طلعت لليخت مرعوبة وتعض في شفايفها شوي شوي وتكبس عيونها من وقت مات فاتح صارت تكره السفن والبحر وتخاف منو والمكان هذا بالذات تزيد الفوبيا متاعها منو مشات زربت خذات روبها دخلت نحات البول القصير لي لابساتو والشورت حتى ملابسها الداخلية خاطر صارت مبلولة ورجعت روبها متاع الصوف على جلدها لبست بوتها ....تخزر لدبش صقر تنهدت هزتو في يدها ومشات طالعة من اليخت ...جات تنزل لقاتو في وجهها .......*صقر: كملت ؟؟؟......*حياة: إييه ..شد دبشك !!! غزرلو هز من يدها الفاست جبد تلفونو حطو في جيب المونطو ورماها وسط البحر بيها بالسروال والشوميز.......*حياة: ئ ئ!!!؟ علاش هاااكا؟!!! علاش رميتهم .؟!؟؟!.....*صقر: إيجا ! ومدلها يدو غزرت للدبش المرمي ميلت شفايفها مستغربة ونزلت ......مشى قدامها وهي وراه لين وصلو الطوموبيل ركبو من ورا وديمارا بيهم الشوفار للقصر طول واسمر بالحشد تاعو وراه.........................نادية في الشركة بدات خدمتها احسن حاجة مليحة صارت معااها انها ماشافتش رامي ليوم الكل ....خلطت عليها إيلين ..بعدما دقت غزرتلها بملامح باردة ورجعت تدقق في الوراقي قدامها .....*إيلين: مافماش رد على صباح الخير.......*نادية: شاتحب إيلين الخدمة فوڤ راسي ....قعدت قبالها في الكرسي .....*إيلين: مازلت مغششة؟؟؟؟!!!!!!!......*نادية: علاش نتغشش؟!؟..ماكم قررتو في بلاصتي وخلاص شنية الفايدة توا؟!؟ ....تبسمت في وجهها *إيلين: يعني ماتحبش تكون الوجه لإعلاني لشركتنا ؟!! وغمزتها ......*نادية: شقصدك؟!؟ ....*إيلين: الشي لي حكيتو في الإجتماع مش كذب ولا كلام كهو ..بالحق قصدتو كنت باش نقولك الصباح والضيوف شغلوني ....واصلا كرم اقترح الفكرة من مدة قال وجهك مناسب حتى بدنك وكلشي فيك......*نادية: ممم ...*إيلين: شقلت؟؟؟!!!......*نادية: منعرش .ورامي؟؟! قصدي سي رامي شنية رايو ؟! باز مش باش يقبل نسيت شتاقالي ماسمعتش كلامو ؟!!!؟ ......*إيلين: رامي انا نعرفو باز عندو سبب عملت شي يعني انتي!!؟؟؟....هزت حواجبها فيها ....*نادية: شقصددك إيلين شعندي نعملو انا اصلا شدخلني فيه كل حد وخدمتو شايهمني فييه؟؟!؟....*إيلين: اهدا نادية شبيك تقللقت ..استغربت كهو خاطر مش من طبيعتو يحكي كلام خايب اكاكا .....ضحكت على جنب*نادية: هه مش من طبعو قتلي .......*إيلين: وقت يعصب كهو يصير خايب اما قليييىل ..على اذاكا سألتك.....المهم انا باش نرجع لخدمتي ورامي خليه عليا وقت يشفى نحكي معاه .......مع كلماتها التوالا غزرتلها متوترة ..*نادية: ك..كي.ف يشفى؟؟!!!!!!!!!!! شقصدك ؟!؟.......*إيلين: رامي مريض شوي على اذاكا ماخلطش ليوم ڨريب كهو يالله من بعد .وخمم في لي ڨتلك ........قعدت باهتة تخزر مع ظهرها وهي خارجة وتخمم فيه حايرة غير يامس كان لاباس بيه وكان يحكي ويعرش في وجهها ...تفكرت موقفها معاه في الأسانسار كبست على عينيها وحطت راسها على البيرو تنفخ تحاول تبعد الأفكار الغريبة من مخها وتقنع روحها الي مايهمهاش...............حياة وصلت هي وصقر للقصر نزلت معاه داخلين ...يمشي وجههو لباب القصر بملامح ماتعبر على شي لابس شورت كهو وفوقو مونطو طويل ...تغزرلو لين خلطو لداخل .....مشات طالعة لغرفتها بعدما زاحت نظرها عليه قص عليها وقت شافها طالعة ...صقر: اعمل دوش سخون وشيح شعرك .....تلفتتلو تبسمتلو تبسيمة خفيفة مصطنعة....*حياة: با..هي ومشات دزت باب غرفتها ودخلت سكراتو بالقاوي وتكات عليه تخمم في احداث ليوم وبالذات في اللحظة لي قالها مانحبش نخسرك ..كلمات عششو في مخها حسسوها بنوع من الفرحة ..فرحة بنكهة غريبة مش فاهمتها ...من وقت قلعو وهي تغزرلو وتفكر في حالتو لي حيرتها ولي ماتعداتش عليها في حياتها ..ماكانش صقر القاسي لي عهداتو طول المدة هاذي..اما فما حاجة متأكدة منها لي هي اختها ياسمين مستحيل تخون وباز فما تفسير وفي نفس الوقت مصدقة صقر بشكل من الأشكال خاطر حالتو متاع ليوم مش متاع واحد فاهم بالغالط ولا يكذب واصلا هو يكره الكذب
طلع لغرفتو ....وضعو بعد ماكان هادي ...رجع مكبوس وعلى آخرو حواجبو في بعض وضام فمو ملامحو صارمة يفكر في ليوم كسر حد من حدوده وقدام شكون !!!!! ضرب قبضتو على الحيط لين تزلزل من الغش ...صحيح كان لازم يرجعها اما مش بالطريقة اذيكا مخو وقلبو تصرفو وحدهم وقادوه حاس بلي قاعد يخسر فروحو الضعف اذاكا ماتشوفو كان جميلة وفي الشك ...خط حمر صار خضر في وجودها علاش وكيفاه مش فاهم .......دخل الدوش تحمم بالسخون يحاول ينسى ...كمل وطلع لبس وغزر لساعتووقت الفطور بالضبط ...خرج من غرفتو تعدى على باب غرفتها يغزرلو تنهد وقرب باش يناديلها تفطر مهما كان هو وعدها مايضرهاش ومش من نوع لي يتراجع في كلمتو ...باش يلقى صعوبة مع شخصيتها الجريئة ومتاع المشاكل اما يحاول يريحها قد لي يقدر ويوجهها بالكلام في عوض العنف لي تعود يحل بيه مشاكلو كلها ......دق الباب...ماردتش...*صقر: اهبط تفطر !!! ......مافماش رد دز الباب بالشوي ودخل ..صوت الما في الدوش باز قاعدة تتحمم ..بقى يغزر لغرفتها
أنت تقرأ
أحببت أخت زوجتي الجزء الثاني 2
Roman d'amourرواية منقولة من الكاتبة الشابة الجزائرية: سعاد عامري، و هي رواية ممزوجة بين اللهجتين : الجزائرية و التونسية.
