ثلاثتهم بين حب وجحيم
كتابة رؤى صباح مهدي
الفصل 15
جان الوضع تعبان كلش والطلاب يعانون من الم بمعدتهم ودوخة وصداع قاتل والصخونه تجي وتروح . سمع سرمد واحد من الطلاب يصرخ وهو واكف على الجهة الثانية من مدخل الطابق الي عايش بي :
"كل هذا من ورة الاكل خلوة بسيارات مابيها ثلاجات بهالجو الحار وتسمم الدجاج من الحر حكومة فاشلة ومرشحين افشل "
ساله سرمد مستفسر:
"شلون عرفت السبب هو الدجاج اللي اكلناه؟"
رد الولد بثقة:
"الجامعه التكنلوجية هم موديلهم اكل وهم متخربطين وناقلين بعضهم للمستشفى مثلنة يعني نفس الاعراض"
وكمل:
"لبنى وابوها السبب. مو بعيدة همة اللي سممونة عمدن. انت جنت تحجي وياها تعرفها مو؟ اذا شفتها مرة لخ كللها محاولات ابوها الساقط حتى يقتلنا ما نجحت"
بحلق بي سرمد وما لحك يرد ولا عرف أصلا شنو يرد والولد عافة وراح بعيد. كال سرمد بينة وبين نفسه:
"واني شعلية اروح احجي وياها "
رد الولد كانما سمعه :
"ماكو فرق منو يروح ولا حتى راح يصير شي اذا أي احد راح. اعذرني اذا صرخت بوجك ترة اعصابي والله حيل تعبانة وباجر عندي امتحان ومريض حيل وكضيتها كلها بالمستشفى وية الولد.. انت مو خلصت امتحانك ليش ما تروح للبيت ترتاح على الأقل انت بيتكم ببغداد مو مثلنة أهلنا بعاد عنه"
رد سرمد :
"صعب حيل اذا اروح شيرجعني الصبح وية الازدحام"
بعدين التفت للمطبخ الصغير جان مليان بالاكل البايت اللي ريحته طالعه وبدة يتعفن من ورة الحر والريحة ترست المكام والمنظفين ما اجو للتنظيف ومراح يجون هسة وبالذات قسم الولد مهمل وماكو هلكد اعتناء بي. تنفس سرمد بعمق وفكر شوية بكلام الولد وتمنى لو يروح للبيت باجر الخميس وعكبة جمعه وماعدة امتحان للثلاثاء. تشجع ومشى الطريق لخارج الجامعه ومناك ركب سيارة للبيت.
ما صدكت امه من شافته وجان بحالة تصعب على الكافر ركضت اله ولدقيقة او دقيقتين اغمى عليه بحضنها. سالته مرعوبة:
"سرمد يمة شبيك ؟"
بجى مثل الطفل وما كدر يتمالك نفسه كدامها. يكدر يون قوي كدام الكل بس مو كدام امه وهي تعرف هالشي. كالت وهي تمسح دموعه:
"راح احاجي مختار يجي ياخذك للمستشفى"
هز سرمد راسه رافض للفكرة ورد:
"لا يمة لا تخابري ماريد اسويلة مشاكل اني بخير هسة ارتاح شوية وكل شي يكون بالف خير"
صيحت عليه:
أنت تقرأ
ثلاثتهم بين حب وجحيم لهجة عراقية وتتوفر فصحى على مكتبة نور بأجزاءها جميعا
ChickLitقصة حقيقة/عندما خطبها اعتقدت انها احبته ولكن جاء اخوه الاصغر منه والرياضي ليشغل عقل العروس المراهقة فكيف ستتصرف بعد غياب زوجها عنها؟
