دانيال
جنت طالع من لمعهد كلت اروح لابوية اكعد يمة شوية ورجعة للبيت باوعت سجاد نازل من سيارة ابوية صحت علية مجاوب صعد بسرعة للمكتب رحت ورا سمعت يكول خل نستعجل.
الاب:بابا احنا تفقنا شنو نغير رأينا بسرعة.
سجاد:يابة اريدها يمي اني مسافر بعدين شلون اامن يم تبقة هنا.
الاب:اكلك هسة هي قبل ثلث اشهر صارت مسؤليتك سنين كلها يم ابوها وهسة صرت متأمن عليها!
سجاد:يابة اني مخبل لتخليني اروح اجيبها وكعدها بدون عوس.
دانيال:سجاد شبيك شكو ؟!
الاب:اكعد بلة خل نسمع شكو .
سجاد:يابة هي اول وتالي مزوجين!
الاب:ادري بابا بس غير احنا متعزايين.
دانيال:اكلك انتَ صدك متستحي.
سجاد:لاتدخل انتَ.
دانيال:هو شنو ماادخل.
الاب:كافي اسكتو هاي لعايزة ضاربو كدامي،،،،سجاد روح هسة للبيت بعدين انحلها وانتَ دانيال هم ماريد عراك.
طلع سجاد من لمكتب لحكت ورا.
دانيال:سجاد،،،،سجاد احجي وياك.
سجاد:ها .
دانيال:صاير شكو.
سجاد:ماكو شي ،،،،،تعبان مالي خلك رايح .
سجاد ماراح يحجي ابد لهذا رسلت مسج لريم .
دانيال:هلو ريم!
ريم:هلو دانيال شلونك؟!
دانيال:لحمدلله،،،،بس ردت اسئلج اكو شي صاير؟
ريم:امممم ابن عمي هدير حاول يعترض لرسل وسجاد شافة.
دانيال:صدك تحجين.
ريم:اي والله سجاد مخلة قطعة بجهة سالمة.
دانيال:اها ماشي بعدين نحجي!
ريم:ماشي باي.
مر شهرين بسلام وسجاد هادئ كلش اسئل على رسل من ريم وهي هم هادئة اجة لوقت حتى والدي وسجاد يسافرون سجاد جان كلش ضايج وميريد يسافر.
سجاد:شوكت يجي عبالك مراهقة وهيج طول.
دانيال:اصبرلة شبيك،،،،بعدين شبيك رايح تركيا تتونس شنو هل وجه لمكلوب.
سجاد:اسكت عني روحي مطايقها.
دانيال:لتخاف لتخاف اني راح اضل اسئل عليها روح وانتَ مطمن.
سجاد:دروح صيح لعجوز هذا.
صحت ابوية وسافرو سجاد وابوية طول سفر عشر ايام وبعدها رجعو.
رسل
مر شهرين ولوضع هادئ كلش وكل مااريد اطلع مااروح بسبب سجاد احس يجي فجأة ويمكن يعصب ويقرب موعد زواج ،مرت عشر ايام هم بعدها اجتي ريم تبتسم .
رسل:شكو!
ريم:اجة لملاكم شرس.
رسل:ياهو هذا؟!
ريم:ولج سجاد رجع من تركيا!،،،،،اوه بلمستقبل راح تركين هواي مو.
رسل:متسكتين مني ولي روحي ادرسي.
ريم:رايحة رايحة.
راحت ريم ورة ساعة اجتي تركض للمطبخ جنت اغسل ماعين جان جهازي بيدها .
ريم:هاج هاج.
رسل:شكو منو؟!
ريم:سجاد هاج.
تفاجأت هذا ليش يتصل ضليت اباوع ارد لو لا لحد ما طفة وحدة.
ريم:طفة هاي شنو؟!
رسل:عوفي يمكن غلطان.
ريم:لامااظن غلطان.
رسل:لو مغلطان جان رجع اتصل.
ريم:ماادري خل ننتظر.
مرجع اتصل ،ثاني يوم لعصر ندكت لباب رحت افتحها باوعت عائلة ابو امير وسجاد وياهم.
ابوامير:هههه هلة عمو .
رسل:هلو عمو تفضل تفضل،،،،،ماما!
دخلو لعالم واني صعدت لغرفتي شوية ووصاحتني امي كعدت يمهم يسولفون ويضحكون شوية وطلعو بعدها اجتي امي كالت جمعة نسوي نيشان .
رسل:شنو مو بعد سنة.
الام:يمة صار مال اكثر من ست اشهر.
رسل:وذا يمة.
الام:شنو وذا كومي يلة باجر روح للسوك راح تجي امة للولد حتى نشتري لنيشان.
وصدك اشترو لنيشان وصارت لحفلة لبست بدلة نيلي تلمع وصارو يركصون ويفرحون بعدها صاحو اجة لعريس واجة سجاد باوع علية واجة كعد بصفي من دون كلمة وكلني كيك وعصير وبعدها لبسني ذهي وطلع.
ريم:ياي شكد حلوو وشخصية .
زينب:عزة الاسود يخبل علية.
ريم:نجبي لج اختي تغار.
زينب:على اساس هي هامها،،،،اهوو اجتي ياسمين.
ياسمين:بخير وبلعافية عيني.
ريم:شكراً.
رسل:شكراً ياسمين.
ياسمين:عفواً شكلة ام عباس جايبة مفعول هل مرة .
ريم:انتِ شبيج .
ياسمين:شبية دحجي نكتة مشفتيها منتشرة هل ايام.
ريم:ضحكي على نكاتج بنفسج لزعجينا.
ياسمين:ههه عبالي اضحك لعروس شوفيها معبسة.
رسل:لا حبيبتي ممعبسة هاي شوفيني راح ازوج ومن انسان حلو وشخصية مثل مدكول ريم.
ياسمين سمعتني وراحت وهي تعوج بحلكها خلص ليوم وكعدت ارتاح شعور غريب اجاني ضليت صافنا مااعرف شسوي .
ريم:اخ ليوم كلش متعب،،،رسل،،،،رسل،،،،هاي.
رسل:هااا.
ريم:شبيج؟!
رسل:مااعرف.
ريم:لدكليلي امير.
رسل:اووف ربي.
ريم:اش اش خل اروح امي صيحني.
ثاني يوم صبح كعدتني امي من وكت لازم نروح للسوك ونختار لبدلة واختاريت لبدالة اسبوع كامل مر واحنا نختار ونحجز لصالون،وباجر لازم نعرس.
ريم:باجر راح تروحين،،،،،راح اشتاقلج منو يسويلي اكل بليل من اجوع.
رسل:هسة انت هذا لهامج.
ريم:احبج رسل لترحين.
رسل:ها ابقة.
ريم:لالتبقين.
رسل:وجع وخري من يمي .
صار ليوم ولوقت الي بي راح اروح لبيت سجاد جانو لمعازيم مالتنا هواي عمامي وعماتي وخالاتي وخوالي وكلها فرحانة واني ليكلي ابتسمي ابتسم وليكلي عبسي اعبس.
يتبع......
أنت تقرأ
كل شيء بخير
Fiksi Umumروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
