(تكملة) عشق الياقوت ''

فصل هدية

فصل هديه مني بمناسبة رمضان بعنوان
( رمضان يجمعنا ) ❤

هبطت مسرعة الي الاسفل لتلحق بالبنات في المطبخ لتساعدهم في اعداد الطعام قبل اذان المغرب لتتعثر في الفستان الطويل وكادت ان تقع لتجد يد سريعه تمسكها قبل ان تقع ليحتضنها سريعا ترفع نظرها لتجده هو حبيب الطفولة وزوجها الغالي تبتسم له بحب ليقربها منه وهو يتحدث بمكر : الحمد لله اني كنت جمبك في الوقت المناسب كنت بدور عليكي قالولي شوفها في المطبخ مع البنات لكن قلبي قالي اني هلاقيكي هنا
اكتسي وجهها حمرة الخجل فهو منذ ان كتب كتابه لم يكف عن غزله الصريح واخجالها
اسيل بغضب مصطنع : احنا صايمين علي فكرة لو نسيت
باسل بدهشه : هو الصيام منع الزوج يتكلم مع مراته مش كفايه بقالنا سنتين مكتوب كتابنا لحد ما خلاص تعبت
اسيل بضحك : هانت هانت كلها شهرين علي فرحنا
باسل بحب : شهرين بحسبهم بالثانيه ومنتظر اليوم اللي هتكوني فيه في بيتي ومعايا

لتأتي هي من خلفهم
ايسل : يا سلام يا سلام عصافير الحب واقفين هنا والهانم سايبانا في المطبخ واعدة تحب هنا

باسل بسخريه : غريبه مش اللي بتتكلم دي هي هي اللي لسه قافشها في الجنينه الخلفية في البيت الزجاجي هي واستاذ كريم وهما بيحبوا في بعض بردو

ايسل بارتباك وحمرة الخجل تكتسي وجهها من وقاحة اخيها : ايه قافشهم دي اللي يسمعك يقول انه واحد غريب ده جوزي علي فكرة وبعدين احنا .. احنا .. كك .. كنا ... اقصد
ليأتي كريم من خلفها وهو يتحدث : بس بس انتي لسه هتبرري وبعدين مالك مرتبكه كده ليه احنا فعلا كنا بنحب في بعض ولو مكناش صايمين كنا هنحب اكتر و اكتر في بعض عندك اعتراض ياض انت ثم انا مسمحلكش تسخر من مراتي وألا انت عارف انا ممكن اعمل فيك ايه ولا نسيت حجرة الملاكمة والبوكس اللي لسه معلم علي وشك ده مينساش ولا تحب اقولها علي سوسو
باسل بخوف : اخرس الله يخربيتك يا كريم اسيل حبيبتي راحت الشركه وغيرت السكرتيرة لكن الدور والباقي علي سكرتيرتك اللي كل يوم عماله تلفت نظرك وتعمل عمايل مريبة في نفسها
ايسل بغضب : نعم هو انت مش قولتلي يا كريم انك مشيتها وجبت راجل
كريم بارتباك وهو يهمس : الله يحرقك ياباسل
لينظر له باسل بتسليه فها هي الفرصة جاءت له : ياايسل هي مشيت فعلا لكن جات واحده احلي منها ليجد من تضربه علي صدرة ليعدل من حديثه اقصد افظع منها و ايه يا ايسل ياختي عماله كل يوم تلفت نظره وانا قولتله غيرها وهو بيسمع مني ويطنش
لتتحدث ايسل بشراسه : طبعا لازم يطنش ما هي عجباه اكيد ماشي ياكريم انا مش كل يوم هروح اعمل مشاكل مع السكرتاريه انا شكلي بقي وحش قدام الموظفين وانا كل يوم امشي واحدة خليها يا كريم

كريم بريبة : بجد يا حبيبتي
ايسل بغموض اها ياحبيبي سيبها
كنت عارف ان حبيبتي عاقلة
اه طبعا لتلتفت لباسل قائلة : باسل اتصل علي نفس المأذون اللي كتب كتابنا لانه هيطلقنا وانا هدخل لخالو اقوله اني خلاص غيرت رأيي و مفيش فرح بعد شهرين
لتتركه مصدوم وترحل متجهه لخالها احمد
ليفق من صدمته ويلحق بها
كريم : استني يامجنونه والله همشيها لينظر لباسل بانتقام ويقول له هتتردلك اتقل بس