اليوم الفصل شوية قصير ما كدرت اكتب هواي بس بنفس الوقت ما حبيت ما انزل الكم شئ
لا تنسون صوتوا على الفصل
ثلاثتهم بين حب وجحيم
كتابة رؤى صباح مهدي
الفصل ال19
وصلت العروس بالسيارة واستقبلتها النسوان بالصلاة على النبي واغاني واهازيج شعبية معروفة بالاعراس وراح رجلها ديطلعها من السيارة اللي جابتها من الصالون بحذر لا يوكع حجابها ويشوفوها الرياجيل بالشارع لان هاي العروس الحلوة هي ملكه هسة وميحق لاي واحد يشوفها هيج جان بذيج اللحظة يفكر. كعدت سهاد على كرسي مخصصي الها واجن النسوان المعزومات يتعرفن عليها ويباركن الها كعدت أمها بمكان منعزل هي ورنا وبين عليهن الحزن بسبب فراق سهاد ماضحكن ابد وحتى أبو سهاد ومقداد ما اجو للعرس مثل عادة هواي عوائل وفاتن مرت مقداد هم ما اجت جانت مريضة. ورة شوية دخل مختار وكعد بصف سهاد وجان ديعرك من الخجل والحر وهتافات النسوان الشوية صارت جريئة وسهاد حست باحراج مو طبيعي وبالذات من كامن يباوعن بنظرات بيها معنى لسهاد وبعدين أنقلبت الاهازيج الى طلبات لمختار يبوس العروس ومختار ما قصر رأسا دار وجهه على سهاد وباس العروس بوسة صغيرة على خدها وخلاها ترجف من الخجل بعدين لزم ايدها وباس أصابع ايدها وهمس باذنها شي خلة ارنبة خشمها تصير حمرة ضحكت وراها ضحكة خجولة جدا وبنظرات الها معنى وايدي بايدها قال مختار لوالدته:
"شوكت تخلص الحفلة؟"
كالت اله فتحية فرحانة:
"على شنو مستعجل يمة"
بحلق بيها فقالت وهي ميته ضحك قالت:
"يلة خل نزف العرايس"
لبست سهاد ملابسها الساترة مرة لخ حتى يطلعون يزفون العرايس بالشارع وبالسيارات وغطاها مختار كلش زين وركبها بالسيارة نفسها اللي جتي بيها من الصالون واللي زينها سرمد بنفسه وطبعا جان هو السايق. فح الها سرمد الباب من فاتت بالسيارة:
"تفضلي مرت اخوية"
ركبت بالمقعد الورة رتبلها مختار ثوبها وفات وراها بالمقعد الخلفي وركبت ام مختار بالمقعد الامامي يم سرمد سالت سهاد عن أمها قبل لا تنطلق السيارة فردت ام مختار:
"ما ادري بنتي اجاها اتصال وراحت للبيت خير ان شاء الله"
ظل بال سهاد مشغول بهذا الاتصال وليش أمها تركتها بدون متودعها حتى رادت تسال بس ظلت كاتمة السؤال بقلبها. مشت السيارة بشوارع بغداد وصادفت سيارات الزفة شوارع مسدودة بسبب انفجار بالسوك شي مو خارج المعتاد بشوارع بغداد بسنوات السبقت 2006وحتى بعدها. وراها رجعوا لبيت مختار ودعوا العرايس للبيت وعافوهم .
خلصت الهوسة وبقوا اهل البيت فتحية وسرمد ومختار وسهاد وحدهم بالبيت وام مختار قالت لمختار:
أنت تقرأ
ثلاثتهم بين حب وجحيم لهجة عراقية وتتوفر فصحى على مكتبة نور بأجزاءها جميعا
Chick-Litقصة حقيقة/عندما خطبها اعتقدت انها احبته ولكن جاء اخوه الاصغر منه والرياضي ليشغل عقل العروس المراهقة فكيف ستتصرف بعد غياب زوجها عنها؟
