رسل
فزيت ساعة٦صبح جنت جوعانة باوعت سجاد بعدة نايم كمت دخلت للحمام وبعدها نزلت حضرت الاكل صارت٦:٣٠ طلع عمي من غرفة راح للحمام وبرجعتة صبح علية واني حطيت الاكل ورا طلعت عمتي وبعدها دانيال واخر شي نزل سجاد.
علي:عاشت ايدج بنيتي.
رسل:بلعافية عمو.
شيماء:مدكلي هيج سنين اني اوكل بيك.
علي:انتِ صغيرة بابا غير كبرتي.
دانيال:عاشت ايدج يمة ولزعلين .
شيماء:فدوة يروح امك.
علي:سجاد اذا خلصت يلة.
عمي دمرني بهذي جملة هو ياكل سريع واول واحد ياكل لاحظت دانيال غصب يكوم ياكل ويرجع ينام وسجاد وقت محدد ياكل شنو هيج عمي متسلط واني افكر صاحت شيماء شبيج صفنتي شيلي لماعين شلتهن ونظفت لبيت شوية ودخلت شهد ونسوين وام نسرين واختها سلمت عليهم جانت اخت نسرين اديان كلش حبابة .
اديان:فدوة تخبلين.
رسل:ههه انتِ احلى.
اديان:طبعاً اني حييل فرحانة بوجودج وهمزين شفتج ليوم.
رسل:ليش ماأجيتي قبلها؟!
اديان:جنت ادرس حرامات.
دانيال:ها يل خبلة شلونج؟!
اديان:هلة بصديق لعمر!
وضرب ايديهم وكفو يسولفون احنا ماعدنا هيج امي دائماً تنبهني ابتعدعلى ولد اقاربي ولبنية ممحجبة احنا من لابتدائية تتحجب حتى دراسة والدي مرضة اكمل.
اديان:رسولة تعاي اريد اشوف لفساتين راح تلبسيهن ليوم.
دانيال:وجع موجاي نسولف.
اديان:ولي فرحانا بجنتنة.
دانيال:ليش سجاد اخوج لو اخوية.
اديان:ماكو فرق تعاي رسولة عوفي هذا يحجي.
رسل:ههه تعاي مجنونة.
وصعدنا وكعدت تتوسل البسهن ولبستهن وصارت صورني نوب حطتلي مكياج خفيف وكعدت دكلي سوي هيج حركة وسوي هيج حركة واني هم وياهة.
اديان:رسل ذبي شعرج هم
رسل:يمعودة ممشصور عوفي
اديان:هو لعد ليش اكلج فتي خل اشصورة الج من هسة اخاف نتأخر ،،،،يلة فتحي نازلة اجيب شصوار.
نزلت وعافتني فتحت شعري وكعدت انتظرها درت نفسي باوعت صورة سجاد على لحايط شكد حلوة صورة باوعت على نفسي بلمراية لفستان مخصر علية ظاهر ملامح جسمي كلها وشعري نازل اسود وسوادة واضح بسبب لون لفستان احمر دم بتسمت لان كلش جميل طالع بعدها نفتحت لباب ضحكت وكلت شوفيني طلعت اني حلوة وماادري بس مردت مهتميت وضليت اباوع على نفسي بعدين سمعت ضحكت اديان
اديان:شبيك صفنت وخر !
باوعت هاي يوامن تحجي طلع سجاد واكف ثوليت ضليت صافنة وكامشة اخر لفستان بايدي هو نتبه على نفسة اخذ ورقة على لميز وطلع بسرعة.
اديان:هذا شبي ابن عمي مدوخن.
ضحكت من كلمتها
اديان:ها شو ضحكين يانسيت اني ثولة حقة دايخ دشوفي لجمال.
رسل:ولج دسكتي منيلي حلوة .
اديان:والله تخبلين شبيج روحي شوفي هاي شهد وباعي على نفسج تلاحظين جمالج.
رسل:ليش شهد مو حلوة؟!
اديان:يمعودة خلقة اخلاق شايفتها من تكعد صبح عبالك جني ولاكفي يخوف بلناس.
رسل:ولج اسكتي لسمعج ام لسان.
اديان:هم صدك تكتلني هاي لمخبلة تعاي يلة كعدي خل اشوف شغلي.
سوالفها ضحك ومن اجتي حسيت لبيت وحياتي جديدة بيها طعم لان ماكو عمتي ساعة وياي ساعة ضدي وعمي حجاية جيبة وحجاية تودي ورجلي مثل ثلج كعدت اسولف واضحك وياهة لحد مااجني شهد ونسرين كالن اجتي امي واختي ونزلت اركض جنت كلش مشتاقتلهم شفتها اني دمعت عيني وحضنتها وضليت ابجي.
هناء:يمة شبيج
رسل:مشتاقتلكم يمة ليش مأجيتو
هناء:يلة هاي اني هنا يمج ولج اسكتي راح يخرب مكياجج.
ريم:اي بس امج تحضنيها.
رسل:ولج لخايسة والج عين تحجين لا دكين لاسئلين على اختج
حضنتها وضليت ابوس بيها مشتاقتلهم حييل عبالك صار سنين مشايفتهم وصاحتني امي اكعد لان نسوان بدت تجي وبدت لحفلة وكعدو يركصون وامي تسئلني شلون لوضع بعدين لبنات اصرن اكوم اركص اديان وريم باوعت شهد تهز ونسرين هم ويكمزن ويركصن ونسوان تصفكلهن باوعت على نفسي شنو لحفلة الهن الية وكمت وية لبنات بديت الركص وياهن وامي تضحك وتصفكلي بقيت يمها اركص واتمايل واضحك وريم واديان يضحك علية .
هناء:رسولة بنيتي اني اروح.
رسل:شنو يمة بعد وكت
هناء:ميخالف حبيبتي ابن عمج واكف بلباب ينتظرنا
رسل:بس احط شي على راسي واجي اوكفي
هناء:ولج اكعدي نطلع وحدنا
رسل:لايمة ميصير هم اوصلج للباب وهم اسلم على خالد
هناء:ديلة لتتأخرين
رحت لفيت نفسي بعباية وطلعت ودعت امي وسلمت على خالد شفتهم راحو بلسيارة ودخلت شعور حزين اريدهم بعد يمي مشبعت منهم وفجأة ورادت تنخلع ايدي لان سجاد عتها
رسل:اي شبيك
سجاد:بعد جان طلعتي بلفستان برة ركصتي
رسل:شبيك سجاد ترة ملفلفة نفسي بلعباء
سجاد:وهاي رجلج طالعة شوفي ترة وصلت لحدها بس اذا لمحتج تحجين وية ولد اكسرة لراسج
رسل:شبيك مدكلي هذا ابن عمي ودسلم علية لو حرام
سجاد:وشعندج مسلمة علية شنو عايشة ويا ومشتاقتلة
رسل:وخر ايدك ولتدخل
سجاد:شنو كلتي ماادخل
بحجينة طلعت شيماء وشهد وامها ونسرين وامها واختها نحرجت حييل وخرت ايد سجاد بس مكدرت جان كامش ايدي بقوة
رسل:هدني عيب لخطار
بعدني ممكملة حجية واخذني دخلني للبيت وبسرعة للغرفة وسد لباب
رسل:شبيك سجاد سويتها قصة
سجاد:سويتها قصة مو
رسل:هسة على اساس بس اني لاحجي وية ابن عمي لعد من نسرين تكعد بصفك على صينية مااحجي لو من شهد تصعد بصفك بسيارة هم ماحجي شو من ردت اسلم على ابن عمي صرت اعصاب
سجاد:محجيتي وكلتي وخري هذا مكاني لو اصلاً ممعتبرتني رجلج ولج انتِ حتى من شوفي ابوية دكليلة الله يساعدك واني صافنا بجهي وفوكاها اني لغلطان
سكتت مكدرت ارد علية هو استخفر ربة وطلع من لغرفة كمت رتبت نفسي ولبست ملابس لبيت ونزلت محد موجود بس شهد وعمتي تنظف بلمطبخ صاحتني انظف لاستقبال كعدت انظف شوية ودخل دانيال للبيت،بديت امسح دخلت شهد ذبت حذائة بنص لاستقبال وكعد اني عصب وكتلها متعرفين ذبين راسج الاهنا ودخل عمي وسمع حسي
علي:هاي شنو مو عيب رسل
شهد:والله ونعمة تربية
علي:مو عيب رسل اعتذري من شهد
رسل:مااعتذر اني مغلطت
علي:شنو مغلطت وسمعتة
رسل:لعد مشوف شلون ذابة هذا بنص لاستقبال
شهد:وذا ذبيتة يعني ماادري
رسل:متدرين لو متعمدة
شهد:لاماادري وجان كلتيلي شيلي
علي:بس كافي شبيجن
شيماء:هاي شكو صاير
شهد:ماادري شوفي جنتج دكلي على هذا تكرمين شيلي راسج وهسة دكلي اني لغلطانة ومترضة تعتذر مني فوكاها توكف بلعين
شيماء:والله معرفتج صلفة واني اكول شلون تغلس ومتنظف طلعتي مو هينة
رسل:شبيكم علية عمة اني بيت اهلي اكعد ضهر منتعودة اكعد من صبح وبعدين حتى اذا اكعد مااشوفج تنظفين
شيماء:لاهاي لعايزة انظفلج ولج انتِ حمدي ربج وشكري علينا غيري عمة تكومج بكتلة وتكعدج
سكتت وظليت اسمعهم دخل دانيال حجة وسكتو بجيت واني ماابجي اذا ماحسيت بظلم حتى منطوني مجال ابرر موقفي عمي يريدني اعتذر بهاي وعمتي طلعت سوالف من جوة لكع .
يتبع.........
اتمنى الجزء نال اعجابكم⭐️
أنت تقرأ
كل شيء بخير
General Fictionروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
