تصويت من فضلكم
ثلاثتهم بين حب وجحيم
كتابة رؤى صباح مهدي
الفصل 42
ظلت الأفكار السوداوية تهاجم راس مختار طول الطريق لمكان الواجب جان تعبان كلش ويتمنى يرجع الهال للهدوء وترجع المياه الى مجاريها بينه وبين سهاد بس كلما يتذكر الضربة الي ضربهيا يحس هالشي راح يترك اثر بقلبها بالذات المرة ما تنسة بساع . السيارة العتيكة الي جان راكبها والكراسي المليانة ريحة والأفكار الي هاجمته خلته ما يشوف ولا يحس باي شيء داير مدايرة ولا وكفة السايق المفاجأة بالطريق الصحراوي المهجور الي يربط بين محافظتين هذا الطريق انتشرت بي ب2006 وقبلها أنواع مختلفة من العصابات والحكومة ما تكدر تسيطر عليهم والسيطرات الوهميةنوع من أنواع العمليات الإرهابية الي جان الناس ستعرضولها بين فترة والثانية من يسافرون بهذا الطريق وهواي ناس انقتلت وانخطفت بسبب هاي السيطرات.
اغلبية السواق ميفوتون على هذا الطريق رغم هو طريق مختصر من ورة الخطر الي يداهمهم بي بس هذا السايق مبين عليه ما خايف يفوت بهذا الطريق او متقصد يفوت بي طلع مختار من سرحانه على صوت مرة تصرخ خايفة ورة ما صعد للباص اثنين من الملثمين بلثام اسود وصخ من التراب والعجاجة الي بالمكان وملابسهم مثل ملابس الجيش بس مبين مو جيش رفع واحد منهم مسدس وصرخ بالركاب:
"ولا كلمة ماريد احد يطلع صوت"
بعدين مرر عينه على الوجوع الي دترجف من الخوف والشفايف الي دتدعي الله ينجيهم من هذولة الناس ومن بينهم وجه مختار الي يبس الدم بعروقة باوعله الملثم زين وهمس بشي باذن صاحبه فهز راسه بالموافقة .
بهل الاثناء مختار وصل لتليفونه كتب رساله نصية ودزها على رقم مروان وبهاي الرسالة كتب(سرمد، سهاد وابني امانه برقبتك الى يوم الدين لا اله الا الله محمد رسول الله) رفع الملثم اصبعه السبابة وصرخ بمختار:
"انت شدتسوي؟"
ضغط مختار زر الارسال قبل لا يلزم الملثم تليفونه وبعدين ضربه ضربة قوية كلش بطرف مسدسة افقدته وعيه وجرجرة من رجلية وخله التليفون مالته بجيبة.
--
وصلت الرسالة لمروان فانرعب من شافها حاول يتصل على مختار بس التليفون جان مغلق ظ يروح ويجي بالغرفة بوجه اصفر ميدري شيسوي ياترى هاي نكتة من مختار معقولة هو ما يعرف عن مختار التنكيت هذا نظام سرمد مو مختار يتصل بسرمد على رقمة الجديد ويحجي ويا بموضوع الرسالة بس شيكول اله وهو نفسه ما يعرف شيء يخابر اهل مختار لا يروح يخبلهم ويتسرع بالحكم على الرسالة..حار كلش اتصل على رقم مختار مرة لخ وهم جان مقفول اخر شي مالكة حل غير يتصل على سرمد لان ممكن يكون شيء خطير ولام يبلغ احد من العائلة او على الأقل يفهم مغزى هاي الرسالة الغامضة دك على رقم سرمد راسا رد سرمد وهو متشوق:
أنت تقرأ
ثلاثتهم بين حب وجحيم لهجة عراقية وتتوفر فصحى على مكتبة نور بأجزاءها جميعا
ChickLitقصة حقيقة/عندما خطبها اعتقدت انها احبته ولكن جاء اخوه الاصغر منه والرياضي ليشغل عقل العروس المراهقة فكيف ستتصرف بعد غياب زوجها عنها؟
