تصويت للفصل ولبقية الفصول لدعم الرواية من فضلكم وشكرا
ثلاثتهم بين حب وجحيم
كتابة رؤى صباح مهدي
الفصل 48
جان سرمد ديلعب وية مختار الصغير من اقتربت عليه سهاد وهي تتبسم لان هو جان سعيد مثل الطفل الصغير ديلعب وية طفل مثلة بمنتهى البراءة يضم وجهه عن الطفل فيظل الطفل يبحلق يحاول يلكة وجه سرمد فيطلع سرمد وجهه ويسويلة بوو بصوت ناصي فيضحك الطفل من كل قلبه وكل يوم يمر وسرمد قريب منها تحس ان هو ديسرق قلبها بظرافته وهدوءه وتفهمة ونقاء سريرته سوة كل الي طلبته منه حتى يسعدها باع المحل وكل الي بي وجاب عمال فصل الطابقين ولكة مستأجرين للطابق الفوك وبالطابق الجوة نقل غرفة سهاد ومختار لغرفة الضيوف واخذ هو غرفة المرحومة امه رغم كل الذكريات الي راح تهاجمة بيها بس قرر يتحمل. حضر البيت حتى يستقبل العروسة مرة ثانية بهذا البيت بس هالمرة ماراح تكون عروسة بكل ما للكلمة من معنى لحد ما يكدر سرمد يتقبل وجودها كعروسة اله وينسى ان هي جانت بيوم من الأيام مرت اخوه اذا جان هذا الشي ممكن.
عدل كعدته من شافها دتجي وكعدت على القنفه تراقبه يلعب وية ابنها بعدين قال الها:
"كل الي طلبتيه مني سويته وبس يبقى انتي ومختار تجون تنوروني بالبيت"
ضحكت بوداعه وقالت:
"شلون دراستك؟"
رد:
"كلش زينة الحمد لله اخذت محاضرات صديقي مروان الي سبقني فما احتاج اروح للمحاضرات لان هي نفسها تنعاد كل سنة والي يفوتني اذا فاتني شيء انسخة راسا ماكو مشكلة"
بلع ريقه وقال:
"وانت سهاد متريدين ترجعين لمقاعد الدراسة؟"
بهتت بوجهه وردت:
"مافهمت؟"
كمل كلامه وهو دينطي اصبعه للصغير حتى يلتهي بي ويهدأ:
"جنت دا افكر ان انت هم تكدرين تكملين دراستج الإعدادية وتمتحنين خارجي وتدخلين جامعه وتلتهين احسن من كعدة البيت"
ما فكرت ابد بهذا الموضوع ورة كل المشاكل الي صابتها التهت وهسة سرمد ذكرها بي وعلى كل حال هي متريد تدخل معركة صف السادس لان هي تعرف بنفسها مو شاطر وتموت من التعب اذا رادت تطلع درجة فردت عليه:
"ما أتصور اكدر اسويها سرمد بالذات وية الطفل و..."
وقبل لا تكمل كلامها قاطعها:
"لعد قدمي على المسائي مرة لخ اني عندي فلوس مال بيع المحل البقى منهم وراح ناجر الطابق الثاني من البيت وان شاء الله ندبر امورنا لا تخافين"
ما صدكت الي دتسمعه معقولة ورة كل الي صار راح بالنهاية تحقق حلمها الي حلمت بي ضحكت من كل قلبها وردت:
أنت تقرأ
ثلاثتهم بين حب وجحيم لهجة عراقية وتتوفر فصحى على مكتبة نور بأجزاءها جميعا
ChickLitقصة حقيقة/عندما خطبها اعتقدت انها احبته ولكن جاء اخوه الاصغر منه والرياضي ليشغل عقل العروس المراهقة فكيف ستتصرف بعد غياب زوجها عنها؟
