ثلاثتهم بين حب وجحيم لهجة عراقية وتتوفر فصحى على مكتبة نور بأجزاءها جميعا

الفصل 45

تصويت من فضلكم 

ثلاثتهم بين حب وجحيم

كتابة رؤى صباح مهدي

الفصل 45

مارد كام من مكانه وراح للحمام بينما كالت كريمة لسهاد:

"روحي غسلي وجهج يمة البجي مايرجع الراحو"

وكملت وهي تحاول تشغلها:

"دوري على شي نكدر نطبخة بالثلاجة نسوي لهذا المسكين اكل جنة صارلة أسبوع ما ماكل"

راحت تلم الزبالة خلتها يم الباب الخارجي وحاولت ترتب المكان وشغلت بخور وشغلت قران من تليفونها لان ماكو شي يشفي الروح مثل كتاب الله.

طلع سرمد ورة نص ساعه وما زين لحيته بس غسل جسمه وبدل ملابسه خلت سهاد كدامه شوية بيض مكلي وخبز وسوت جاي للكل وقال بصوته الي صار مبحوح من البجي:

"سهاد هذا بيتج تعالي وكعدي هنا واني راح اشوف مكان لاخ أعيش بي"

هزت راسها وردت بسرعه:

"ابيت بيت امك سرمد يعني هو ملكك وخبر وفاة مختار اجانة قبل لا هي تتوفى يعني ..."

قاطعها:

"راح اروح للمحكمة باجر واحول البيت بسمج"

ردت أمها دتحاول تهدئة:

"يمة عوف هذا الموضوع هسة واكل ونتفاهم ورة الاكل عود"

رد:

"اريد اسوي شي يريح ضميري ولو شوية مختار وصاني ادير بالي على سهاد وابنه بس اني خايف اخرب كلشي مثل العادة من اتدخل بشي اني خايف من كل شيء هسة"

قالت له سهاد وهي مصرة:

"خل نعيش سوة بالبيت لعد"

صفنت عليها أمها مصدومة من كلامها وهي دتكمل:

"نفصل الطابق الثاني عن الاور وانت اخذ الفوك واني أعيش جوة"

ردت كريمة بسرعه:

"تعيشين وحدج؟ وية ظفل صغير؟ انت من كل وعقلج الناس شتكول علينا؟"

ماردت سهاد ظلت ساكته وخافت لا تستمر بالمحادثة أمها تعصب وتظل تصيح عليها وبداخلها مدركة عمرها الصغير ووضعية المجتمع مستحيل تخليها تسمح الها تعيش وحدها واكيد اذا سوتها راح الناس تحجي عليها وبالذات اخو زوجها يعيش بالطابق الفوكاها حتى لو معزول البيت شراح يخلصها من الاشاعات.

خلص النقاش ورجعت سهاد وامها لبيتهم عافوا سرمد بالبيت وحالته صارت احسن شوية ورة ما اكل وحجة وياهم وكلتله كريمة راح يزوروه بالاسبوع مرتين او تلاثة حسب مايكدرون حتى ينظفون ويسووله اكل لحد ما تصير حالته احسن ويرجع لحياته.

وأول ما فاتن لبيتهن لامت كريمة سهاد على الاقتراح الي اقترحته وسهاد كلشي ماكالت حتى تدافع عن نفسها حتى هي ورة ما فكرت بالي كالته شافته غلط كلش وان جموحها بالتفكير والتصرفات لازم يقل وينتهي لخاطر ذكرى مختار الي مات وهي بسبب جموحها وعنادها على خلاف.