجاد ابوي يريدك تصبغ لممر لفوك
سجاد:ياممر
دانيال:مال لبيت الي يروح للسطح يكول مخرب منظر لبيت
سجاد:ادري هو ياهو يوصل هناك
دانيال:ماادري يكول خل يصبغة هسة قبل مانطلع كلي
سجاد:اصبغة انتَ
دانيال:مااعرف اصبغ وعندي طلعة هم وحتى اذا لازم انت توكف وياي
سجاد:ضلمتها مو
دانيال:ههه هسة ديلة غير اخوي جبير
سجاد:خرب بلاخ جبير ليوم تبهذلت اني من صبح ابوك دزني على زبون انفة وينكنك ومن رجعت رسل سادة لباب متقبل ادخل ورحت اشتريت ملابس من برة وهسة تريديني اصبغ لحايط شوكت ارتاح اني
دانيال:خرب شابع دفرات انتَ
سجاد:اسكت يلة وانزل اشتري صبغ لو هم متعرف
دانيال:نازل نازل بس لتكلب شكل علينا
نزلت اخذت صبغ لون ابيض ورجعت
رسل
بعد مدة طويلة كلت خل انزل شنو ظالة فوك وبعدين سجاد ماكو راح نزلت على كيفي باوعت ماكو احد بلاستقبال دخلت للمطبخ مااحس الاصوت بايذاني يصيح دسوين صرخت ماما
سجاد:وغماما شبيج
رسل:يمة كلبي وكف
سجاد:امشي ساعديني دصبغ لحايط
رسل:مااعرف
سجاد:ادري بيج متعرفين تعاي كمشيلي درج لااوكع
رسل:ياحايط صبغة
سجاد:تحقيق امشي وسكتي
مشيت ويا وصلنا للسطح بلممر وكعد يحضر لصبغ بلحايط
رسل:ماجاي تصعد على درج
سجاد:بعد مو هسة من اوصل للسكف
رسل:اي لعد اني اروح
سجاد:وين ترحين ضلي واكفة كامشة دبة وامشي وراية
رسل:شنو اني بيا حييل
سجاد:اي شبيج ،،،،يلة تعاي خل نهلص على سريع
هو يصبغ واني كامشة لدبة وامشي ورا كمل لحيطان وصل للسكف جاب لدرج وثبتة وصعد علية ضل يصبغ باوعت على لحايط شلون بدة ييبس مااحس على على صوت سجاد يصيح بس رفعي شوية على دبة لصبغ رفعت وجهي وصطكيت بمكاني لان وجه قويب على وجهي وكلبي كام يدك سريع يمكن سمع دكتة وجهي حسيتة صار احمر ارتبكت حييل وتوترت قريب حييل علية مااحس الادبة صبغ وكعت من ايدي بتعدت لان لكع كلها صبغ صارت تحول توتر الى خوف لا ارادي ضليت صافنة بجها
سجاد:صدك تحجي لرسل شبيج مدكليلي،،،،،خرب اهمالج هسة اني شسوي ترة زوتيها ولعبت روحي منج مرة تشمرين علية جاي وهسة شمرتي دبة صبغ يعني ميصير هيج
اني اسمع صياحة علية وعصبيتة بس مااعرف اني شبية ضليت باهتة بجها عفتة ورجعت للغرفة سديتها علية وضليت كاعدة بيها افكر اني شبية ليش هيج جاي اصرف وليش بس ويا تصرفاتي شنو سببها باوعت كلت خل اسولف لصديقتي كلش احبها واعزها كعدت اسولفلها مرة دكلي خاف كمتي تحبي ومرة دكل اجوز هو جاذبيتة قوية ادري هو كرة ارضية مقتنعت باجابتها وسديت جهاز وكعدت افكر شبية وفجأة تصلت امي رفعتة جانت ريم تحجي وياي وتبجي وصيح باسمي
رسل:ها ريم شكو صاير
ريم:رسل،،،بابا
رسل:شبي ابوية
ريم:بابا بلمستشفى تعرض لحادث وضاربتة جلطة
اني سمعو هيج نصدمت ضليت صافنة شوية باوعت سديتة من اختي كمت على حيلي رديت باوعت بجهاز جاي اتصل ايدية ترجف مجاي اسيطر
رسل:دك فدوة دك
وكع من ايدي لان ممسيطرة كعدت بلكع اباوع شسوي هسة اني شوية ودخل سجاد شافني وكعد يمي
سجاد:شبيج
رسل:هاا
سجاد:ولج شبيج احجي
رسل:ابوية
سجاد:شبي ابوج
رسل:راح يموت ،،،،سجاد ابوية راح يموت اريد ابوية
سجاد:كومي بدل كومي خل نروحلة
رسل:مااكدري رجلية مجاي احس بيهن
سجاد:كولي يالله وكومي خل اساعدج كومي شنو سالفة
كومني ورحت طلعت صايتي هو شافني وطلع كال حظري روحج اني منتظرج جوة كوة لبست ملابسي ونزلت وداني سجاد وجان دانيال ويانة للمستشفة جانت لمستشفة كلها كرايبي ملينا بعمامي ولد عمامي وخوالي اجيت يم امي تبجي وريم هم وتلطم دكلي راح زلمتي راح شفتها حضنتها وحسيت بعد لازم ابجي دحس ابوية ميطلع سالم ضليت ابجي على بجيهن .
يتبع.......
اتمنى الحزء نال اعجابكم⭐️
أنت تقرأ
كل شيء بخير
General Fictionروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
