ثلاثتهم بين حب وجحيم لهجة عراقية وتتوفر فصحى على مكتبة نور بأجزاءها جميعا

الفصل 47

تصويت من فضلكم للفصل ولكل الفصول 

شوفوا صفحتي على الواتباد بيها هواي قصص اتمنى تقروها وتصوتون الها واهلا بيكم

ثلاثتهم بين حب وجحيم

كتابة رؤى صباح مهدي

الفصل 47

انصدم وبهت وظل يرجف باوع على باب الغرفة المفتوح ورة كريمة وانت سهاد تصرخ من الألم واللوعه وصوتها انبح من الصراخ والبجي وكيمة دم فظيعة بكل مكان ركض ديوكف تكسي وقلبه يكلة ان مأساة جديدة راح تصير قبل لا يطلع الفجر وكف سيارة ونقلوا سهاد الي كاتلها الألم للمستشفى بأسرع وقت وأبو التكسي مشة بأقصى سرعه لان شاف حالة سهاد كلش صعبه دخلت غرفة العمليات راسا وكعد سرمد يبجي كدام الغرفة خايف لا يخسر ابن اخو لو سهاد دعا الله يخلصهم من هاي الشدة وينجي سهاد والطفل بقية مختار وريحته اذا فقد الطفل يقتل نفسه ويخلص من كمية الألم الي راح يعيشها طلعت الطبيبة من غرفة العمليات بعيونها نظرة ابد متبشر. انرعب قلب سرمد من نظرات الطبيبة بينما زاد بجي ونحيب سهاد وهي تتقرب من الطبيبة حتى تستفسر عن حالة بتها وبقلبها اكو خاطر يقول اكو شيء غلط بذيج الغرفة.

--

تقربت الطبيبة بحذر من كريمة وقالت الها:

"الطفل بخير الحمد لله"

من سمع هيج سرمد كدر يتنفس ووكع ساجد على الكاع وحمدت كريمة الله وشكرته على انقاذ حفيدها بعدين سالت الطبيبة وهي تباوع بتعابير وجهها التعبانة:

"وبنتي شلونها؟"

ردت الطبيبة مترددة :

"سهاد.. بخير بس..."

اصفر وجه سرمد وكريمة من سمعوها تكمل جملتها:

"عدها نزيف شديد بالرحم حاولنا نساعدها ونوقفة بس انتو جبتوها متاخرة والطفل جان مقعدي والظاهر حاولت الداية تفرة كذا مرة وهالشي اذاها لسهاد وجان مستحيل تجيب اله بعملية . اذا استمر النزيف راح نضطر نستأصل الرحم حتى نحافظ على حياتها ونريد موافقتكم على العملية اذا اضطرينا نسويها"

شهكت كريمة ولطمت على صدرها وانفعل سرمد كلش وكام يبجي بصوت ناصي قالت الطبيبة:

"راح نحاول بكل جهدنا بس الوقت يمر ومنكدر نجازف بحياة سهاد أتمنى تفهمون الي اكوله الكم"

سالتها كريمة وهي تتوسل:

"دكتورة فدوة اروحلج ماكو أي حل ثاني؟ بنتي بعدها صغيرة وارملة العمر بعدة كلة كدامها واذا زالت الرحم راح تنحرم من الخلفة للابد"

ماعرفت الطبيبة شتجاوبهم :

"حاولنا وبعدنا دنحاول ولو اكو طريقة ماراح نقصر بس احب اكللكم ان الحالة الي جبتوها بيها أصلا نجاة الطفل ونجاتها جان معجزة "