أحببت أخت زوجتي الجزء الثاني 2

62

الحلقة 62: حياة فاقت بعد نومة طويلة قامت من محلها وهبطت تحت باش تموت بالجوع اما تنجمش تاكل حوايج ثقيلة مشات للمطبخ طول لقات نجلاء ورفيدة ونجية ولميس خزرولها ......*نجية: شاتحب بنتي تحتاج شي؟!؟....*حياة: كملو عادي توا نتصرف وحدي ....خزرو لبعض وكملو تحضير العشى...حلت الفريجيدار هزت سلة فواكه وطلعت .......*لميس: البنت هاذي قداش تعجبني ....*نجلاء: إيه حتى اختها ماشاء الله اما تختالف برشا عليها ....*نجية: إيه وتختالف على اختها المرحومة زادا .....*رفيدة: ياسمين اسمها الله اعلم !!.....*نجية: إيه ربي يرحمها حتى هي كانت ماشاء الله عليها بنت كي الوردة خذاها المرض عمرها ضلمتني ولانبزتني بشي كلام .....*رفيدة: ربي يرحمها ..شفت صورتها في غرفة مادموزال حياة وانا ننظف تشبه لمادموزال نادية برشا .......*نجية: إيه خلاص يزيو من الكلام وكملو العشا باش نحطوه بكري....... ...............ماشية للصالون بسلة الفواكه وتخرب في تلفونها لقات مكالمة من لجين قعدت فوق الكانابي ترتاح مشات خطوتين تعبت ...حطت رقمها وطلبتها .......*حياة: الو لجين ....*........*حياة: لاباس شفتوش ..كيف صارت امك لاباس ؟؟؟؟!....*........*حياة: الحمد الله باش تجي غدوا ؟!....*........*حياة: مممم باهي ب....جات تحكي قص عليها التلفون يصوني زادا استغربت للرقم ......*حياة: فما شكون يطلب لجين سكر ....*.......دوب سكرت عليها ردت باهتة ......واقف قبال مرايا في غرفتو يحل في ڨرافاطو والتلفون في وذنو .....*حياة: ا.لو!!!!!!.......*وليد: الو حياة لاباس؟!؟.....ضيقت عينيها حايرة!!!...*حياة: شكون.ك انت؟؟؟؟!......*وليد: استاذك ...وليد بالطبيعة ......عينيها تحلو وجات واقفة طاحت السلة من فوقها ...*حياة: اا ..ونفخت وهي تخزر لكل حبة مشات لشيرة ...*وليد: مستغرب...الو!؟......رجعت تحكي معاه حواجبها في بعض ..*حياة: شاتحب وشكون سمحلك تاخذ رقمي ؟!؟......*وليد: نحتاجو ..ارتحت شوي !!؟......*حياة: قبل ماتطلب كنت مرتاحة .....هز حواجبو للفوق ومشى قعد على السرير ....*وليد: بعد كلامك هذا نمدلك سمانين باش تجي عندي برجليك تحكي واضح بعدها باش تكون محضورة عندي .....*حياة: شاااتحب مني انننت ابعدنييي ابعدنييي مانحبش نحكيلك شدخلللك انت حتى نحكيلك اكا شي ......*وليد: علاش؟!!؟،تحشم ؟!! ولا تخاف من حد!!!؟؟ ماتتقلقش باش نسمعك للآخر وباش يظل بيناتنا ....*حياة: ان....وقصت كلامها كي سمعت هدرة عند باب الصالون تلبكت جات تنزل التلفون من يدها وقعاتو من الخوف.....دخل صقر ونادية ويوسف بالوقت ......غزرلها كي حاولت تشد التلفون ونجمتش لين وقع والفاكهة تتدحرج في الصالون ...خزرت للتلفون مازال ماقصش سكرت المكالمة ووجها حمر تعدات من قدامهم بلاما تحكي ومشات لغرفتها .........*نادية: حياااة!!!شبيها سلمتش حتى ؟!.......*يوسف: بابا ليوم خذيت 10 /10 في الإختبار .....تبعها حتى طلعت ورجع خزر لقدامو عرفها كانت تحكي في التلفون طلب نجلاء نظفت البلاصة من الشي لي عاملاتو ......دخلت لغرفتها باش تترشق ......*حياة: شااااايحب منييي شاااايحب مشات حلت ساكها جبدت كايي المادة متاعو وقطعاتو طراف طراف ...ورمات كل طرف في شيرة فركتت دبشها ورماتو ورمات صاكها ...حلت درسينڤها بدات ترمي في شوالقها بوجيعة .*حياة: اهئ اهئ نحبش نقرى نحبش نقرى نكرررهو اهئ اهئ قعدت في لرض وقعدت تبكي .....دز الباب ودخل عليها والصدمة يغزر للغرفة مئساوية وهي قاعدة في لرض وتبكي مخو رسملو الف سيناريو وسيناريو وكأنو شكوكو بدات تتأكد ...نزل عندها بهدوء وطلعلها وجهها بيديه قابلو لوجهو ......*صقر: آخر مرة نسالك حياة وجاوبني ...شفما؟!؟؟