تصويت قبل القراءة
ثلاثتهم بين حب وجحيم
كتابة رؤى صباح مهدي
الفصل 29
حس بحزن من جملة امه الأخيرة فكللها على روحتهم هو سهاد للكاظمية يتونسون شوية ويروحون عن نفسهم واقترح عليها ان تروح وياهم هي هم شوية تغير جو ففرحت كلش بالعزيمة مالته ومن كال مختار لسهاد امه راح تجي وياهم انصدمت لان توقعت هاي الطلعه بس هي ويا يتونسون وحدهم ما توقعت فتحية راح تجي وياهم.
بدلت ملابسها بس موبرغبة عالية مثل قبل وما نقلت لمختار امنيتها لو فتحية متجي وياهم ويروحون وحدهم تمنت لو هاي الطلعه تكون مثل الموعد الغرامي الي دائما تتمناه وتحلم بيه باحلامها تكعد هي على الكرسي يسحبه الها ويكعدها مثل اميرة بفلم ويكعد كدامها يتبسم بوجهها وكل الي يشوفه هي وكل الي يهتم بي بذيج اللحظة هي ويلزم ايدها بين ايدي. يصارحها بحبه الها وولعه بيها وشوقه الدائم الها وحرقة قلبه بسبب بعده عنها وبينما هي تحلم أحلام اليقظة الي مراح تتحقق اليوم سمعت مختار يصيحها:
"سهاد ما خلصتي؟"
طلعت من افكارها الرومانسية ربطت حجابها بدنبوس وراحت الهم شافت سرمد كعادته كاعد على القنفة ومختار وفتحية ينتظروها بملل باوعت فتحية بصدمة لملابس سهاد الي جانت تنورة جينز ذيل الحورية وقميص سمائي مقسم على الجسم وخلت حمرة حمرة خفيفة وكحل اسود وضمت عبايتها بالجنطة حتى من توصل لهناك تلبسها. كالت الها فتحية :
"ما حارتلج بهاي الهدوم؟"
باوعلتها سهاد من ورة خشمها وحست بيها دبسمرها بهذا التعليق على ملابسها. حست مختار يريد يكول شي بس ظل ساكت ومعبس. ركبوا تكسي وكعدت سهاد بصف فتحية وتحاشتها تماما وفتحية حاولت تبين لسهاد انزعاجها من العطر الي خالته سهاد وصلوا للكاظمية وهناك طلعت سهاد عبايتها وخلتها على راسها ومشت بصف رجلها وام رجلها الشارع جان طويل والمحلات تتوزع على الجانبين تبيع مختلف الأشياء من الملابس للاكل للحلويات واكو محطات تفتيش حتى تحمي الزوار الي يرتادون العتبات دخلت سهاد وفتحية وحدة من الخيمات التفتيشية وتفتشن وطلعن.
التقى بيهن مختار ورة ما طلعن وراحوا للكاظم ع يزورون وانفصل مختار عنهم لان راحن هنة لقسم النساء وهو راح لقسم الرجال.
وراها انجمعوا مرة لخ وراحوا لمطعم شعبي ياكلون وطلبت سهاد كباب مشوي ونفس الشي مختار ورادت امه كص وشوربة ومن خلصت فتحية اكلها راحت تغشل ايدها وهنا كدرت سهاد تلكة الفرسة حتى تحجي وية مختار بلا ما فتحية تكون بنصهم:
"مختار شفت المحلات الي داير الي داير مداير الشارع اريد افتر بيها شوية"
رد:
"ما تعبتي؟"
جاوبته متعجبة:
"بس انت واعدتني نفتر شوية بالسوك"
أنت تقرأ
ثلاثتهم بين حب وجحيم لهجة عراقية وتتوفر فصحى على مكتبة نور بأجزاءها جميعا
Literatura Femininaقصة حقيقة/عندما خطبها اعتقدت انها احبته ولكن جاء اخوه الاصغر منه والرياضي ليشغل عقل العروس المراهقة فكيف ستتصرف بعد غياب زوجها عنها؟
