رسل
نايمة بلغرفة بعد مخلصت غسل اماعين كاعدة مأجاني نوم ضليت كاعدة جان يوم ثالث على زواجنة لخميس سبعة صافنة بلتلفزيون ورجعت فكرت ليش هيج سجاد يتصرف وياي معقولة راد يتخلص من شهد وخطبني الي بدلها بس بنات هواي بغداد ليش الا اني ،ونقطعت افكاري بسبب لباب ندكت وصاحت عمتي رسل تعاي انزلي عمج يريدج،كتلها حاضر هسة نازلة ونزلت دخلت للاستقبال وكلي على موضوع سبعة يسوولي حفلة يوم لخميس كلي مومشكلة اذا شهد راحت وياج شوف لفساتين طبعاً اني اضوج منها اخاف نتعارك وطلبت تجي ويانة خالتي لان استحي وحدي ومرفض هذا بعدين شفت دانيال طلع برة مهتميت وصعدت وية صعدتي درج حسيت اكو احد وراية درت نفسي شفتة سجاد يصعد وراية رتبكت لان جان حييل قريب صفنت بس هو مهتم لان جنبني وصعد قبلي وصعدت ورا دخلت لغرفة شفتة يدخل للحمام تمددت على سرير طلع من لحمام.
رسل:باجر كعدني وياك من تكعد.
سجاد:ماشي.
حييل بارد الاعصاب وسلوكة ،فزيت صبح على حركتة بس مكمت انتظرتة يكعدني باوعت علية يعدل بنفسة شوية وندار علية صاح باسمي كتلة اي راح اكوم وخلة وطلع كمت حظرت نفسي ونزلت شفتهم يتريكون .
الاب:سجاد اذا كملت يلة.
هيج جانت زلت لسان بدون ماادري كتلة عمو بعدة هستوة كعد ياكل تفاجأ سجاد من كلامي وباوع علية بدهشة .
الاب:ههه شلون تخاف على رجلها يلة اني انتظر برة ،،،متخافين علية هيج.
الام:كبرت بعد يابودانيال.
ضحكو كلهم على كلام عمو عمي كعدت اكل عمتي طلعت ورة عمي ودانيال دخل لغرفتة مديت ايدي جان يكوم سجاد وكف حط ايدة بجيبة وطلع فلوس منها وحطهن يم ستكان جاي.
سجاد:هاي فلوس صوفيهن ليوم راح ترحين للسوك مو!
رسل:اي بس مبلازم عندي.
سجاد:وانتِ مينلج .
رسل:لفلوس لجنت تنطيهن الي بفترت لخطوبة مصرفتهن وهاي ضلن يمي.
سجاد:ليش هيج سوين،،،يلة هذن هم اخذيهن هذا مصروفج.
وعافني وطلع دخلت ورا عمتي .
شيماء:اذا كملتي ابدأي بلتنظيف عدنا هواي شغل وبعدها نروح للسوك .
كمت انظف نظفت لبيت كلة ولكراج غسلتة وهي ولا ساعدتني بس شوية مرتاحة لاشهد الي توسخ عمدن ولا نسرين لباردة ومن جوة جوة واني انظف بلكراج وصافنة طلعت عمتي تركض وصيح ثولة ولج وخري .
رسل:ها عمة شكو ؟!
شيماء:وين ترشين مي تردين تبلينا سدي لبوري سدي واكفة يم لماطور وصافنة بيمن صافنة.
رسل:ها ماادري .
شيماء:عوفي من ايدج وروحي بدلي راح يجي رجلج.
رسل:ليش سجاد الي يوصلنا .
شيماء:اي !
رسل:وشهد؟!
شيماء:هو راح يجيبها ويجي يلة روحي بدلي بعدج واكفة.
عفتها ورحت بدلت لبست فستان لون وردي فاتح وشال ابيض وعندي جاكيت ابيض لونة بين مكملت سمعت صوت عمتي دكول رسل يلة اجوي باوعت على شكلي مابي لاحمرة لا كحلة على الاقل بس حمرة خفيفة وكحلة حطيتهن ونزلت باوعت على عمتي صاحت اطلعي اطلعي بلباب واكفيين خبصونة خبص طلعت ركض اباوع ماكو احد بلكراج طلعت من لباب جان سجاد واكف يم لباب.
رسل:سجاد؟!
واني اصيحلة سمعت صوت شهد وراية دفعتني وكالت شبيج مطلعين.
رسل:شبيج لحظة !
خجلت لان دفعتني باوعت على سجاد يباوع بجي ومبتسم نداريت على شهد بغضب.
رسل:انتِ شبيج ؟!
شهد:شبية فوك مااشاقة .
رسل:محد طلب منج شقة.
محجت وياي وصعدت بلسيارة ليكدام عصبتني اكثر بسبب تصرفاتها.
رسل:وين صاعدة اني اصعد هنا نزلي.
شهد:شنو امشي بكيفج؟!
رسل:بابا هذا مكاني.
شهد:وين دشوف اسمج مكتوب.
سجاد:كافي شهد انزلي خلي رسل تصعد عيب منا لعالم.
شهد:لاوالله ماانزل.
شيماء:ها شبيكم ؟!
رسل:عمة مترضة اكعد ليكدام.
شيماء:عادي بنيتي تعاي كعدي بصفي .
فاجأتني بردها باوعت على سجاد ورحت على سيارة وصعد وصلنا للسوك واني اشتري ومالي خلك كلشي شدكول البس البسواكللها حلو نقهرت حيل احس روحي مالي مكان .
شيماء:شهد تعاي شوفي هذا لفستان يطلع عليج يخبل.
شهد:اه والله كلش حلو ذوقج يجنن عمة.
شيماء:اي لعد شعبالج تعاي خل نشوف لحساب رسل انتِ كعدي هناك شوية ونجيج.
رحت كعدت بلمكان الي اشرت علية كعدت افكر واباوع على لملابس باوعت هاي سيارة عمي يعني سجاد اجة مردت لااشوفة ولا يشوفني كمت من مكاني ودخلت واحد من لمحلات اكلب بلملابس طلعت من لمحل مشفت احد منهم باوعت محل مكياج وعطور دخلت بي اشوف كعدت اكلب حسيت اكو احد دخل وراية سلم حسيت صوت مو غريب علية باوعت هذا سجاد.
سجاد:سلام عليكم!
صاحب لمحل:وعليكم السلام تفضل !
سجاد:اريد عطل اسمة .... موجود؟!
صاحب المحل:اي لحظة.
اندار علية وكال تعاي طلع رجال لعطر كمشني من ايدي ورش شوية من لعطر على ايدي.
سجاد:ريحتة حلوة ؟!
شميتة صدك ريحتة حلوة وزكية.
سجاد:ها!
رسل:اي حلوة!
سجاد:غلفليا بلزحمة عليك.
طلعنا من لمحل وسجاد شايل كيس لعطر وصلنا للسيارة شفت شهد وعمتي صاعدات ليورة تفاجأت من لموقف وصاح اصعد صعدت ووصعد نو شمر لكيس بحضني وحرك سيارة وصلنا للبيت نزلنا دخلت للبيت شفت اكو خطار نسرين وامها واختها صغيرة سلمت وصعدت صعد وراية سجاد.
رسل:هاك هذا مالتك؟!
سجاد:هذا الج !
رسل:هاا!!
سجاد:طلع نسائي لعطر ماحط اني نسائي.
عافني ودخل للحمام فتحت لعطر ريحتة تخبل طلعت ملابس لبيت انتظرتة يطلع طبيت ورة سبحت وحطيت من لعطر مردت انزل بحجة تعبانة مااريد اشوف شهد ونسرين اخاف صير مشكلة نشرت شعري على جرباية ونمت غمضت عيني غفيت وماحسيت الا على سجاد غطاني مكمت وهوة طفة الاضوية ونام بمكان.
يتبع..........
اتمنى الجزء نال اعجابكم⭐️
تصويت
أنت تقرأ
كل شيء بخير
Genel Kurguروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
