أحببت أخت زوجتي الجزء الثاني 2

69

رجع حط شفايفو على شفايفها وهي حلت عينيها جبدت وجهها اما كبس عليها وهو يمص فيهم يدو طالعة هابطة مع ظهرها لي نصو عاري فشلها بفازاتو لين ترخات بين يديه وماعادتش قادرة تقاوم بقات تتنفس بالقاوي صدرها طالع هابط قدامو ....جبد على شفايفها ماشي لخدها وهبط لرقبتها باسها بوسة خفيفة كبست على كتافو بالقاوي وطلعت صوت من فمها خفيف شويا ...عض شفتو يغزرلها كيف مخذرة وذايبة فيه متأكد انو فما حاجة تكنها جيهتو مثلما هو يكنلها الحب ....يمكن مايكونش عشق كيف ماهو يحس جيهتها اما يمكن اعجاب او ولف المهم نقطة ومش باش يسيبها ....حضنها وهي دايخة في حبو وحكى في وذنها ..*رامي: استسلم نادية سلم روحك ليا .....على كلماتو عينيها تحلو الزوج تقول ضربها الضو كلمة سلم روحك ضربت في مخها الف ضربة وهي تفسر شمعناها دوب فاقت بروحها انصدمت كيف طاوعاتو هاكا واستسلمتلو ..جبدت عليه تملص فروحها بالقاوي ودزتو بعصب وقامت غزرتلو بنقمة وغش حبت تحكي اما شباش تحكي وهي كانت فحضنو رفدت روبها بيديها على لرض وطلعت من الحمام ماهمها في حتى حد من لي برا ...اصلا لقاتهم بدلو ومشاو ..خذات دبشها من الشومبر ومشات للحمام متاع برا تبدل فيه وتطلع من الشركة ..............رامي وقف ضبط دبشو ومسح على شعرو وتنهد بالقاوي تصرفها مافهموش تكون ليه وبين يديه لين تتقلب في ثانية وتعود تصدو مش فاهم علاش قاعدة تهرب منو كل لي قالو انو تستسلم وتقولو مشاعرها خاطر ضعفها قدامو ونظرة عيونها واحاسيسها وخوفها عليه لي شافهم توا كلهم يحكو الي فما شي في ڤلبها جيهتو وواعد روحو باش يخليها تعتارفلو مهما كان......................................لحق العشى آدم وميس وصقر ونادية وحياة ويوسف في الصالون يتعشو ........*حياة: سييب ....*آدم: ههههههه كولني شدها ودزهالها في فمها لين تخنقت ....*حياة: م..اييط وي علابش هاكا...........*صقر: معصب...كول لي في فمك واحكي ...غزرتلو تستوعب بالحق اذا حكى معاها ولا لا من اسبوع ماڨالهاش كلمة ولا حاورها ..الظاهر ميس وآدم جابو فايدة بلعت لي فمها وضحكت بخبث ...*آدم: كيف لحوال نادية حكيلنا على الأوضاع ..*نادية:لاباس آدم ماشية الحالة ....*آدم: هه مريڨل .....*ميس: صقر!!!وبينت سنيها.....غزرلها ....*صقر: نعم ميس ....*ميس: نحب شي .....ثبت معاها تبسم من منظرها ....*صقر: اطلب صغرونتي ......على الكلمة حياة تزعزعت ماعجبتهاش جملة وجهها تقلب بعدما كانت تضحك ..مسحت فمها وتغزر معاهم ....*آدم: ماتقولش باش ت....وسكرتلو فمو ..*ميس: اسسسكت .....هز حواجبو يغزرلهم......*صقر: شفما احكو .....*ميس: نحب على موطو وغمضت عينيها ......طلع حاجب وهبط حاجب ....*صقر: شنية!!؟ ...*آدم: قتلك مش باش يقبل انتي هبلتي .......صقر: لاباس في مخك ؟!؟ تحب موطو تحب تسترجل؟؟؟؟.....*ميس: علاش الموطو للرجال كهو حتى صاحبتي عندها وحدة وتدور بيها وينما تحب ...ً..صقر: موضوع الموطو انساه تسمع فيا ؟؟؟؟!! ورد بالك تطلب من بوك ......*آدم: اتهنى قاتلو ورفضت جميلة متحلفة وكان يشريهالها تقاطعو عام هههههه .....*صقر: عملت مليح ورجع ياكل ...بوزت شفايفها وغزلو عينيها...... ......*آدم: تقومش غير تبكي يارووحي ههههه ......ضربتو وقامت .......*حياة: ميس ...اففف تنجمش تسكت انت ......*آدم: والله وتغششت الفرخة بالحق توا نشوفها ........*صقر: اقعد انت ...مسح فمو وقام .......*يوسف: شبيها ميس اختي تبكي خالتو نادية .....*نادية: مابكاتش حبيبي إيجا عندي .....*نادية: متغششة كهو .....*يوسف: إيه خاطر تحب موطو انا زادا نحب موطو ...ضحكت ...*نادية: باش نجيبلك موطو صغرونة تهبل وباستو ......*آدم: اقعدو اكاكا طالعين تهبلو وصورهم على غفلة .....*نادية: شنية تعمل آدم ....*آدم: والله فوطو تهبل تشبهو بعض في العيون باش نطلعها في الفايس هههههه......*نادية: ندفنك وكان نلقاها ههه ...غمزها عوجت فمها .....*يوسف: شنية بايسبوك عمو ...ً....ترشق بالضحك ........*آدم: فايسبوك فايسبوك مش بايسبوك .....*يوسف: بايسبوك ......*آدم: هههههههههه......*نادية: تضحكش على يوسفي ياآدم ولدي راهو نتغشش ...وحضناتوو .......*آدم: هههه مممم هاني ساكت ..بقى يغزرلهم ثواني وقام ..............حياة مقابلة صقر وهو يحكي مع ميس من بعيد تغزرلهم ......*صقر: علاش الدموع توا ومسحلها خدودها .....*ميس: بابا ماحبش وامي وآدم وحتى انت... ...ماتحبونيش .....نفخ ....صقر: تعرف نحبك صغرونتي ونخاف عليك شالزوم الموطو توا في بالك لي برشا ناس متمرسين عملو بيها حادث
.........

ميس: مش باش نسوقها حتى نتعلم بيها كهو وصاحبتي عندها وحدة زادا وتهبل انا زادا نحب وحدة وتشهق .....*صقر: شششش يزي وحضنها ....*صقر: باهي......جبدت عليه عينيها محلولين.....*ميس: شنية باهي ؟!!......*صقر: ماتحبش موطو باش نجيبلك وحدة اما و قصت عليه تصيح حاضناتو متعنكشة فيه برجليها ويديها ...ضحك بالقاوي ......*ميس: ااااااااااااع نحبببببببببك نحببببببببك صقققر ههههه .....حياة تغزرلهم بنص راس ورا الحيط وتضحك اما قلبها ياكل فيها باش يترشق مش عارفة علاه ماحملتش تشوفو يحمل في اختو قبالها بالطريقة هاذي .....آدم يمشي لين غزرها تثبت مش عارف وين ضحك بخبث وقدم لين صار وراها ڨد ڨد وراسو عند راسها .......*آدم: شنيييييييييية تععععععععملي .....تهزت وتنفضت قريب توووقع ..قلبها صاااار في كفها ًوصفاااارت من صيحتو ...تلفتت والغش ماكنها طاحت فيه وتضرب بقوتها .............*حياة: مااااااااااسط اوووووووف اووووووف علاش هاك .فجعععععتني ......*آدم: ههههههههههههههههههههه اووو توجع ياهم ي...يزي يزي ....ضربتو لذقنو ....هز حاجبو .....*آدم؛ ااااا مش للدرجة ذي حياة قلللنا يز....اررركح ياااهم ..حكملها يديها وراها ولصڨها مع الحيط قحرتلو .....*آدم: فك روحك توا ....*حياة: دغف سيييب .....*آدم: ههههه ضربتني راهو ....*حياة: وانت فجععتني ....*آدم: ومش باش نفكك اقعد تتقلب هاكا هههه .....تتملص وماحبش يسيبها غزرت لوجهو ثواني وضحكت بخبث ........*حياة: جبتها لروحك .....*آدم: شنية ههه ....قربتلو وحكمت خدو بسنيها وتعض فيه تنتقم.....*آدم؛ اااا.حياة سيبي شتعملي مجنوووونة ...سيبها وهي لاحبت تسيب خدو وماشية وتزيد تكبس ......*آدم: حياااااااة سيبتك راهو وجهي يا فرخة سيب ........ماسيباتوو غير وقت سمعت الصوت المدوي لي زلزل القصر .......*صقر: حيااااااااااااااااااااة.....غزرتلو وتمنات لرض تنشق وتبلعها من منظرو لي تحول لإبليس