دانيال
من عرفت اديان تحبني ضجت ونقهرت لان صديقة عزيزة وحبابة وبت عمي مثل اختي مااريد ازعلها مني رحت شفتها صافنة تباوع بلكع طلعت برة رحت لبو معجنات جبت كيكة واجيت انطيتهيا ردت ارضيها
اديان:شنو هاي
دانيال:كيكة
اديان:ادري كيكة بس ليش الي
دانيال:هيج ميصير انطي لبت عمي كيك
اديان:ماشي شكراً
دانيال:اسف
اديان:على شنو
دانيال:ماادري بس اسف
اديان:اوكي ماشي يلة اروح ارجع للبيت
دانيال:ماشي،،،اركفي اوصلج
اديان:لاشكراً
دانيال:شنو هاي من يمتة ترفضين اوصلج
اديان:من ليوم
دانيال:ههه امشي خبلة اوصلج انت ونسرين ،،،انت بس باعي على وجه رسل يمكن باي دقيقة صير معركة
اديان:اي هههههه
وصلتها لبيتهم بس حاس بلذنب شلون حبتني ولا مرة حاس بيها انو هي تحبني مااعرف شنو سرها عجيبة هاي لبنية بس تريد عذر حتى مشوفني
رسل
راحت نسرين واني عيوني دم اريد اسوي مشكلة كوة كمشت نفسي وصلهن دانيال ورجع نفس صفنا لو ادري شبي هذا زلمة ماادري
رسل:دانيال،،،دانيال
دانيال:ها
رسل:ترة تحبك كافي تصفن خبلتني
دانيال:اي ادري وهذا لمحيرني،،،،،اوكفي تحجين على ريم
رسل:لعد منو
دانيال:هاااا
رسل:ليش شكو
دانيال:تعاي احجيلج هاي سالفة مدوختني
رسل:اي
دانيال:اديان تحبني
رسل:اي وذا
دانيال:وذا شنو لبنية تصفن وتبجي
رسل:حبها قوي هاي
دانيال:شمدريني بيها والله مااعرف
رسل:شيلة من بالك لفكرة وبعد لتتقرب ولا تحجي وية لبنية على كد لسلام خل تتعداها وتنساك
دانيال:وهذا ينجح
رسل:اي
دانيال:ماشي رايح انام وراية مشوار طويل
رسل:ماشي
صعدت لغرفتي اتفرج مسلسل وبعدين حسيت منعس ونمت كعدت على خباثت سجاد ذب علية مي
رسل:ها ليش
سجاد:بعد جيبين مي وذبي علية
رسل:لا ابدلة بنفط وجداحة
سجاد:غير احركج
رسل:شلون تحركني وانت محروك ههههه
اني كتلة هيج وهوة كاملي يركض وراية وكعت من ضحك وكعد بصفي باوع بجهي شفت نظراتة مليانة حب
رسل:شبيك
سجاد:مابية شي طلعين!
رسل:طبعًا اي
سجاد:وجعي تكيفين على لخوارة
رسل:اي طبعاً
طلعني فرني بلسيارة وعشاني برة وتونست ويا لان يضحك متوقعتة هيج جان كل مااشوفة عبوس دنرجع جنة مشغلين اغاني ونضحك بعدين نصة صوت لمسجل وتعابير وجه تغيرت مااشوف الاسيارة وكفت كبالنا ونزلو رجال ملثمين خفت حييل وكمشت ايدة راد ينزل
رسل:سجاد لتروح
سجاد:لتخافين ماكو شي
رسل:حتى لو سجاد لوف سيارة ومشي
سجاد:شبيج رسل ماكو شي
رسل:ابوس ايدك لتروح اريدك يمي
تقربو فتحو بابا سجاد وطلعو وحطو زناد على راسك وهوة يكول اخذوني وعوفو لمرة انطيكم حلالي كلة ظليت ادك ولطم على راسي واصيح على ناس واتوسل بيهم لحظة مرعبة مااعرف شسوي غير بس صياح صعدو سجاد للسيارة مالتهم واجو ثنين علية سديت بيبان سيارة وضميت راسي مااسمع الا صوت طلق كلت مات سجاد ضليت اصرخ وتهسترت ملخت وجهي تملخ مااعرف صار من صوت صياحي مااسمع شي بعدين حسيت واحد صعد وحرك سيارة باوعت سجاد صاح ضمي راسج ومشة بكل سرعتة وصلنا للبيت اني مخنوسة بمكاني من لهبطة اجة نزلني من سيارة وطبينة للبيت ابو سجاد شاف خشمة بي دم وضل يسولف ويستفسر ويا وشيماء صيح لفكر طلعت نجة باعجوبة الله حبة وطلعت سيارة مال جنود جايين لبغداد ،صعدت سبحت وطلعت اباوع بصور سجاد وقلبي خايف اكول لو ماخذي لو كاتلي ،دخل شافني اباوع بلصورة
سجاد:لو ميت جان هسة ارملة
رسل:اسم الله
سجاد:ههه بس عفية زين سوين من قفلتي سيارة بقيتي بس بابي يعني شستفاديتي
رسل:ههه ذكرتني صدك مااعرف شنو لفكرة
سجاد:غبية
رسل:اني مو غبية
سجاد:مخفتي علية خاف امووت
رسل:متت من لخوف مو بس خفت وضليت اصرخ
سجاد:اي سمعتج ،،،ليش خفتي علية
رسل:شنو ليش طبيعي هذا شي شنو كلبي حجر
سجاد:لا هيج
دخل غير ملابسة واجة نام مثل لميت واني ضليت خايفة افكر لو يرجع لموقف براسي باوعر علية شلون نايم ردت بلحظتها احضنة وماانطيهميا ضليت صافنة بجهة ودحس جاي احبة يوم عن يوم بس ماكو شجاعة حتى اعترفلة ضليت صافنة بجهة لحد مغفيت كعدت ظهر هو هم بعدة نايم كمت اركض هسة شيماء سويلي مشكلة ،دطلع من لغرفة سمعت صوت سجاد يصيحني
رسل:ها!
سجاد:تعالي انطيني مي
رسل:خل انزل احيبلك هذا برد
نزلت جبتلة مي بسرعة بدون مشوفني شيماء وصلت يمة باوعت وجه اصفر وشفتة جافة وكوة يطلع ايدة من جوة لغطة حطيت ايدي على جبينة نار
رسل:هاي شنو
سجاد:انطيني لمي
رسل:مريض
سجاد:ماادري بس طفي لسبلت ثلجت ونطيني مي
رسل:هاك
انطيتة لمي ورحت اسويلة كمادات شوية وندكت لباب شيماء صيحني اكوم رحت فتحت لباب الها
شيماء:وينج جان نزلتي باجر
رسل:اسفة عمة بس سجاد مريض وجنت يمة
شيماء:شبي
رسل:فلاونزا
شيماء:اكو شراب جوة بلثلاجة جيبي وشربي الة ودفي هسة تفكة
رسل:ماشي
عافتني ونزلت رحت اضحك واباوع على سجاد
سجاد:ضحكين مو
رسل:والله انت المنقذ مالتي ههه
سجاد:لمنقذ مريض
رسل:اي هسة اصحيك ولا يهمك
سويت مثل مكالت شيماء وصدك فكت صخونة ولعصر كام يفتر بلبيت واكل ،لليل جنت واكفة احضر لعشة بلغلط كسرت ماعون ودخلت علية شيماء بهذلتني بهذل مخلت كلمة تعتب عليها
رسل:عمة شبيج هو ماعون
شيماء:وذا ماعون جايبتة من كملت كلة زوعي لفاهية لخبكة
علي:شكو صار
شيماء:لثولة كسرت لماعون
علي:غير ديرين بالج ياعمو
رسل:عمو والله ماادري
شيماء:اي عمية متدرين امشي طلعي برة حتى طبخج مريدة
جان سجاد ماكو ولا دانيال طالعين ثنينهم من الاهانة مالتها عفتهم وصعدت لغرفتي ابجي لحظة ودخل سجاد
سجاد:شبيج
رسل:مابية شي
سجاد:لعد ليش تبجين
رسل:من ورة شيماء خانم
سجاد:شبيها شيماء
كمت وكفت واشكيلة وابجي
رسل:يعني هو ماعون ليش هيج سوي ادري ليش تكرهني يعني اني بت عدوتها لو شنو من اول مشفتها كلت خوش مرة شو صارت عفريتة هل حية هاي
ضحك وتقرب علية وحضني اني لصمت على حلكي مااعرف شسوي ضليت مثل جامدة
سجاد:ههه خل تولي ،،،،هسة احسن
رسل:اي احسن
يتبع.....
اتمنى الجزء نال اعجابكم ✨
تصويت
أنت تقرأ
كل شيء بخير
Ficción Generalروايتي عن لحب وتغير المشاعر ومتى يصبح الانسان لايستطيع اكمال يومه من دون التفكير بشخصه هذا هي روايتي ،فيها شيء من الحزن وقليل من الفرح اتمنى ان تنال اعجابكم .
