ثلاثتهم بين حب وجحيم لهجة عراقية وتتوفر فصحى على مكتبة نور بأجزاءها جميعا

الفصل 17

تصووووووووووووووووووويت للفصل حبايب وشكرا على تفاعلكم وتعليقاتكم 

دا انزل فصول قصيرة بس كل يوم واكو ايام انزل فصلين يعني كلما اكتب شوية ارجع انزل الكم :)

ثلاثتهم بين حب وجحيم

كتابة رؤى صباح مهدي

الفصل 17

اغتاظت سهاد من سمعت بالموضوع لان مختار ما كللها من جانوا كاعدين سوة طول فترة الزيارة جانوا ييحجون بس ما كللها على موضوع الغرفة المستعملة تعكر مزاجها كلش من ورة هذا الموضوع لان جانت تتمنى هي تختار غرفتها وتكون جديدة محد نايم عليها قبلها قالت الها رنا:

"لج هاي امه تريد تزوجة باقل تكاليف بخيلة متريد تصرف فلوس يمكن تتذكرين اخوية مقداد من امي خطبتله فاتن؟ اتداينت كومة فلوس حتى تسوي كل شيء رادوا اهل فاتن ولان فاتن أصرت تفصل سكنها عن سكنا وماقبلت تاجر بدلة عرس امي اضطرت تشتريلها وحدة لا وهي اختارتها والقاعه اللي جبرونا نأجرها بحجة هو العرس يصير مرة وحدة بالحياة وهي بالحقيقة تريد تغور بنت عمها اللي تزوجت قبل أسبوعين.

رفعت سهاد ايدها بعصبيه وطلبت من رنا تسكت لان كلامها ديخليها تفور من الغضب. رنا سكتت من شافت وجه اختها تبدل من العصبيه. وسهاد فكرت بينها وبين نفسها لازم تحجي وية أمها وتصر متخليها تقدم تنازلات هواي لان الموضوع زاد عن حدة وهي هم من حقها تحصل شغلات حلوة كعروسة وهمة أصلا تنازلوا عن هواي وأيضا اذا تنازلت عن هواي من حقوقها راح تقل قيمتها بعين اهل زوجها راح يتعلمون على التنازلات ويشوفوها زايده على أهلها بس يريدون يخلصون منها وهيج شما يطلبون اهل الرجال يوافقون اهل المرة. طلعت من الغرفة وراحت لمكان كعدة أمها تقربت منها وسالتها بلا مقدمات عن اللي كلتلها عليه رنا فقالت الها الام:

"عوفي هذا الموضوع النا اني ابوج نقرر لتتدخلين بي"

عصبت رنا كلش واحمر وجهها وكالت بصوت عصبي بس مكتوم:

"يمة اني الي راح اتزوج ترة شلون تريدين مني ما اتدخل وشلون يعني ما اكدر اخذ قرار بموضوع مصيري مثل هذا؟ انا ماريد انام على اثاث مستعمل غيري نايمين عليه وبالذات غرفة النوم للعروسة المفروض جديدة وهي تدشنها مو غيرها مدشنيها يعني هذا الشي مو من حقي واني اللي راح انام على الفراش مو انتي ولا بابا"

كالت الها الام بحنية بس ما قابله على نبرتها:

"بنتي سهاد خطيبج ماعدة فلوس واحنة لازم نتفهم وضعه مادام قبلنة بي يصير جزء من عائلتنا ومختار خوش ولد واحنة دنشتري رجال مو اثاث"

حست سهاد بالم بقلبها كتمت دمعه اضطهاد وعرت بذيج اللحظة حياتها راح تتحول الى قبول لكل شي عائلة رجلها وبالذات فتحية تريده وبدون أي نقاش يعني شتكول عليه ام رجلها راح تنجبر هوي توافق عليه لان فتحية هي المتحكمة بعائلتها وهي راح تصير جزء من عائلتها.