تصويت للفصل ولكل الفصول من فضلكم
ثلاثتهم بين حب وجحيم
كتابة رؤى صباح مهدي
الفصل 43
تعجب عبد الواحد من كلام سرمد وما توقعه انهارت أعصاب سرمد قال بهمس خايف امه تسمع:
"شصار باخوية؟ شصار بعمود البيت معقولة احد خطفة بطريق الشغل الله يخليك دور عليه يجوز وصل بس ما شفتوا"
رد عبد الواحد:
"لتخاف مختار صديقي واني اتصلت لاني قلق عليه اشوف شاكدر اسوي واتصل بيك"
سد سرمد عيونه من الغضب وبلع ريقه حس بشعور مؤلم كانما كزاز حاشر ببلعومة اخر شي خلصت المكالمة وهو يحس بالم بقلبه تنفسه جان ما منتظم وحس اكو شي غلط كلش بغياب مختار ما بقى شي يكدر يسوي سرمد وما سواه كعد على الكاع يبجي وبقلبه يدعي الله انو مختار مابي شيء وان هو راح يطب عليهم بعد شوية بس هو بصميم قلبه يعرف هالشي مراح يصير.
سالته فتحية الي ما كدرت تسمع اغلب المكالمة:
"سرمد احجي شصار؟"
رد سرمد ديحاول ميقلقها اكثر ما هي قلقة اكثر:
"لتخافين يمة ماكو شي"
مر يومين وسرمد مو على بعضه لا يحجي ولا ياكل ولا حتى رجع للجامعه وباليوم الثالث جته مكاملة هاتفية راح تغير حياته للابد جانت من عبد الواحد:
"سرمد اكو سيارة نقل هاجموها مسلحين خطفوا شاب مواصفاته نفس مواصفات مختار وبنفس اليوم الي طلع بي مختار للشغل حققت الشرطة وية السايق وكدرنا نحجي وية عدد من الركاب بالسيارة ورة ما شفت تقارير الشرطة وحجيت وية السايق بنفسي كلي المسلحين نصبوا سيطرة وهمية وتنكروا بملابس شرطة وجيش وجانوا يلبسون لثام على وجههم مثل ما يسوون افراد الجيش مرات وهالشي ماخلة احد يشك بيهم فاتوا للسيارة وطلعوا سلاح هددوا الناس بي بس استهدفوا شخص واحد والي اني اشك بي هو مختار واخذوه وياهم"
سكت شوية وكمل بصوت يرجف:
"اخذوا تليفونه وشمروه بعيد لكيناه بمكان بعيد عن مكان وقوف السيارة مكسور وعافوا جنطته شفتهم بنفسي التليفون ميشتغل بس الجنطة تشبه جنطة مختار تريد تجي وتتعرف على الجنطة وتتاكد اذاجانت مالته؟"
حس سرمد الهوة صار ثكيل على رئته حس الي جان خايف منه صار . وافق يروح حتى يشوف الجنطة والتليفون ولبس هدومه وكال لامه رايح يشوف مروان يعني كذب عليها وبعدين راح بسرعه لمكان عبد الواحد وجان ينتظره بوجه اصفر مثل الكركم ساله سرمد ورة السلام:
"وين الغراض؟"
خلة عبد الواحد الغراض كدامه وبلحظة وكع سرمد على الكاع لان رجليه ما كدرت تتحمل وزنه من شاف بسطال مختار الي هو نفسه بسطال أبو وجنطة مختار الي يعرفها زين وجان اكو عليها دم صح رذاذ قليل بس جان كفيل يرعب سرمد وية كل التخيلات الي جتي بباله. قال سرمد:
أنت تقرأ
ثلاثتهم بين حب وجحيم لهجة عراقية وتتوفر فصحى على مكتبة نور بأجزاءها جميعا
Literatura Femininaقصة حقيقة/عندما خطبها اعتقدت انها احبته ولكن جاء اخوه الاصغر منه والرياضي ليشغل عقل العروس المراهقة فكيف ستتصرف بعد غياب زوجها عنها؟
