ثلاثتهم بين حب وجحيم لهجة عراقية وتتوفر فصحى على مكتبة نور بأجزاءها جميعا

الفصل العاشر

صوتوا قبل  ما تقرو الفصل :)

ثلاثتهم بين حب وجحم

كتابة رؤى صباح مهدي

الفصل العاشر

وكف سرمد بسرة طويل لمكتب الاستنساخ دينتظر دورة حتى ينسخ شلات لامتحان باجروصار لازم بعد العركة وية مختار يقتصد وصار يكتب اغلب المحاضرات بايدهوما يأخذها وينسخها من البنات اللي يرتبن محاضراتهن ويلوننها. كال اله مروان اللي واكف ورا:

"رحت للشغل اللي كتلك عليه؟"

رد عليه سرمد متكئب وتعبيرات القرف على وجهه:

"رحت وحجيت وياهم كتلهم اني من طرفك وجانوا زينين بس مروان ما دا اكدر اقتنع بهذا الشغل شلون يعني اشتغل منظف واكضي ورة الدوام انظف الحمامات والكاع بالجامعه والطلاب يشوفوني واني ادرس بالجامعه يومية راح تصير عيني بعينهم. احس بخجل وكل هذا من ورة مختار افندي"

رد عليه مروان ديواسي:

"يا اخوية مختار ديجمع فلوس لعرسة ولازم تعذرة واعذر عصبيته لان الوقت حرج ورة ما يخلص كل شيء راح تبقى انت ويا اخوة مهما صار بينكم سوء تفاهم"

كال سرمد بصوت ناصي:

"مختار قلبه طيب بس مشكلته ان هو ما يتعامل وية مشاكله رأسا لا يجمعها كلها وينتظر تتكوم على راسه بعدين ينفجر ويصيح ويحجي حجي يسم البدن وهالشي اكبر غلط لان هيج راح يخسر راحته ويتعامل وية الناس بخشونة ويخسر اليحبوه من ينفجر عليهم الانفجار العظيم الناتج من هاي التراكمات"

كمل كلامة وبنفس الوقت وصل للاستنساخ وتبسمت البنية بوجهه ابتسامة هادئة واخذت اوراقة ونسختها وقالت اله:

"لا توكف مرة لخ بالسرة اوكف هناك واني اجي اخذ شغلاتك انسخهن وارجعهن الك"

واشرت لمكان قريب من مكينة الاستنساخ فضحك الها سرمد بهدوء وتشكر منها هواي. ورة ما اخذ اوراقة طلع برة ينتظر مروان بمكان قريب من مكتب الاستنساخ وراها راحو للكافتيريا حتى يدرسون لامتحان مهم وجانت هناك لبنى وية صديقاتها وصوتها العالي اللي يوصل لكل اركان الكافتيريا وضحكاتها العالية جذبت انتباه كل الموجودين وبيدها علبة ببسي بيها زبانة شربت منها وخلته على ميز قريب. كال سرمد من ورة خشمة وهو يباوع عليها:

"باو عالها ولا تهتم باي احد ولا باي شيء"

جاوبة مروان متبسم:

"علوا تكعد شوية تدرس وتخلينا احنة هم ندرس"

التفتت الهم وباوعت نظرة سريعه وتبسمت لسرمد وبدلها الابتسامة فاشرت اله دت سلم عليه وهز راسه ديرد السلام عليها بعدين راد يكوم يروح الها فلزم مروان ايده وقال: