ثلاثتهم بين حب وجحيم لهجة عراقية وتتوفر فصحى على مكتبة نور بأجزاءها جميعا

الفصل 31

تصويت لهذا الفصل ولكل الفصول واذا تحسون بالملل شوفوا صفحتي على الواتباد مليانة قصص فصحى وعامية من كل الانواع 

ثلاثتهم بين حب وجحيم

كتابة رؤى صباح مهدي

الفصل 31

راحت فتحية لكريمة وتصرفت بشكل طبيعي ولا كانما هستوها تعاركت وية سهاد تبسمت بوجه كريمة وقال الها:

"لا تخافين ام مقداد هذا كله دلع بنات"

قاطعتها كريمة والتوتر بين سهاد وبين فتحية كلش ضوجها:

"يا دلع عيوني متشوفيها تتلوى من الألم؟"

سكتت ام مختار مصدومة من رد كريمة عليها الي كملت:

"راح اخذها للطبيبة وبعدين اخذها لبيتي حتى ترتاح شوية اكيد اذا ما جان عد مختار مانع"

شددت كريمة على اسم مختار فتوترت فتحية كلش وقالت:

"بس مختار ما يقبل مرته تبات اله ببيتها"

ردت كريمة وحاولت تبين ودية بردها:

"يبقى بيت ابوها بيتها للابد"

بعدين ظهرت سهاد بالغرفة الي جانن بيها يحجن فراحت الها أمها ووياهن راح سرمد وكف سيارة ركبهن وراحوا لعيادة طبيبة نسائية ورة الفحص الطبيبة قالت لسهاد وهي تتبسم:

"راح اكتبلج تحاليل سويها وارجعي"

سالتها كريمة:

"دكتورة طمنينا خو مو شي خطير"

ردت الطبيبة :

"بالاول خل تسوي التحاليل بعدين نشوف بس على الاغلب فقر دم او قلة اكل "

راحو تلاثتهم لمختبر جان قريب على العيادة سحبو من دم سهاد حتى يسوون التحليل جان سرمد ينتظرهن كاعد بردهة انتظار صغيرة جني عليه وشاف وضع سهاد كلش تعبان اكثر من قبل ووجهها اصفر فد مرة سال كريمة:

"شصار جوة؟

ردت عليه:

"سهاد تخاف من الدم وضعيفة من يسحبون منها دم حتى لو شوية يصفر وجهها "

كال:

"انتظروا هنا اوكف الكم تكسي"

وكمل:

"شوكت تظهر التحاليل؟"

كالت كريمة:

"كالوا باجر "

راح سرمد وكف الهن سيارة ووصل سهاد لبيت أهلها ورجع للبيت استقبلته امه ضايجة وسالته عن الي صار فقص عليها الاحداث من اول ما طلعوا ليحد ما رجعوا وظلت تفكر وتحس بالذنب لان سهاد بينت صدك مريضة مو دتلعلب ولا دتتدلع ولا اختلقت هاي القصة حتى تروح لبيت أهلها.