ثلاثتهم بين حب وجحيم لهجة عراقية وتتوفر فصحى على مكتبة نور بأجزاءها جميعا

الفصل 30

تصويت للفصل ولكل الفصول وشوفوا حبايب بقية قصص ان شاء الله تعجبكم

ثلاثتهم بين حب وجحيم

كتابة رؤى صباح مهدي

الفصل 30

خلصت عطلة مختار وجانت كلها ضغوط وزعل ووجوه منفعله وحس ان الغياب مالته عن البيت هو سبب هالتشتت الي صار بين امه ومرته وتمنى لو بس وحدة منهن تهدا وتتنازل وتكبر عقلها حتى هو يرتاح.

سرمد جان مشغول البال من ورة روحة الجامعه بس يفكر بالموضوع بسبب الفلوس وجان يفكر بين رجعته للقسم الداخلي او يبقى بالبيت ويروح ويجي للجامعه وسبب هاي الحيرة ان هو ماراد يعوف امه ومرت اخو وحدهم بالبيت بينما مختار ماكو بالشغل بس بعدين حسم امره من حجة ويا مختار كلام من اخل اخوه ورة ما خلصوا غدة بذاك اليوم:

"سرمد اريد اطلب منك شيء"

باوعله سرمد وهم يكمل:

"اريد منك تبقى بالبيت هاي السنة لان اني مامتواجد وخاف امي وسهاد يحتاجوك باختصار اريدك تتحمل الادحام والتعب هاي السنة "

قال سرمد:

"والله يا خوية جنت افكر بالموضوع من مدة واشوف كلامك عين العقل"

ارتاح مختار من شاف سرمد قبل يبقى بالبيت وكمل وهو ينصحة:

"شوف نصيحة مني سهاد مرات تتصرف مثل الأطفال وتطلب شغلات مو عقلانية وتلح وتعاند واني اعرف انت قلبك رقيق وما تكدر ترفض طلب ينطلب منك اريد منك قبل لا تسويلها أي شي تأخذ راي امي واذا وافقت امي سوي واذا ما قبلت لتسوي بالنسبة لروحة أهلها فعادي من تريد وديها مرة وحدة ومتبقى ترجع ورة ساعتين تلاثة وانت بايدك تاخذها وتردها"

رد سرمد:

"تتدلل مثل ما تريد يصير"

ضربه مختار بمحبة على جتفه وكال:

"ورجاءا لا تتدخل بين سهاد وامي مهما صار بيناتهن تعرف سهاد صغيرة ما تعرف مصلحتها وامي اكبر وافهم منها"

ابتسم سرمد وقال بتردد:

"ما اتدخل بينهن ولا الي أي علاقة"

ضحك مختار وبعد ضربه على جتفه بحب وقال:

"وسرمد بداعت كل معزة الي يمك تدير بالك على سهاد اني راح اعوفها امانه بين ايديك مثل امي بالضبط لتخليها تخابر أهلها خاف تحتاج شي ملابس لو اكل كلشي وفرلها اريدها تحس كانما اني موجود بالضبط وتعتمد عليك مثل ما تعتمد عليه"

بكل امانه رد سرمد:

"هذا وعد مني الك للابد راح اصير امي مختار من مختار ماكو بالبيت"

تقربت فتحية عليهم بالصينية بيها جاي وابتسامة على وجهها وسالت:

"تضحكون بالخير ان شاء الله"