أحببت أخت زوجتي الجزء الثاني 2

48

قاعدة فوق البانيو تهز في ساقيها بتوتر وتتنفس تكأنو كانت مخنوقة ...قلبها في الألف ووجها حمار السخانة قاعدة تطلع منو بقات تضرب في خدودها مادققتش برشا على كلامو قد لي دققت فيه كيف قاعد يحكي وقت كان قريب منها مخها هزها لشفايفو ......انصدمت لروحها .....*حياة: فيق فيق هبلتي انتي حياة شصارلك .ياربي كلو بسبة لجين والمسلسلات لي نتبعهم .باز هبلت او شي ....طردت الأفكار الخايبة من مخها وطلعت حلت الدرسينغ تخمم شاتلبس ....من بعد شهقت تفكرت لي قالها 5دقايق مش قادرة تسمع زادا محاضرة اخرى او عملة من عمايلو هزت لي جات قدامها لبستهم كي جاو ونزلت بشلاكة مزروبة مع الدرج لين وقعت شدت في السراج متاعو ........*حياة: اييي . ..حكمت رجلها توجع فيها ....*حياة: اففف كلو بسبتو اييي اهئ .....*نجية: وااه شبيك بنتي شصارلك وطلعت لعندها .....*حياة: وقعت ساقي توجع توجع اهئ اهئ ..........*نجية: قوم ..إيجا نعاونك ...قومتها وجعتها برشا .....*حياة:مانحبش مانحبش اهئ اهئ .......................قاعد مقابل الطابلة لي طول وعرض يستنى في حضرتها تشرف غزر للساعة 12:10....جا قايم قصت عليه نجية كيف دخلت .....*نجية : ميسيو صقر ....غزرلها منزل حواجبو ....*صقر:شفما؟؟!؟؟........نجية: مدموزال حياة وقعت من الدرج ورجلها مش ..ماخلاهاش كملت وتعدى وخلاها مزروب ملامحو تحولت للخوف............شادة في السراج وتسب فيه كلو بسبتو شدت رجلها ...جات قايمة باش تنزل وجعتها برشا ...*حياة: ااا اففف ..هزت راسها على حسو لقاتو ماشي جهتها ....قحرتلو ...لحق عندها ...*صقر:علاش ماتمشيش بالعقل ..حط يدو على خدها ...موجوعة؟!! ...جبدت وجهها منو وصاحت في وجهو .....*حياة: انننت السبة قتلي نهبط في 5 دقايق ....بقى يغزرها ..على اساس مالفة تسمع الكلام ورجع غزر لرجلها وهزها في يدو ...*صقر: هاي لي توجع فيك؟؟؟.....*حياة: ماتحكيش معايا ....*صقر: انا ڨتلك وقع ..جات تحكي ..حط يديه تحتها وهزها وكمل هبط بيها للصالون ......*حياة: سيبني نحب نرجع لغرفتي .......حطها على لرض ضغطت على رجلها لي تلوات وجعتها قعدت في لرض .....*حياة: اييي اييي توووجع .....*صقر: اسكت مالا وبلاش تخرنينك قحرتلو ....رجع رفدها وحطها على الكانابي الطويلة وقعد عند رجليها هز لي توجعها ....*حياة: ماتمسهاش تووجع ....*صقر: وباش تظل توجعك كثر إذا ظلت هاك ..بقى يتلمس فيها وهي مراقباتو تعض في شفايفها ..غزرلها بحنية ضمت شفايفها تثبت معاه ماتحس غير رجلها كيف دارت بغدرة منو كمشت ملامحها وصاحت .....*حياة: ااااا....اييييي اهئ اهئ اهئ ايييي اهئ اهىئ..ً....جبدت ساقها وتبكي ....قربلها حط يدو على خدودها يمسحلها في دموعها ......بعدت عليه مغششة وتبكي .......*صقر: يعني هذا موضوع يبكي!!؟!! شصار وكان جا موضوع آخر مممم!!!!....*حياة: وج.ع.تن.ي اهئ اهئ ......*صقر: خلاص ماعادش توجعك ..هات نشوف ....وسعت عينيها فيه وصاحت ....*حياة: خلييييك ماتمسسنيش اهئ اهئ ........قربلها كثر حطها في حضنو باس جبينها يتبسم ويمسحلها في دموعها .....*صقر: خلاص يافرخة .......*حياة:قتتتلك مش فرخة وماعادش تقولها .......*صقر: اما الفروخة كهو يبكو ......*حياة: سيبني وجات قايمة ماشية ماتوجعتش استغربت قعدت تضغط عليها عادي .......مسحت دموعها وغزرتلو قام قابلها ..كتفت يديها وعوجت فمها تبسم .*صقر: ايجا وخذاها لطابلة الفطور 

.........................................

قعدها حدو في الطابلة الطويلة العريضة وبدى ياكل وهي تغزرلو ...........طلع راسو فيها ً.*صقر: كول !! ولا تحب نوكلك زادا ......*حياة: قتلكش وكلني اففف ........*صقر: شنية هذاك لي في فمك؟؟؟؟ .....*حياة: شنية؟!!!!؟....حطت يدها على شفايفها باهتة.....*صقر؛ داخل ..حل فمك نشوف !!!......حلت فمها مستغربة ..حطلها المغرف في فمها معبية .....*حياة: ئ.اا .....*صقر: تحتاج شي ثاني قولي نغسللك ولا نلبسلك ولا نمشيك زادا وتبسم شطر تبسيمة ..ويكمل في فطورو .....حمارو خدودها من الغش والفوار يطلع من وذنيها تغزرلو بلعت لي في فمها وتحكي......*حياة: قتلكش عاونني نعرف نعمل كلشي وحدي مفهوم !؟؟.....*صقر: إيه واضح ألي تعرف وغزر في دبشها..شنية الخالوطة هاذي لي لابستها ...غزرت لروحها ....*حياة: شبيني... انا نحب نلبس اكاكا!!!¡ .ً......*صقر: تلبس سراول مشقوقة وشوميز نصو طالع والثاني هابط شنية التبهديل هذا ودوح راسو وياكل.ً..حمار وجهها تبهديلة ولا في الخيال مالقات ماتقول بكمت .....غزرلها......*صقر: كول ..قحرتلو وبقات تاكل وشوي شوي وتغزرلو .......*حياة: نحب نروح!......غزرلها ...*صقر: وين؟!؟؟؟.....*حياة: لجهنم.......هز حاجبو فيها ً....*صقر: حيااااة!......نفخت .....*حياة: للجامعة نحب نقرى لي بقى من ليوم وين باش نروووح يعني.....*صقر: مممم تنجم تمشي؟؟؟؟....*حياة: نجم .....*صقر: باهي انا نوصلك....*حياة: باهي شبعت وقامت مشات لغرفتها باش تقعر لرض بالغزول ......*صقر: دير بالك تطيح .......صاحت في وجهو....*حياة: مااانطيييحش انت دير بالك طيح على راسك وطلعت ....ضحك ......دخلت لغرفتها مشات طول للمرايا تغزر لروحها ......*حياة: شبيني انا نحب ستيلي اكا شدخلو هو اففف.....يعني خايب للدرجة اذي وبقات تثبت ً.....*حياة: حد مادخلو في لبسي هاااه ومش باش يأثر عليا جبدت سبادريها تلبس فيها هزت بوشاتها وهبطت طول لبرا لقاتو مافماش ......*حياة: اففف وينو هذا ....تخزر للوقت قريب الوحدة ....تثبت مع الرجال لي معاه اما هو مافماش على هزة راسها لباب القصر شافتو طالع يسوي في كمام شوميزو ومبدل دبشو ...بقات تثبت معاه عوجت فمها وهي تخزرلو من تحت للفوق يقرب بخطوات ثقيلة شخصية علاخر كيما مالف ...حضورو وحدو بقيمة ووقت يجهز روحو حاجة اخرى .....لحق عندها ريحة برفانتو تهبل دخلت لخشمها ......غزرلها وتبسم عوجت فمها .....*صقر: شبيك زادا؟!!!....*حياة: شي .....تعدى قدامها للطوموبيل ..شمت دبشها وراه نسات ماحطتش برفانتها بوزت شفايفها وهي تقارن فروحها بيه مهتم بروحو كثر منها ...ركبت حدو وديماراو.